JEREMIAH 33:9 - Hakcipta - Biatah Bidayuh

⁹ Jerusalem re jadi atak pinyigaŭn, stabi, ka kayuh adi Aku ngangŭn; ka barang bangsa di ong re taru ka kimŭtŭr kan ngara dingah pasar kayuh kana adi Aku ndai yŭn daya Jerusalem ka pasar udip mujur adi Aku taban ka kupo anŭ.”

JEREMIAH 33:9 ပူးပေါင်းရင်းမြစ်များ

2 KRONIKEL 20:29

Sopŭrŭg bangsa adi dingah munki TUHAN mbŭh ngarah pinganyu Israel mbŭh raru taru,

NEHEMIAH 6:16

Kan pinganyu ami di rais rais maning kieh dingah, ngara rada adŭp ngara mbŭh mangŭh, amai barang naan daya puan nang kraja anŭ mbŭh kamas so ka pinurung adŭp Tapa.

ESTHER 8:17

Di barang kupo ngga utung rais, di tadŭ yŭn pinganang ukum anŭ dog basa, bara daya Jahudi mbit primisi ka bigawai ngga gaŭn. Bagŭ daya bŭkŭn jadi daya bangsa Jahudi, sabab ngara mbŭh taru daya bangsa anŭ.

MAZMUR 130:4

Pak Kaam apun kieh, isa kieh stabi ka tŭtŭd di Kaam.

MAZMUR 40:3

Ayŭh ngajar aku nang ragu bauh, ragu puji ka Tapa ta. Bagŭ adi kiris kayuh ati re taru ka re sabah di TUHAN.

ISAIAH 43:21

Ngara inŭh daya adi Aku mbŭh ndai yŭn adŭp Ku, ka ngara re nang ragu ngga muji Aku!”

ISAIAH 55:13

Tŭngŭn sipres re timbu di yŭn bakah pireja; tŭngŭn kemunting re gati tŭngŭn reja. Ati re jadi tandā adi re tan ndŭg situi tui, ngga ingat kayuh adi Aku, adi TUHAN, mbŭh ndai.”

ISAIAH 60:5

Kuu re kiris kayuh anŭ ka re gaŭn; kuu re kimŭtŭr amai gaŭn. Buat-rata bangsa bangsa re dog taban ka kuu; pinyikaya ngara re mutas rawŭt mandŭg ka kuu.

ISAIAH 62:1

Aku re minyu ngga ngatat Jerusalem; aku dŭh re pajam ndŭg ka ayŭh mbŭh siramat, ka pimanang-i nyekar mun jawa nyekar darŭm karŭm.

ISAIAH 62:12

Angān re dog kadŭn “Daya adi Kudus”, “Daya adi Tapa mbŭh nyiramat”. Jerusalem re dog kadŭn “Kupo adi Tapa Rindu”, “Kupo adi Tapa dŭh tagan”.

ISAIAH 62:4

Kuu re dŭh tia dog kadŭn “Adi Dog Tagan”. Tarun tana mu re dŭh tia dog kadŭn “Sawŭn Adi Dog Tingge”. Dŭn bauh mu inŭh re “Tapa Re Munos Asŭng di Ayŭh”. Tarun tana mu re dog kadŭn “Mbŭh Banan” sabab TUHAN inŭh munos asŭng-I di kuu ka re keya ka banŭh yŭn tarun tana mu.

ISAIAH 62:7

Ngara dŭh siŭn bada Ayŭh rŭŭ-paya ndŭg ka Ayŭh mbŭh ngamas pari pijog Jerusalem ka bada-i jadi kupo adi ndi ong ong muji.

ISAIAH 64:2

Ngara re bigagar mun piin nyigurak di tunduh apui. Mandŭg ka pinandŭng kuasa Mai di bara pinganyu Mai, ka bada bangsa bangsa kimŭtŭr di sirung jawin Mai!

JEREMIAH 13:11

Nimun sinjang rajut dog nyisŭt di kupong, simŭnŭ gŭh Aku raan sopŭrŭg daya Israel ngga daya Judah bidigŭng tagap di Aku. Aku ndai simŭnŭ isa ngara bisa jadi daya Ku ka taban puji ka stabi ka adŭn Ku; pak ngara dŭh nundok di Aku.”

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 24:6

Aku re jaga ngara ka taban ngara ngga pari ka tarun tana ati. Aku re pijog ngara ka dŭh nyirubuh ngara; Aku re purun ngara ka dŭh re dimbut ngara.

