JEREMIAH 38:21 - Hakcipta - Biatah Bidayuh

²¹ Pak TUHAN mbŭh kiren di aku keya ka darŭm pŭmŭh kayuh adi re jadi di kuu kambŭi kuu abah nyerah adŭp mu.

JEREMIAH 38:21 ပူးပေါင်းရင်းမြစ်များ

2 KRONIKEL 36:12

Ayŭh bidosa rawan TUHAN ka dŭh an pirapat adŭp-i dingah Nabi Jeremiah, adi minyu pinganang TUHAN.

JOB 23:13

Ayŭh bŭn birubah. Mating daya dapŭd nyakar Ayŭh puan kah matŭn Ayŭh ndai kayuh adi raan-I ndai.

JOB 34:33

Amai kuu dŭh situju di pingandai Tapa, dapŭd kah kuu harap Ayŭh ndai kayuh adi kuu raan? Adŭp mu ndai pikir mu, dŭh aku; kidaan di kieh madin ani pikir mu.

PINYIRUAH 16:28

Jadi TUHAN nang di Moses, “Ndŭg sinde angān dŭh an dingah pinganang Ku?

JEREMIAH 26:15

Pak ingat ati: kambŭi angān siŭ aku, angān ngga bara daya adi rŭŭ darŭm kupo ati re bidosa amai siŭ daya adi dŭh sarah, sabab TUHAN inŭh adi pait aku bada nggen di angān pinyibakan anŭ.”

JEREMIAH 38:20

Aku nang, “Kuu dŭh re dog nggen ka darŭm tangan ngara. Aku mite kuu tunda pinganang TUHAN; ka sopŭrŭg kayuh re siramat, ka kuu dŭh re dog siŭ.

JEREMIAH 38:22

Aku kiris keya ka darŭm pŭmŭh sopŭrŭg dayung adi babŭ di istana raja Judah dog taban ka bara pingubak soldadu raja Babylonia. Dingah kayuh adi ngara nang darŭm ngara panu: ‘Raja anŭ dog nipu bara jerā adŭp-i, ngara mbŭh nguasa ayŭh. Ka madin amai kaja-i mbŭh timŭtŭm di tawang, bara jerā-i mbŭh tagan ayŭh.’ ”

JEREMIAH 5:3

Tatu TUHAN jiroh atin tŭtŭd. Ayŭh ngukum angān, pak angān dŭh mbit piduri; Ayŭh pān angān, pak angān abah birajar. Angān baking ka dŭh raan ko bidosa.

EZEKIEL 2:7

Kuu re kidaan di ngara tadŭ kayuh adi Aku kidaan di kuu bada nang, bait-i ngara dingah bait dŭh. Ingat nŭh sopŭrŭg ngara inŭh daya adi an birawan.

PINYIKIANG 24:13

kambŭi kuu nggen di aku sopŭrŭg mas ngga pirak di darŭm Istana bait kani, aku dŭh bisa nyibireu pesan TUHAN ka ndai tadŭ kayuh so ka pinyiraan adŭp ku. Kaŭs aku bisa nang anŭ adi TUHAN bada aku nang.”

PINGANDAI 18:6

Kan ngara natang ayŭh buang nang kayuh arap pasar ayŭh, ayŭh ngambar kadi dabu so piraka-i ngga matah ka nang di ngara, “Kambŭi angān manyap, adŭp ngan tanggong adŭp ngan! Aku dŭh re tanggong. So madin aku re di ka daya adi dŭh bangsa Jahudi.”

HEBREW 12:25

Ingat meh garang, dŭhnyah abah dingah sianŭ adi minyu. Daya adi abah dingah pinganang sianŭ adi mandŭg ka ong di piagah agah so Tapa, dŭh tungang nyiramat adŭp-i. Ata rabis dŭh tungang nyiramat adŭp ta kambŭi ata nyipunok Ayŭh adi minyu so shorga!