JEREMIAH 4:2 - Hakcipta - Biatah Bidayuh

² kuu bisa bipayu pakai adŭn Ku. Komŭnŭ sopŭrŭg bangsa re mite Aku nyiberkat ngara, ka ngara re muji Aku.”

JEREMIAH 4:2 ပူးပေါင်းရင်းမြစ်များ

TIBIRIK 22:18

Sopŭrŭg bangsa re bada Aku nyiberkat adŭp ngara nimun Aku mbŭh nyiberkat sesang mu, amai kuu tunda pesan ku.”

1 RAJA 3:6

Solomon nam, “Kaam ari kiren pinyirindu bās di sama ku David, adi urun Mai, ka ayŭh kana, tŭtŭd, ka tŭnggŭn ngga Kaam. Ka Kaam mbŭh adu adu kiren di ayŭh pinyirindu mai adi bās adi dŭh bisa birubah darŭm Kaam nggen di ayŭh anak adi andu ati mritah gati ayŭh.

MAZMUR 72:17

Isa-i dŭn raja dŭh re dog kambŭt; isa-i bragah raja tan adu adu mun batŭh andu. Isa-i sopŭrŭg bangsa mite Tapa nyiberkat ngara nimun Ayŭh mbŭh nyiberkat raja.

MAZMUR 99:4

Raja adi bikuasa, Kaam rindu kayuh adi batur; Kaam mbŭh piguru pinyitŭnggŭn di Israel; Kaam mbŭh taban pinŭnggŭn ngga atin jujur.

ISAIAH 45:23

Janji Ku agi sawŭ, ka-i re dŭh dog ngubah. Aku bipayu pakai asi adŭp Ku ati: Barang naan re mandŭg ka sidikang di sirung jawin Ku ka mutu ubak raan nundok di Aku.

ISAIAH 45:25

Aku, adi TUHAN, re nyiramat sopŭrŭg sesang Jacob, ka ngara re muji Aku.

ISAIAH 65:16

Daya adi rŭŭ di tarun tana anŭ adi mite berkat re mite dog nyiberkat Tapa adi tŭtŭd. Asi asi adi bipayu re bipayu pakai adŭn Tapa adi tŭtŭd. Pinyusah adi mbŭh ripas re miyap ka dog kambŭt.”

JEREMIAH 10:10

Pak Kaam, TUHAN, inŭh Tapa adi sawŭ, Kaam inŭh Tapa adi udip ka raja adi tan adu adu. Kan Kaam baji, ong bigagar; bangsa bangsa dŭh tan nura baji Mai.

JEREMIAH 12:15

Pak ripas Aku mbŭh kadi ngara, Aku re masi di ngara; Aku re taban barang bangsa pari ka tarun tana rais adŭp-i.

JEREMIAH 12:16

Kambŭi ngga siabo atin, ngara raan trima adat daya Ku ka bipayu nang, ‘Siragi TUHAN udip’ — nimun ngara ko dawŭ-i ngajar daya Ku bipayu ngga dŭn Baal — ngara gŭh re jadi ndi so bara daya Ku ka re mujur udip.

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 3:17

Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

JEREMIAH 33:9

Jerusalem re jadi atak pinyigaŭn, stabi, ka kayuh adi Aku ngangŭn; ka barang bangsa di ong re taru ka kimŭtŭr kan ngara dingah pasar kayuh kana adi Aku ndai yŭn daya Jerusalem ka pasar udip mujur adi Aku taban ka kupo anŭ.”

JEREMIAH 5:2

Sunggu angān nang adŭp ngan nyambah TUHAN, angān nang sakanŭ dŭh ngga atin sawŭ.

JEREMIAH 7:5

“Ngubah aran pimudip ngan ka dŭh tia ndai pingandai ngan adi sarah anŭ. Nakit ngga dingan ngan.

