JEREMIAH 36:2 - Hakcipta - Biatah Bidayuh

² “Tambit surat-barun ka nuris dieh sopŭrŭg kayuh adi Aku mbŭh kidaan di kuu pasar Israel ngga Judah ngga bangsa bangsa. Nuris sopŭrŭg kayuh adi Aku mbŭh kidaan di kuu so tika adi ngga Aku minyu ngga kuu di sibungas-i, kan Josiah mbŭh jadi raja, ndŭg andu ati.

JEREMIAH 36:2 ပူးပေါင်းရင်းမြစ်များ

EZRA 6:2

Pak-i di kupo Ecbatana di utung rais Media ndi surat-barun dog dapŭd, brisi ngga rekod sakati:

JOB 31:35

Abah kah daya dingah kayuh nang ku? Aku bipayu barang bang piminyu ku inŭh batur. Isa Tapa Bisa-pŭrŭg nam aku. Kambŭi pinganang adi ngga pinganyu ku nyarah aku dog nuris isa aku dapŭd kiris-i,

MAZMUR 40:7

ka aku meh nam, “Ta digiti aku; ajar Mai yŭn ku agi di darŭm surat Ukum-adat.

PINYIRUAH 17:14

Komŭnŭ TUHAN nang di Moses, “Nuris pasar pimanang ati darŭm surat isa-i bisa adu adu dog ingat. Kidaan di Joshua nang Aku re pirarap daya Amalek.”

ISAIAH 8:1

TUHAN nang di aku, “Tambit ndi batuh yŭn nuris ka nuris dieh ngga turis adi baga; ‘Rikas Sirapas, Rikas Mirupak’.

JEREMIAH 1:10

Andu ati Aku nggen di kuu kuasa di tunduh bangsa bangsa ka pritah ngga dimbut ka pirabu-i, ngga pirabur ka pitumbang-i, ngga pijog ka purun-i.”

JEREMIAH 1:5

“Sibayuh Aku napa kuu darŭm tain sindŭ mu, ka sibayuh kuu dog biranak, Aku mbŭh mien kuu ka tijuan kuu bada jadi nabi yŭn bangsa bangsa.”

JEREMIAH 1:9

Komŭnŭ TUHAN ton tangan-I, tama bibis ku, ka nang di aku, “Dingah, Aku nggen di kuu buwa pinganang adi kuu re nang.

JEREMIAH 2:4

Dingah pinganang TUHAN, angān bara sesang Jacob, angān adi tibaran-asar Israel.

JEREMIAH 25:3

“Sitŭkŭd duwŭh puru-taruh sawa, so sawa adi simŭng taruh Josiah anak Amon jadi raja Judah ndŭg andu ati, TUHAN mbŭh minyu ngga aku, ka aku bŭn dŭh kidaan di angān kayuh adi-I nang. Pak angān dŭh mbit piduri.

JEREMIAH 30:2

nang di aku: “Nuris darŭm ndi surat sopŭrŭg kayuh adi Aku kidaan di kuu,

JEREMIAH 36:14

Komŭnŭ bara pinurung bada Jehudi (anak Nethaniah, sukuh Shelemiah, ka sukuh sit Cushi) kidaan di Baruch da taban surat-barun adi ayŭh ko basa di sirung jawin bara daya. Baruch taban surat-barun anŭ ka ngara.

JEREMIAH 36:18

Baruch nam, “Jeremiah kidaan di aku sopŭrŭg bang piminyu anŭ, ka aku nuris-i ngga dawat di surat ati.”

JEREMIAH 36:23

Kan Jehudi muko basa kudu kudu susud utung pinganang, raja kapŭg-i ngga sinda adi siit ka taran-i ka apui. Ayŭh adu adu ndai simŭnŭ ndŭg ka ndi surat-barun anŭ mbŭh abo dog badang.

JEREMIAH 36:29

TUHAN bada aku nang di raja, “Kuu mbŭh badang surat-barun anŭ, ka kuu mbŭh siken mani Jeremiah nuris nang raja Babylonia re mandŭg ka pirabur tarun tana ati ka siŭ bara daya-i samŭn dāng dāng adi agi dieh.

JEREMIAH 36:6

Pak aku raan kuu di kamanŭ andu bŭkŭn di tika daya bipusa. Kuu an basa isi surat-barun anŭ di ngara ngga bana, isa ngara dapŭd dingah sopŭrŭg kayuh adi TUHAN mbŭh nang di aku ka adi aku mbŭh kidaan di kuu. Ndai simŭnŭ di tadŭ yŭn daya dapŭd dingah kuu; simŭnŭ gŭh di daya Judah adi mbŭh mandŭg so kupo kupo ngara.

JEREMIAH 45:1

Di sawa adi pat Jehoiakim anak Josiah jadi raja Judah, Baruch nuris kayuh adi aku kidaan di ayŭh. Komŭnŭ aku kidaan di ayŭh

JEREMIAH 51:60

Aku nuris darŭm surat sopŭrŭg pinyirusag adi re nyatŭk Babylonia, samŭn sopŭrŭg kayuh adi bŭkŭn pasar Babylonia.

EZEKIEL 2:9

Aku kiris tangan tudu aku, digŭng surat-barun.

HOSEA 8:12

Aku nuris raru bagŭ ajar yŭn bara daya, pak ngara tirawan-i mun kayuh adi saruh.

DITRONOMI 31:24

Moses nuris Ukum-adat Tapa ngga nakit so puun ndŭg tŭbŭn-i.

HEBREW 10:7

Jadi Aku nang, ‘Ta Aku, O Tapa, an ndai pinyiraan Mai, nimun adi dog nuris pasar Aku darŭm surat Ukum-adat,’ ”