JEREMIAH 4:19 - Hakcipta - Biatah Bidayuh

¹⁹ Andam-i! Dŭh aku tan nyinjŭn-i! Atin ku! Atin ku mbŭh simadup! Aku dŭh dapŭd bada-i tanang; Aku dingah jawŭn trompet ngga sirais perang.

JEREMIAH 4:19 ပူးပေါင်းရင်းမြစ်များ

TIBIRIK 49:6

Aku dŭh re sua di pinganang bisukan ngara, dŭh gŭh aku re sua di udung ngara, amai ngara siŭ daya ngga baji ka ngara bada bajang dari sapi ndu rubi.

2 RAJA 4:19

Gŭgŭh ayŭh nyirais nang di sama-i, “Ubak ku mandam! Ubak ku mandam!” “Taban anak anŭ maad ka yŭn sindŭ-i,” sama-i nang di daya-gaji.

2 RAJA 8:11

Komŭnŭ Elisha tirek ngga raŭn adi raru arap-i ndŭg ka Hazael mbŭh dŭh gimanyam. Elisha rasu sien.

MAZMUR 103:1

Muji meh TUHAN, simangi ku! Pimudip ku, muji meh adŭn kudus-I!

MAZMUR 116:7

Tanang meh, atin ku, sabab TUHAN mbŭh kana ngga aku.

MAZMUR 119:136

Randang batŭh ku aman mun piin sungi, sabab daya dŭh tunda ukum-adat Mai.

MAZMUR 119:53

Kan aku kiris daya ginaka miranggar ukum-adat Mai, aku mbŭh raru baji.

MAZMUR 146:1

Muji meh TUHAN! Muji meh TUHAN, simangi ku!

MAZMUR 16:2

Aku nang di TUHAN, “Kaam inŭh TUHAN ku; sopŭrŭg kayuh kana adi aku biyŭn mandŭg so Kaam.”

ISAIAH 15:5

Aku masi kiris Moab! Daya adi rŭŭ diginŭ mbŭh bu ka kupo Zoar ngga kupo Eglath Shelishiyah. Agi adi maad aran ka Luhith, sien buang ngara panu; agi adi bu ka Horonaim, sien bana.

ISAIAH 16:11

Aku nyidaing ngga susah yŭn Moab, aku muās Kir Heres.

ISAIAH 21:3

Kayuh anŭ adi aku kiris ka dingah keya ka darŭm pŭmŭh mbŭh bada aku taru buang kandam aku, andam adi brimun ngga sarang andam re biranak.

ISAIAH 21:4

Ubak ku bikaning, ka aku kimŭtŭr darŭm taru. Aku kajŭn singumi andu mandŭg, pak-i dŭh taban ani ani ka aku adŭ-i bada aku tikaran.

ISAIAH 22:4

Madin tandah aku muās sopŭrŭg daya ku adi mbŭh kabŭs. Dŭhnyah suba nyaduh aku.

JEREMIAH 13:17

Kambŭi angān abah dingah, Aku re sien darŭm bisukan sabab uap-sambuh ngan; Aku re nyisakuk sien, ka randang batŭh ku re pripasog ruah sabab daya TUHAN mbŭh dog taban ngga bu jadi daya-takap.

JEREMIAH 20:9

Pak kan aku nang, “Aku re kambŭt TUHAN ka dŭh re tia minyu ngga adŭn-I,” pinganang Mai jadi keya ka apui bijagu darŭm aku. Aku suba ngga situngang ku nyijŭn-i, pak dŭh tungang.

JEREMIAH 23:9

Atin ku asur, ka aku mbŭh kimŭtŭr. Sabab TUHAN, sabab pinganang kudus-I, aku ati mun daya adi mabuk, adi nok raru bagŭ wain.

JEREMIAH 4:21

Ndŭg sinde aku dŭh siŭn dŭh kiris bisaad ati ka dingah jawŭn trompet?

JEREMIAH 4:5

Mambak trompet di ndi tarun tana! Nyirais ngga tarang! Bada daya Judah ngga daya Jerusalem bikaduh ka kupo kupo adi bikuta.

JEREMIAH 49:2

Pak tika-i re mandŭg kan Aku re bada daya di sindŭ kupo Rabbah dingah jawŭn daya biperang. Kupo Rabbah re rubuh ka dog sigot ndŭg ka rŭpŭg. Komŭnŭ Israel re tambit pari tana-i adi ko dog sirabut so ngara.

JEREMIAH 50:22

Jawŭn daya bisaad dog dingah di tarun tana anŭ; anŭ inŭh pinyirusag bās.

JEREMIAH 6:24

“Kieh mbŭh dingah agah anŭ,” daya di Jerusalem nang, “ka kieh mbŭh kimŭtŭr taru; kieh mbŭh susah buang naman adŭp ami mun dayung naman sarang andam re biranak.

