JEREMIAH 38:17 - Hakcipta - Biatah Bidayuh

¹⁷ Komŭnŭ aku kidaan di Zedekiah nang TUHAN Bisa-pŭrŭg, adi Tapa Israel, mbŭh nang, “Kambŭi kuu nyerah adŭp mu ka darŭm tangan bara pingubak soldadu raja Babylonia, kuu dŭh re dog siŭ, ka kupo ati dŭh re dog sigot. Kuu ngga rawang mu re dŭh dog siŭ.

JEREMIAH 38:17 ပူးပေါင်းရင်းမြစ်များ

TIBIRIK 12:13

Kidaan di ngara nang adŭp mu sude dayung ku; isa ngara dŭh siŭ aku pak ngasi aku sitagar kuu.”

2 RAJA 24:12

ka Raja Jehoiachin, ayō sindŭ-i, anak anak dari-i, bara pingubak-i, ka sopŭrŭg pinurung-i di istana, nyerah adŭp ngara ka daya Babylonia. Di sawa adi mai darŭm pinyipritah-i, Nebuchadnezzar nakap Jehoiachin jadi daya-takap

2 RAJA 25:27

Di sawa adi ngga-i jadi raja Babylonia, Evilmerodach mandis ngga Jehoiachin adi raja Judah ka pirupas ayŭh so ramin jer. Kayuh anŭ jadi di andu adi 27 darŭm buran simŭng duwŭh di sawa adi 37 ripas Jehoiachin mbŭh dog taban ngga bu jadi daya-takap.

1 KRONIKEL 17:24

Adŭn Mai re jadi bās, ka daya re adu adu nang, ‘TUHAN Bisa-pŭrŭg inŭh Tapa Israel.’ Ka Kaam re bada takta ku tan adu adu yŭn barang turap sesang ku.

EZRA 9:4

Aku guru diginŭ susah ndŭg ka tika adi ngga jugan sadis singumi andu, ka bara daya piguru tikuruk maning aku — sopŭrŭg ngara adi mbŭh taru sabab kayuh adi Tapa Israel mbŭh nang pasar dosa ngara, ngara adi mbŭh mari ripas ko dog taran.

JOB 23:13

Ayŭh bŭn birubah. Mating daya dapŭd nyakar Ayŭh puan kah matŭn Ayŭh ndai kayuh adi raan-I ndai.

MAZMUR 80:14

Kimat kieh, Tapa Bisa-pŭrŭg! Tingga kieh so shorga; mandŭg ka nyiramat daya Mai!

MAZMUR 80:7

Tambit kieh pari, Tapa Bisa-pŭrŭg! kiren masi Mai di kieh, ka kieh re dog nyiramat!

JEREMIAH 27:12

Aku nang sakanŭ gŭh di Zedekiah adi raja Judah, “Nundok di raja Babylonia. Bituan di ayŭh ngga di daya-i, ka angān re udip.

JEREMIAH 27:17

Dŭhnyah sabah ngara! Nundok di raja Babylonia ka angān re udip! Re ngga mani kupo ati jadi tugung rakang tibawang?

JEREMIAH 27:8

“Pak kambŭi tadŭ tadŭ bangsa bait pritah abah nundok di pimritah-i, Aku re ngukum bangsa anŭ ngga perang, ngga udip sikirau, ka ngga andam, ka ko anŭ Aku tandah Nebuchadnezzar batur batur pirabur-i.

JEREMIAH 38:2

TUHAN mbŭh nang, “Asi asi adi babŭ darŭm kupo re kabŭs darŭm perang, bait sabab sikirau, bait sabab andam. Pak ngara adi ruah ka nyerah adŭp ngara di daya Babylonia re dŭh dog siŭ; sikurang kurang-i ngara babŭ udip.”

JEREMIAH 39:3

(Kan Jerusalem dog sirabut, sopŭrŭg pingubak soldadu raja Babylonia adi baga pangkat-i mandŭg ka guru di Tiban Yūn, samŭn Nergal Sarezer, Samgar Nebo, Sarsechim, ka Nergal Sarezer adi bŭkŭn).

JEREMIAH 40:9

Gedaliah nang di ngara, “Aku jamen nang angān dŭhsah taru nyerah adŭp ngan di daya Babylonia. Rŭŭ di tarun tana ati, bituan di raja Babylonia, ka angān re siramat.

JEREMIAH 44:7

“Ngapŭi meh Aku, adi TUHAN Bisa-pŭrŭg, adi Tapa Israel, madin siken mani angān ndai kayuh adi arap mun anŭ di tunduh adŭp ngan. Angān raan bada pinyirusag nyatŭk bara dari ngga bara dayung, anak-anya ngga anak anak pira, isa daya ngan mating tia dŭm kah?

EZEKIEL 8:4

Diginŭ aku kiris jawa adi nyirinyak adi kiren bragah Tapa Israel, nimun adi muko aku kiris di andu aku di pang Yang Chebar.

AMOS 5:27

kan Aku taban angān yŭn dog taran ka rais jo so Damascus,” nang TUHAN, adi Adŭn-I Tapa Bisa-pŭrŭg.