JEREMIAH 32:8 - Hakcipta - Biatah Bidayuh

⁸ Komŭnŭ, nimun adi mbŭh TUHAN nang, Hanamel sawŭ mandŭg ka yŭn ku diginŭ di badag istana ka bada aku miris tana-i. Anŭ sabab aku puan nang TUHAN sawŭ agi minyu ngga aku.

JEREMIAH 32:8 ပူးပေါင်းရင်းမြစ်များ

1 RAJA 2:26

Komŭnŭ Raja Solomon nang di Abiathar adi imam, “Di ka kupo adŭp mu di Anathoth. Kuu patut dog nggen ukum kabŭs, pak aku dŭh re siŭ kuu madin, amai kuu tukang jaga Pati Simanya TUHAN sitadŭn kuu agi ngga sama ku David, ka sua kinyam sopŭrŭg pinyusah-i.”

1 RAJA 22:25

“Kuu re puan di andu kuu di bisukan di birit tura ka punok,” Micaiah nam.

1 KRONIKEL 6:60

Di tarun tana Benjamin ngara dog nggen kupo kupo ati ngga tarun tana kupai-i: Geba, Alemeth, ngga Anathoth. Jadi prungun kupo di yŭn sopŭrŭg rawang ngara rŭŭ agi simŭng taruh.

JEREMIAH 1:1

Surat ati inŭh pasar kayuh adi dog nang Jeremiah anak Hilkiah, ndi naan so imam imam di kupo Anathoth darŭm utung tarun tana Benjamin.

JEREMIAH 32:2

Di tika anŭ tibaran bara soldadu Raja Babylonia nyerang Jerusalem, ka aku dog bitan di badag istana raja.

JEREMIAH 32:25

Sunggu-i simŭnŭ, TUHAN Raja, Kaam inŭh adi mritah aku bada miris tana di sirung jawin bara saksi, sunggu kupo ati mbŭh re dog sirabut daya Babylonia.”

JEREMIAH 32:7

nang Hanamel, anak tua dari ku Shallum, re mandŭg ka aku ngga pimite bada aku miris tana-i di Anathoth di utung tarun tana Benjamin, sabab aku madis-i adi sindŭk ka biyŭn hak miris-i yŭn adŭp ku.

JEREMIAH 33:1

Sitadŭn aku dog bitan di badag istana, pinganang so TUHAN mandŭg ka aku dinge.

JEREMIAH 37:12

Jadi aku re an bu so Jerusalem di ka utung tarun tana Benjamin di tambit tung jaku utung di buat-rata rawang.

EZEKIEL 12:7

Aku ndai nimun adi TUHAN mbŭh bada aku ndai. Di andu anŭ aku bipisŭn mun daya nupang, ka singumi andu anŭ kan-i mbŭh re karŭm aku ndai rubang ngga tangan adŭp ku di sindung ramin ku. Komŭnŭ aku ruah, ka buang daya bagŭ kiris, aku na bakot barang ku di kawin ku ka bu.

ZECHARIAH 11:11

Simŭnŭ inŭh simanya dog kinating di andu anŭ. Ngara adi miris ka jua biri nyibatŭh aku, ka ngara puan nang TUHAN minyu so pingandai ku anŭ.

JOHN 4:53

Sama anak anŭ rasu ingat Jesus agi nang di jam anŭ, “Anak mu re bua,” Ka ayŭh samŭn ndi rawang-i sabah di Jesus.