JEREMIAH 8:18

Pinyusah ku dŭh dapŭd dog pibua; Atin ku susah buang mandam.

JEREMIAH 8:21

Atin ku mbŭh asur sabab daya ku mbŭh asur; aku ngurid; aku mbŭh raru asa.

JEREMIAH 9:1

Kasi ka ubak ku keya ka prigi adi puno ngga piin, ka batŭh ku keya ka sumbur adi mirasit piin-i, isa aku bisa sien sandu ngga singarŭm yŭn daya ku adi mbŭh dog siŭ.

JEREMIAH 9:10

Aku nang, “Aku ngurid darŭd ka muās tarun tana kupai, sabab ngara mbŭh badŭh pisŭk, ka mating daya panu mutas-i. Jawŭn dāng kudip mbŭh mating tia dog dingah; manuk ngga dāng tarun mbŭh bu ka mating tia.”

PUĀS 1:16

“Anŭ inŭh sabab randang batŭh ku pripasor ruah. Mating daya dapŭd nyaduh aku; mating daya dapŭd ngatat aku. Pinganyu mbŭh ngarah aku; daya ku mbŭh dŭh biyŭn ani ani tia.

PUĀS 1:20

“Tingga, O TUHAN, sangsara ku, ngga jera-birasa ku! Atin ku asur amai dosa ku adi dawŭ. Di aran aran raya agi daya dog siŭ; darŭm arŭn ani daya agi kabŭs.

PUĀS 2:11

Batŭh ku bŭ amai dŭh ko ko sien; asŭng ku mbŭh nyibuwar. Aku mbŭh rarah amai susah kiris pinyirabur daya ku. Bara anak-anya ngga anak-sŭ mijŭp di aran kupo.

DANIEL 4:19

Dingah sakanŭ, Daniel, adi dog kadŭn gŭh Belteshazzar, mbŭh raru gŭgŭh ndŭg ka dŭh dapŭd nang ani ani. Raja nang di ayŭh, “Belteshazzar, dŭhnyah bada pŭmŭh anŭ ngga rati-i bada kuu gŭgŭh.” Belteshazzar nam, “Tuan Raja, aku harap pŭmŭh anŭ ngga rati-i pasar pinganyu mai ka dŭh pasar kaam.

DANIEL 7:15

Kayuh adi dog kiris keya ka darŭm pŭmŭh anŭ bada aku susah, ka aku mbŭh raru bipito.

DANIEL 7:28

Anŭ inŭh pinŭbŭn dundan-i. Aku mbŭh raru taru ndŭg ka jawin ku mbŭh pusat; sopŭrŭg-i aku nyikŭn darŭm atin ku.

DANIEL 8:27

Aku mbŭh rarah buang sungoh kudu kudu andu anŭ. Komŭnŭ aku makat ka pari ka kraja adi raja ko nggen di aku, pak aku mbŭh inga inga bada kayuh anŭ adi aku kiris keya ka darŭm pŭmŭh ka aku dŭh mirati-i.

AMOS 3:6

Kan trompet tandā biperang dog mambak di kupo, dŭh kah daya re taru? Bisa kah pinyirusag nyatŭk kupo kambŭi TUHAN dŭh bada?

HABAKKUK 3:16

Aku dingah sopŭrŭg-i, ka atin ku simadup; bibis ku kimŭtŭr amai taru. Pŭrŭng ganan ku ramah, ka kaja ku sikak darŭm aku panu. Aku re kajŭn andu anŭ mandŭg adi ngga Tapa ngukum ngara adi nyerang ata.

PINYIKIANG 10:9

Kan angān biperang di tarun tana ngan, tak adŭp ngan so pinganyu adi nyerang angān; mambak trompet anŭ kan re biperang. Aku, TUHAN adi Tapa ngan, re turung angān ka nyiramat angān so pinganyu ngan.

ROME 10:1

Bara dingan ku, aku gruwŭn ngga siabo asŭng ku daya adŭp ku dog nyiramat! Munki masam aku mbŭh bidua ka Tapa yŭn ngara!

1 CORINTH 14:8

Ka kambŭi sianŭ adi digen trompet dŭh mambak-i ngga biruru, asi meh re sidia yŭn biperang?

GALATIA 4:19

Bara anak ku adi aku rindu! Pari dinge aku, keya ka sindŭ di tika biranak, kinyam sarang andam re biranak anŭ yŭn ngan ndŭg ka tibiat Kristus mbŭh jadi darŭm angān.

AKIM 5:21

Piin uba di Kishon paman ngara ngga bu — uba Yang Kishon adi daras aman. Aku re panu, masang, ngga pinyibake!