JEREMIAH 26:6

Kambŭi angān babŭ abah dingah pinganang, Aku re ndai di Ramin Ku ati kayuh adi Aku mbŭh ndai di Shiloh, ka sopŭrŭg bangsa di ong re pakai dŭn kupo ati ndu pangu.”

JEREMIAH 29:1

Aku nuris surat ka bara imam, bara nabi, bara pinguru bangsa, ngga di sopŭrŭg adi bŭkŭn adi Nebuchadnezzar mbŭh taban ngga bu jadi daya-takap so Jerusalem di ka Babylonia.

JEREMIAH 3:17

Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

JEREMIAH 3:19

TUHAN nang, “Israel, Aku raan trima kuu jadi anak Ku ka nggen di kuu tana adi pimunos asŭng, tana adi siabo ramus di ndi ong ong. Aku raan kuu bagan Aku Sama, ka dŭhnyah tia nyipunok Aku.

JEREMIAH 31:14

Aku re bada bara imam bisoh ngga bagŭ pinguman ka nggen sopŭrŭg kayuh adi daya Ku raan. Aku, adi TUHAN, mbŭh minyu.”

JEREMIAH 31:4

Aku re pari pijog angān. Angān re pari tambit tamburin ngan ka birajang ngga gaŭn.

JEREMIAH 32:42

“Nimun Aku mbŭh taban pinyirusag bada nyatŭk bangsa ati, simŭnŭ gŭh Aku re nggen di ngara sopŭrŭg kayuh kana adi Aku mbŭh bijanji an nggen.

JEREMIAH 33:14

TUHAN nang, “Tika re mandŭg adi ngga Aku re pijadi janji adi Aku mbŭh ndai ngga daya Israel ka ngga daya Judah.

JEREMIAH 4:2

kuu bisa bipayu pakai adŭn Ku. Komŭnŭ sopŭrŭg bangsa re mite Aku nyiberkat ngara, ka ngara re muji Aku.”

JEREMIAH 44:8

Mani angān bada Aku baji ngga pingandai ngan adi nyambah tibudo ka nyadis ka tapa bŭkŭn digiti di Egypt, tarun yŭn ngan rŭŭ madin? Angān ndai simŭnŭ ngga pirabur adŭp ngan kah, isa barang bangsa di ong ngamun angān ka pakai dŭn ngan ndu pangu?

JEREMIAH 49:25

Kupo adi timagah adi ari pawŭn mbŭh dog tagan.

EZEKIEL 26:20

Aku re pait kuu ka ong daya adi mbŭh kabŭs bada sua ngga ngara adi ko udip ndun jah. Aku re bada kuu rŭŭ di ong di sagān anŭ di yŭn pinyirusag ruro, biayo ngga daya adi mbŭh kabŭs. Ngga simŭnŭ meh kuu re dŭh tia dog ngisi ka dŭh tia agi di tarun tana daya udip.

EZEKIEL 36:35

Barang naan daya re nang munki tana anŭ, adi muko jadi tarun tana-pajam, mbŭh jadi Teya Eden, ka munki kupo kupo adi muko rubuh, dog mirupak, ka jadi tibawang, madin mbŭh brisi ngga daya ka mbŭh bikuta.

EZEKIEL 39:13

Barang naan daya di tarun tana anŭ re turung kubur tadang, ka ngara re dog nggen stabi di andu pimanang Ku. Aku, adi TUHAN Raja, mbŭh minyu.

HOSEA 3:5

Pak tipuh re mandŭg kan daya Israel re pari ka TUHAN adi Tapa ngara, ka sesang David adi raja ngara. Ka ngara re taru di TUHAN ka re kambat pinganggen pinganggen-I adi kana.

ZECHARIAH 1:17

Malaikat anŭ bada gŭh aku piagah: “TUHAN Bisa-pŭrŭg nang kupo kupo-I re pari mujur ka Ayŭh re pari turung Jerusalem ka ngaku-i kupo adŭp-I.”

ZECHARIAH 12:2

“Aku re bada Jerusalem mun makuk wain. Bangsa bangsa adi maning-i re nok ka tibabeu mun daya mabuk. Ka kan ngara ngarah Jerusalem, kupo kupo Judah adi bŭkŭn re dog ngarah gŭh.

DITRONOMI 30:5

isa angān bisa pari dapu tarun tana adi tayung-babuk ngan ko yŭn rŭŭ. Ka Ayŭh re bada angān jadi rabis mujur ka rabis bagŭ so tayung-babuk ngan jah.