JEREMIAH 4:21 - Hakcipta - Biatah Bidayuh

²¹ Ndŭg sinde aku dŭh siŭn dŭh kiris bisaad ati ka dingah jawŭn trompet?

JEREMIAH 4:21 ပူးပေါင်းရင်းမြစ်များ

2 KRONIKEL 35:25

Nabi Jeremiah nimbur ndi ragu puās yŭn Raja Josiah. Di Israel, ndŭg madin ragu anŭ dog nang bara pinyanyi, dari bait dayung, kan ngara muās ayŭh. Ragu anŭ bisa dog dapŭd di uruk dudu ragu puās.

2 KRONIKEL 36:10

Kan-i mbŭh tipuh bunga, Raja Nebuchadnezzar taban Jehoiachin ka Babylonia jadi daya-takap, ka taban ngga bu rata Ramin TUHAN. Komŭnŭ Nebuchadnezzar bada Zedekiah adi tua Jehoiachin jadi raja Judah ngga Jerusalem.

2 KRONIKEL 36:17

Jadi TUHAN bada raja Babylonia nyerang ngara. Raja Babylonia siŭ bara dari Judah adi mara, di darŭm Ramin TUHAN ani. Ayŭh dŭh biyŭn masi di tadŭ tadŭ daya, mara bait tuuh, dari bait dayung, mandam bait dŭh mandam. Tapa nyerah sopŭrŭg ngara di ayŭh.

2 KRONIKEL 36:3

Neco adi raja Egypt nakap ayŭh jadi daya-takap ka bada Judah bayar ndu takŭd 3,400 kilogram pirak ngga 34 kilogram mas.

JEREMIAH 4:19

Andam-i! Dŭh aku tan nyinjŭn-i! Atin ku! Atin ku mbŭh simadup! Aku dŭh dapŭd bada-i tanang; Aku dingah jawŭn trompet ngga sirais perang.

JEREMIAH 4:20

Pinyirusag ndi dog tunda pinyirusag andi; ndi tarun tarun tana rais mbŭh rabur. Gŭgŭh bari bari ami mbŭh dog pirusak; dudu tabir-i mbŭh tiratak.

JEREMIAH 4:22

TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

JEREMIAH 6:1

Daya Benjamin, bikaduh nyiramat adŭp ngan! Bu so Jerusalem! Mambak trompet di Tekoa ka ndai apui ngga nggen tandā di Beth Haccherem. Pinyirabur ngga pinyirusag mbŭh re mandŭg so utara.