JEREMIAH 4:1 - Hakcipta - Biatah Bidayuh

¹ TUHAN nang, “Daya Israel, kambŭi kuu raan pari, marik pimudip mu pari ka Aku. Kambŭi kuu tŭtŭd di Aku ka taran tibudo tibudo anŭ adi Aku tiru,

JEREMIAH 4:1 ပူးပေါင်းရင်းမြစ်များ

TIBIRIK 35:2

Jadi Jacob nang di rawang-i ka di sopŭrŭg adi agi ngga ayŭh, “Taran sopŭrŭg tibudo tapa saruh adi angān nyikŭn; pibisig adŭp ngan ka nēn piraka bisig.

2 RAJA 23:13

Josiah nyembar mija-sambah adi Raja Solomon pijog di timor Jerusalem, tura ka siratan Sandah Kanā, adi ngga nyambah tibudo tibudo adi sipŭ anŭ — Astart adi tapa tapa Sidon, Chemosh adi tapa Moab, ka Molech adi tapa Ammon.

2 RAJA 23:24

Ngga bada pagŭng ukum ukum-adat adi dog nuris darŭm surat adi Imam Bās mbŭh dapŭd di Ramin TUHAN, Raja Josiah kadi so Jerusalem ngga so kada tarun yŭn di Judah sopŭrŭg daya adi pandai minyu ngga simangi daya adi mbŭh kabŭs ka ngara adi pandai kidaan nasip, ka sopŭrŭg tapa rawang, tibudo tibudo, ngga sopŭrŭg kayuh pakai bisambah adat karŭm.

2 KRONIKEL 15:8

Kan Asa dingah pinganang-binabi adi Azariah anak Oded mbŭh nang, ayŭh jadi birani. Ayŭh taran sopŭrŭg tibudo adi di tarun tana Judah ngga Benjamin ka sopŭrŭg tibudo adi di kupo kupo adi ayŭh mbŭh sirabut di tarun tana sandah rais Ephraim. Ayŭh gŭh ndai bada pari kana mija-sambah TUHAN adi agi di badag Ramin TUHAN.

2 KRONIKEL 33:8

Ka kambŭi daya Israel tunda sopŭrŭg pesan Ku ka sita sopŭrŭg Ukum-adat adi urun Ku Moses mbŭh nggen di ngara, Aku dŭh re bada ngara dog pibu so tana adi Aku mbŭh nggen di tayung-babuk ngara.”

2 KRONIKEL 34:33

Raja Josiah pirabur sopŭrŭg tibudo adi sipŭ anŭ adi di darŭm tarun tana Israel, ka sitian ayŭh udip, ayŭh bada daya bituan di TUHAN, adi Tapa tayung-babuk ngara.

ISAIAH 31:6

TUHAN nang, “Daya Israel, angān mbŭh bidosa rawan Aku ka mbŭh nyakar Aku. Pak pari ka Aku madin!

JEREMIAH 15:19

TUHAN nam, “Kambŭi kuu pari, Aku trima kuu, ka kuu re jadi urun Ku dinge. So kuu minyu nang kayuh adi sipadin, kana dŭ kuu piagah pinganang adi biguna, ka kuu re pari jadi nabi Ku. Adŭp daya re tudu kuu, dŭhsah kuu tudu ngara.

JEREMIAH 15:4

Aku re bada sopŭrŭg daya di ong tikaran kiris ngara sabab kayuh adi Manasseh anak Hezekiah ko ndai di Jerusalem kan ayŭh jadi raja Judah.”

JEREMIAH 18:11

Madin, kidaan di daya Judah ka di daya Jerusalem nang Aku mbŭh bisatur an rawan ngara ka mbŭh re sidia an ngukum ngara. Kidaan di ngara bada dŭh tia udip bidosa, ka ngubah aran pimudip ngara samŭn kayuh kayuh adi ngara ndai.

JEREMIAH 24:9

Aku re bada pinyirusag nyatŭk ngara ndŭg ka sopŭrŭg bangsa di ong taru. Daya re nyirimbe ngara, ka bitapat pasar ngara, ka ngamun ngara, ka pakai dŭn ngara ndu pangu di barang yŭn Aku bada ngara papar sasah.

JEREMIAH 25:5

Ngara bada angān dŭh tia udip ginaka ka dŭh tia ndai pingandai arap, isa angān dapŭd adu adu rŭŭ di tarun tana adi TUHAN mbŭh nggen di angān ngga di tayung-babuk ngan ndu tana bisaka.

JEREMIAH 3:1

TUHAN nang, “Kambŭi daya taran sawŭn-i, ka ayŭh bu ka jadi sawŭn daya bŭkŭn, daya anŭ dŭh siŭn tambit ayŭh pari, amai pingandai anŭ re nyembar ndi tarun tana rais anŭ. Pak, Israel, kuu muko biyŭn bagŭ ambai, ka madin kuu raan pari ka Aku!

JEREMIAH 3:12

Ayŭh bada aku di ka nang di Israel, “Israel adi dŭh tŭtŭd, pari ka Aku. Aku an apun ka dŭh re baji; Aku dŭh re adu adu baji di kuu.

JEREMIAH 3:14

“Daya adi dŭh tŭtŭd, pari meh; angān tung jaku. Aku re tambit angān ndi naan so barang kupo ka duwŭh naan so barang manak, ka Aku re taban angān pari ka Sandah Zion.

