JEREMIAH 38:7 - Hakcipta - Biatah Bidayuh

⁷ Pak, Ebedmelech adi daya Ethiopia, ndi naan eunuch adi nyiraja di istana raja, dingah aku dog na darŭm prigi. Di tika anŭ raja aŭn kuka udung di Tiban Benjamin.

JEREMIAH 38:7 ပူးပေါင်းရင်းမြစ်များ

2 RAJA 24:15

Nebuchadnezzar taban Jehoiachin ka Babylonia jadi daya-takap, samŭn sindŭ Jehoiachin, bara sawŭn-i, bara pinurung-i, ka bara daya bās di Judah.

MAZMUR 68:31

Bara Pingarun re mandŭg so Egypt; daya Ethiopia re pakat tangan ngara darŭm bidua ka Tapa.

PITAS 29:10

Daya ganas tiru di daya adi kana, pak daya tŭnggŭn grindung ngara.

ISAIAH 56:3

Daya tami adi mbŭh mŭrŭt daya TUHAN patut dŭh nang, “TUHAN re dŭh bada aku sua bisambah ngga daya-I.” Daya adi mbŭh dog nuroi dŭh patut nang sabab adŭp-i dŭh dapŭd biyŭn anak, ayŭh dŭh bisa jadi ndi so bara daya Tapa.

JEREMIAH 13:23

Dapŭd kah daya singŭt nukar kala kurit-i, bait busing tarun kadi biritik-i? Kambŭi dapŭd, kuu adi ari ndai arap dapŭd gŭh birajar ndai kayuh adi batur.

JEREMIAH 20:2

ayŭh nggen ukum bada aku dog pukong ka dog muak ngga parik basi sindŭk Tiban Benjamin adi tura ka sambu di Ramin TUHAN.

JEREMIAH 26:16

Komŭnŭ bara pinguru anŭ ngga bara daya nang di bara imam ngga di bara nabi, “Daya ati minyu ngga ata ngga adŭn TUHAN adi Tapa ta; ayŭh patut dog nggen ukum kabŭs.”

JEREMIAH 29:2

Aku nuris-i ripas Raja Jehoiachin, sindŭ-i, bara pinurung istana, bara pinguru Judah ngga Jerusalem, bara tukang, ka ngara adi sukup pandai bitukang dog taran so rais adŭp-i.

JEREMIAH 37:13

Pak kan aku mbŭh ndŭg Tiban Benjamin, ndi naan pingubak bara soldadu adi tukang jaga diginŭ, dŭn Irijah anak Shelemiah ka sukuh Hananiah, bada aku rŭŭ ka nang, “Kuu re bu ka parad daya Babylonia!”

JEREMIAH 38:8

Jadi Ebedmelech di kamanŭ ka nang di raja,

AMOS 5:10

Angān tiru di daya adi natang daya adi dŭh parad pinyitŭnggŭn ka adi minyu kayuh adi sawŭ di tarun yŭn bisara.

ZECHARIAH 14:10

Ndi abong abong utung tarun tana rais, so kupo Geba di parad ka utara ndŭg kupo Rimmon di parad ka siratan, re dog pirata. Jerusalem re bigatung so tarun tana adi maning-i; bayah kupo anŭ inŭh so Tiban Benjamin ndŭg Tiban Sikuh, di yŭn adi ko agi dawŭ-i tiban, ka so Tawā Hananel ndŭg tarun yŭn mŭ anggor adi raja dapu.

MATTHEW 20:16

Ka Jesus meh nang, “Jadi ngara adi sikasŭn re jadi diŭ, ka ngara adi diŭ re jadi sikasŭn.”

DITRONOMI 21:19

Pimas-i an taban ayŭh ka yŭn pinguru pinguru kupo di yŭn-i rŭŭ ka bada ayŭh dog bisara.

JOSHUA 20:4

Ayŭh siŭn bu tudu ndi so tadŭ tadŭ kupo anŭ, ka radus di ka tarun yŭn bisara adi di tiban-bās kupo, ka nyuse di pinguru pinguru kupo kayuh adi mbŭh jadi. Komŭnŭ ngara re trima ayŭh mŭrŭt kupo anŭ ka nggen di ayŭh tarun yŭn rŭŭ diginŭ.