JEREMIAH 4:16 - Hakcipta - Biatah Bidayuh

¹⁶ Ngara mbŭh mandŭg an bakan bangsa bangsa ka kidaan di Jerusalem nang pinganyu mbŭh aŭn mandŭg so rais adi jo. Bara pinganyu anŭ re nyirais natang kupo kupo Judah

JEREMIAH 4:16 ပူးပေါင်းရင်းမြစ်များ

ISAIAH 34:1

Mandŭg, daya so sopŭrŭg bangsa! Tikuruk meh ka dingah. Isa ndi ong ong ka barang naan daya adi udip dieh mandŭg kamati ka dingah.

ISAIAH 39:3

Komŭnŭ nabi Isaiah di ka yŭn Raja Hezekiah ka siken, “So ki ngara ka ani nang ngara di kuu?” Hezekiah nam, “Ngara mandŭg so rais adi jo, so Babylonia.”

JEREMIAH 1:15

sabab Aku bagan sopŭrŭg bangsa di utara bada mandŭg. Raja raja ngara re pijog takta takta ngara di tiban-bās Jerusalem ka maning sindung-i, ka maning kupo kupo Judah adi bŭkŭn.

JEREMIAH 16:6

Adi kaya ngga adi sirata re kabŭs di tarun tana ati, pak mating daya adi re tukang kubur bait ngurid ngara. Mating daya adi re nidi adŭp-i bait nundo ubak-i ngga kiren adŭp-i susah.

JEREMIAH 2:15

Ngara ngŭr ayŭh keya ka singah; ngara mbŭh bada tarun tana-i jadi tarun tana-pajam, ka kupo kupo-i jadi tibawang, ka bŭn dog tudu.

JEREMIAH 31:10

TUHAN nang, “Bangsa bangsa, dingah Aku, ka mutas rawŭt di piagah pinganang Ku. Aku bada daya Ku papar sasah, pak Aku re nguruk ngara ka kingat ngara mun pingingat-biri kingat kaban biri-i.

JEREMIAH 39:1

Di buran adi simŭng darŭm sawa adi prii Zedekiah jadi raja Judah, Raja Nebuchadnezzar so Babylonia mandŭg ngga sopŭrŭg tibaran bara soldadu-i ka nyerang Jerusalem.

JEREMIAH 4:17

ka re kirurung Jerusalem mun daya nguan teya, sabab daya Jerusalem mbŭh rawan TUHAN. TUHAN mbŭh minyu.

JEREMIAH 5:15

Daya Israel, TUHAN inŭh taban ndi bangsa so tarun adi jo bada nyerang angān. Anŭ inŭh bangsa adi bake adi mbŭh agi so jah, ka piminyu-i angān dŭh puan.

JEREMIAH 5:6

Anŭ inŭh sabab ngara re dog siŭ singah so tuān; kasong tarun so tarun tana-pajam re nyirigat nyiratak ngara, ka busing tarun adi mangah re panu mŭrŭt kupo kupo ngara. Kambŭi ngara anŭ ruah, ngara re dog nyirigat sabab dosa ngara raru bagŭ ka pari pari ngara tagan Tapa.

JEREMIAH 50:2

“Kidaan agah anŭ di bangsa bangsa! Piagah-i! Nggen tandā ka pigarau agah anŭ! Dŭhnyah sukan-i! Babylon mbŭh rabu! Tapa-i Marduk mbŭh asur! Tibudo tibudo Babylon mbŭh dog pimangŭh, Gayŭn gayŭn-i adi sipŭ anŭ mbŭh dog pirandŭk!

JEREMIAH 6:18

Jadi TUHAN nang, “Dingah, angān bangsa bangsa, ka birajar kayuh adi re jadi di daya Ku.

JEREMIAH 6:19

Dingah, ong! Ndu ukum yŭn sopŭrŭg atur kraja pingandai ngara Aku re nyirubuh bara daya anŭ, sabab ngara mbŭh tirawan ajar Ku ka dŭh tunda pinganang Ku.

JEREMIAH 6:22

TUHAN nang, “Daya re mandŭg so ndi rais di utara; bangsa adi bikuasa adi jo mbŭh sidia yŭn biperang.

JEREMIAH 6:23

Ngara mbŭh tambit bawŭh ngara ngga pedang ngara; ngara inŭh daya adi gaok buang dŭh biyŭn masi. Dudu ngara sak jawŭn girumbang di rawŭt, darŭm ngara nunggang kuda. Ngara mbŭh sidia yŭn bisaad rawan Jerusalem.”

JEREMIAH 8:19

Dingah! Di ndi tarun tana rais aku dingah daya ku nyirais nang, “Mbŭh mating kah TUHAN di Zion? Mbŭh mating kah raja Zion diginŭ?” TUHAN, adi raja ngara, nam, “Mani angān kinuas Aku ngga pingandai ngan adi nyambah tibudo ka mutu ubak ngan ka tapa tapa saruh adi dŭh biguna?”

EZEKIEL 21:22

Tangan tauh-i digŭng reja-panah adi bitandā ‘Jerusalem’! Anŭ kidaan di ayŭh bada sidia betang betang kayuh ndu pinumbuk, ka ngāb, ka na betang betang pinumbuk di sapa tiban tiban-bās kuta, ka nugung tana, ka ndai parit.