JEREMIAH 9:24

Kambŭi daya raan mingangŭn, ayŭh patut mingangŭn adŭp-i puan ka mirati Aku, sabab pinyirindu Ku dŭh bisa birubah, ka Aku ndai anŭ adi tŭnggŭn ka adi batur. Anŭ inŭh kayuh adi pimunos asŭng Ku. Aku, adi TUHAN, mbŭh minyu.”

HOSEA 2:19

Israel, Aku re bada kuu jadi sawŭn Ku; Aku re sawŭ buang tŭtŭd; Aku re masi di kuu, ka pinyirindu Ku di kuu dŭh re birubah; Aku re bada kuu adu adu tung jaku.

JOEL 2:12

“Pak dŭh-i rambat,” nang TUHAN, “yŭn ngan marik pimudip ngan pari ka Aku ngga siabo asŭng ngan ngga bipusa, sien ka muās.

ZECHARIAH 8:8

ka re taban ngara ngga pari so timor ngga barat bada rŭŭ di Jerusalem. Ngara re jadi daya Ku, ka Aku re jadi Tapa ngara, mritah ngara ngga tŭtŭd ka ngga pinyitŭnggŭn.

MALACHI 1:11

Daya so bŭngŭn ong di parad ndi ndŭg bŭngŭn ong di parad andi stabi di Aku. Di barang yŭn ngara badang kimanyan ka Aku, ka jugan sadis adi patut dog trima. Sopŭrŭg ngara stabi di Aku!

1 CORINTH 1:31

Ngapŭi, sak adi nang Surat-kudus, “Asi asi adi raan mingangŭn dŭh siŭn dŭh an mingangŭn pasar kayuh adi Tuhan mbŭh ndai.”

2 CORINTH 10:17

Pak sak adi nang Surat-kudus, “Asi asi adi raan mingangŭn dŭh siŭn dŭh mingangŭn pasar kayuh adi Tuhan ko ndai.”

GALATIA 3:8

Surat-kudus ko ninjau nang Tapa re bada daya adi dŭh bangsa Jahudi bamai ngga adŭp-I so ka pinyabah. Jadi Surat-kudus kidaan Agah Kana di Abraham: “So kuu Tapa re nyiberkat sopŭrŭg manusia.”

DITRONOMI 10:20

Stabi di TUHAN adi Tapa ngan, ka nyambah Ayŭh sadi adŭ. Tŭtŭd di Ayŭh ka ndai janji ngan darŭm adŭn-I sadi adŭ.

DITRONOMI 4:30

Kan angān dog pinyusah ka sopŭrŭg anŭ dog angān, nŭ ka angān re rango pari ka TUHAN ka dingah pinganang-I.

DITRONOMI 6:13

Stabi di TUHAN adi Tapa ngan, nyambah Ayŭh sadi adŭ, ka ndai janji ngan darŭm adŭn-I sadi adŭ.

PHILIPPI 3:3

Dŭh-i ngara pak ata, adi mbŭh kambat sunat adi sawŭ, amai ngga pinurung Roh-I ata nyambah Tapa ka gaŭn darŭm ata udip ndi ngga Kristus Jesus. Ata dŭh bisangan di adat pŭrŭng.

RUTH 3:13

Rŭŭ digiti ndŭg ripuan ngarŭm ati, ka isan isan sipagi ata di natu raan kah abah dari anŭ biyŭn pinanggong di tunduh mu. Kambŭi ayŭh raan, kana; pak kambŭi ayŭh abah, aku bipayu di TUHAN adi udip, aku re dapu pinanggong ati. Madin, guring ka rŭŭ digiti ndŭg isan isan sipagi.”

1 SAMUEL 20:3

Pak David nam, “Sama mu puan munki masam kuu ruai rindu aku, ka ayŭh mbŭh ndai pikir-i dŭh re bada kuu puan kayuh adi re-i ndai, sabab te kuu naman. Aku bipayu di kuu ngga adŭn TUHAN dŭm dŭh tui aku re kabŭs!”