JEREMIAH 39:5 - Hakcipta - Biatah Bidayuh

⁵ Pak tibaran bara soldadu Babylonia tadak ngara ka nakap Zedekiah di rabak sindŭk Jericho. Komŭnŭ ngara taban ayŭh ka Raja Nebuchadnezzar, nganŭ di kupo Riblah di utung tarun tana Hamath, ka diginŭ Nebuchadnezzar miratak ukum di tunduh ayŭh.

JEREMIAH 39:5 ပူးပေါင်းရင်းမြစ်များ

2 SAMUEL 8:9

Raja Toi di Hamath dingah David muko ngarah sopŭrŭg bara soldadu Hadadezer.

2 RAJA 17:24

Raja-empaya Assyria taban daya so kupo kupo di Babylon, Cuth, Iwah, Hamath, ka Sepharvaim, ka bada ngara rŭŭ di kupo kupo di Samaria, ngga gati daya Israel adi mbŭh dog taran. Ngara dapu kupo kupo anŭ ka rŭŭ diginŭ.

2 RAJA 23:33

Pinyipritah-i mungan kan Raja Neco so Egypt tambit ayŭh jadi daya-takap di Riblah, di tarun tana Hamath, ka bada Judah bayar 3,400 kilogram pirak ngga 34 kilogram mas ndu takŭd.

2 RAJA 25:6

Zedekiah dog taban ka yŭn Raja Nebuchadnezzar, di kupo Riblah, ka diginŭ Nebuchadnezzar miratak ukum di tunduh ayŭh.

2 KRONIKEL 33:11

Jadi TUHAN tandah bara pingubak bara tibaran soldadu Assyria nyerang Judah. Ngara nakap Manasseh, nyikait sikait di ayŭh, muak ayŭh ngga parik basi, ka taban ayŭh ka Babylon.

ISAIAH 22:3

Sopŭrŭg pinguru ngan bikaduh bu ka dog nakap diŭ so ngara dapŭd nimbak reja-panah.

JEREMIAH 21:7

Pak kuu, bara pinurung mu, ka ngara adi gibabŭ udip ripas perang, apag, ka andam — sopŭrŭg re Ku bada dog nakap Raja Nebuchadnezzar ngga bara pinganyu mu, adi raan siŭ kuu. Nebuchadnezzar re siŭ kuu. Ayŭh dŭh re tandah tadŭ tadŭ so angān udip bait masi di tadŭ tadŭ ngan. Aku, adi TUHAN, mbŭh minyu.”

JEREMIAH 24:8

“Pak Raja Zedekiah so Judah, bara pinurung pritah ayō ayŭh, ka bara daya Jerusalem adi bŭkŭn adi mbŭh rŭŭ di tarun tana ati bait adi mbŭh bipindah ka Egypt, Aku, adi TUHAN, re nyirundeng keya ka buwa ara ati adi raru arap adi dŭh dapŭd dog man.

JEREMIAH 38:18

Pak kambŭi kuu dŭh nyerah adŭp mu, kupo ati re dog nggen di bara daya Babylonia, adi re badang-i, ka kuu dŭh re dapŭd pirupas adŭp mu so ngara.”

JEREMIAH 38:23

Komŭnŭ aku nang dinge, “Sopŭrŭg dayung mu ngga bara anak mu re dog taban ka Babylonia, ka kuu re dŭh tungang pirupas adŭp mu so ngara. Kuu re jadi daya-takap raja Babylonia, ka kupo ati re dog sigot ndŭg ka rŭpŭg.”

JEREMIAH 4:12

Sabak adi mandŭg so ka pesan TUHAN inŭh bake so anŭ! Adŭp TUHAN inŭh adi pirabu ukum di tunduh daya-I.

JEREMIAH 44:30

Aku re nggen Hophra adi raja Egypt ka darŭm tangan bara pinganyu-i adi raan siŭ ayŭh, nimun Aku muko nggen Zedekiah adi raja Judah ka darŭm tangan Raja Nebuchadnezzar so Babylonia, adi pinganyu-i ka adi raan siŭ ayŭh.”

JEREMIAH 49:23

Ati inŭh kayuh adi TUHAN nang pasar Damascus: “Daya adi rŭŭ di kupo Hamath ngga kupo Arpad mbŭh gapang buang susah sabab ngara mbŭh dingah agah arap. Atin gapang ngara nyarab ngara mun rawŭt, ka ngara dŭh dapŭd rŭŭ-paya.

PUĀS 1:3

Daya Judah mbŭh jadi urun adi dŭh bigaya, dog pibu so ramin arŭn ngara. Ngara rŭŭ di rais bŭkŭn, ngga mating tarun adi bisa dog kadŭn tung adŭp ngara. Ngara rŭŭ di dupan bara pinganyu, ngga mating aran re bu.

PUĀS 4:20

Ngara nakap daya adi atak pimudip ami, raja adi dog mien TUHAN, daya adi kieh sabah bada grindung kieh so pinyerang.

EZEKIEL 23:24

Ngara re nyerang kuu so utara, taban tibaran bara soldadu adi raru bagŭ ngga krita krita kuda ka krita-sapi adi ngga muat barang. Dog grindung ngga pinangin ka tupi basi, ngara re kirurung kuu. Aku re nyerah kuu ka darŭm tangan ngara, ka ngara re bisara kuu ngga ukum-adat adŭp ngara.

HABAKKUK 1:7

Ngara bada daya taru ka tikaran di barang yŭn. Ngara raru gambung ndŭg ka nang sopŭrŭg pingandai ngara inŭh batur nanyam ka ukum-adat.

PINYIKIANG 13:21

Jadi ngara anŭ rasu matak nuju utara ka di pirasa tarun tana anŭ, so tarun tana-pajam Sin di tura ka siratan ndŭg Rehob, sindŭk Ateng Hamath di utara.

JOSHUA 13:5

tarun tana daya Gebal; ndi tarun tarun tana Lebanon ndŭg timor, so Baalgad, di tura ka siratan Darŭd Hermon, ndŭg Ateng Hamath.

JOSHUA 4:13

Di sirung jawin TUHAN agi pat puru ribu naan bara dari adi mbŭh sidia re biperang, mutas di ka rabak sindŭk Jericho.

JOSHUA 5:10

Sitadŭn daya Israel bibari di Gilgal, di rabak sindŭk Jericho, ngara sita Gawai Paska ngga singumi andu simŭng pat andu buran anŭ.

AKIM 3:3

Anŭ adi gibabŭ di tarun tana anŭ inŭh rimŭh kupo daya Philistine, sopŭrŭg daya bangsa Canaan, daya bangsa Sidon, ka daya bangsa Hivi adi rŭŭ di gadung Darŭd Lebanon so Darŭd Baal Hermon ndŭg Ateng Hammath.