JEREMIAH 3:22

Pari, sopŭrŭg ngan adi mbŭh bu tagan TUHAN; Ayŭh re pibua angān ka bada angān tŭtŭd. Angān nang, “Sawŭ, kieh pari ka TUHAN, sabab Ayŭh inŭh Tapa ami.

JEREMIAH 35:15

Aku babŭ ari pait ka angān bara urun Ku adi bara nabi, ka ngara mbŭh kidaan di angān bada pasan aran pimudip ngan adi arap anŭ ka ndai kayuh adi batur. Ngara bakan angān bada dŭh nyambah tibudo bait bituan di tapa tapa bŭkŭn, isa angān dapŭd tui rŭŭ di tarun tana adi Aku mbŭh nggen di tayung-babuk ngan. Pak angān dŭh raan dingah Aku bait mbit piduri di pinganang Ku.

JEREMIAH 36:3

Kadŭ kan daya Judah dingah pasar sopŭrŭg pinyirusag adi Aku re bada nyatŭk ngara, ngara an pasan aran pimudip ngara adi arap anŭ. Komŭnŭ Aku re apun pimudip ginaka ngara samŭn dosa ngara.”

JEREMIAH 4:4

Sita simanya adi angān ndai ngga Aku adi TUHAN ngan, ka nitah adŭp ngan ka Aku, angān daya Judah ngga daya Jerusalem. Kambŭi dŭh, baji Ku re bijagu mun apui adi dŭh tungang dog mura, sabab pingandai arap ngan.”

JEREMIAH 7:5

“Ngubah aran pimudip ngan ka dŭh tia ndai pingandai ngan adi sarah anŭ. Nakit ngga dingan ngan.

JEREMIAH 7:7

Kambŭi angān ngubah aran pimudip ngan samŭn kraja pingandai ngan, Aku re nyibandar angān adu adu rŭŭ digiti di tarun tana adi Aku mbŭh nggen di tayung-babuk ngan ndu tana bisaka.

EZEKIEL 11:18

Kan ngara pari, ngara an taran sopŭrŭg kayuh adi sembar ka adi sipŭ, mun tibudo tibudo adi ngara dapŭd.

EZEKIEL 18:13

ka nginjam duit ngga dapŭd utung. Re udip kah daya adi mun anŭ? Ayŭh mbŭh ndai sopŭrŭg pingandai sipŭ anŭ, ka ayŭh sawŭ re kabŭs amai sarah-i anŭ.

EZEKIEL 43:9

Madin ngara dŭh siŭn dŭh pirŭŭ urah ngara adi nyambah tapa tapa bŭkŭn ka kadi tadang tadang raja ngara. Ripas anŭ, Aku re rŭŭ di ruang ngara ndŭg situi tui.”

HOSEA 14:1

Pari ka TUHAN adi Tapa ngan, daya Israel. Dosa ngan mbŭh bada angān sikak ka rabu.

HOSEA 2:2

Angān adi anak Ku, minyu ngga sindŭ ngan; sunggu-i ayŭh mbŭh dŭh tia sawŭn Ku, ka Aku mbŭh dŭh tia banŭh-i. Minyu ngga ayŭh da dŭh tia tanggah ka dŭh tia nyundar.

HOSEA 7:16

Ngara ngandŭ nyipunok Aku an tunda tapa adi dŭh bikuasa. Ngara dŭh bisa dog sabah mun bawŭh panah adi bidikok. Sabab bara pinguru ngara minyu sambuh, ngara re kabŭs dog siŭ, ka daya Egypt re tawŭh ngara.”

JOEL 2:12

“Pak dŭh-i rambat,” nang TUHAN, “yŭn ngan marik pimudip ngan pari ka Aku ngga siabo asŭng ngan ngga bipusa, sien ka muās.

ZECHARIAH 1:4

Dŭhnyah mun tayung-babuk ngan. Ndun jah bara nabi nggen di ngara pinganang Ku, bada ngara ko bidosa. Pak ngara abah dingah Aku bait nundok di Aku.

DITRONOMI 27:15

“ ‘Pangu Tapa nyatŭk tadŭ tadŭ daya adi ndai tibudo so batuh, so kayuh, puan kah so basi, ka nyambah-i darŭm bisukan; TUHAN tiru di pingandai nyambah tibudo’. “Ka sopŭrŭg daya re nam, ‘Amen!’

DITRONOMI 4:30

Kan angān dog pinyusah ka sopŭrŭg anŭ dog angān, nŭ ka angān re rango pari ka TUHAN ka dingah pinganang-I.

JOSHUA 24:14

“Ngapŭi meh madin,” Joshua pijuu nang, “Stabi di TUHAN ka bituan di Ayŭh ngga batur sawŭ ka ngga puno pinyabah. Taran sopŭrŭg tapa adi tayung-babuk ngan nyambah di Mesopotamia ka di Egypt, ka bituan di TUHAN adŭ.

AKIM 10:16

Jadi ngara kubo taran tapa tapa saruh ngara ka nyambah TUHAN; ka Ayŭh dŭh munos yang-I kiris pinyusah Israel.

1 SAMUEL 7:3

Samuel nang di daya Israel, “Kambŭi angān an pari ka TUHAN ngga siabo atin ngan, angān dŭh siŭn dŭh taran sopŭrŭg tapa saruh ngga gayŭn gayŭn tapa Astart. Nitah adŭp ngan ngga sipuno puno-i ka TUHAN ka nyambah Ayŭh sadi adŭ, ka Ayŭh re piruah angān so kuasa daya Philistine.”