JEREMIAH 32:44 - Hakcipta - Biatah Bidayuh

⁴⁴ Daya re miris-i, ka surat surat adat-bibiris re dog na tandā tangan dieh, dog matis, ka dog nyaksi daya bagŭ. Kayuh anŭ re jadi di utung tarun tana Benjamin, di anak anak kupo maning Jerusalem, di kupo kupo Judah, ka di kupo kupo di rais tarun tana sandah, di sigŭn sigŭn sandah, ka di siratan Judah. Aku re pari bangsa ati ka rais ngara. Aku, adi TUHAN, mbŭh minyu.”

JEREMIAH 32:44 ပူးပေါင်းရင်းမြစ်များ

ISAIAH 44:26

Pak kan urun Ku ninjau, kan Aku pait pinyisung bada pinandŭng atur kraja Ku, Aku bada atur kraja ngga pininjau anŭ jadi bitŭtŭk. Aku kidaan di Jerusalem nang daya re pari rŭŭ diginŭ, ka kupo kupo Judah re pari dog pijog. Kupo kupo anŭ re makat so tugung rakang tibawang.

JEREMIAH 13:19

Kupo kupo di siratan Judah mbŭh dog nyikapung; mating daya tungang mutas tudu-i. Sopŭrŭg daya Judah mbŭh dog taran ka rais tami.”

JEREMIAH 17:26

Daya re mandŭg so kupo kupo Judah ka so anak anak kupo maning Jerusalem; ngara re mandŭg so utung tarun tana Benjamin, so sigŭn sigŭn sandah, so tarun tana-darŭd, ka so siratan Judah. Ngara re taban ka Ramin TUHAN sadis sadis badang ngga sadis sadis adi bŭkŭn, sadis ruwang kayuh ngga kimanyan, samŭn pinganggen trima kaseh.

JEREMIAH 30:18

TUHAN nang, “Aku re pari daya Ku ka tarun tana ngara ka re masi di barang rawang; Jerusalem re pari dog pijog, ka istana-i dog nyurat.

JEREMIAH 30:3

sabab tika-i re mandŭg adi ngga Aku pari daya Ku, Israel ngga Judah. Aku re taban ngara ngga pari ka tarun tana adi Aku mbŭh nggen di tayung-babuk ngara; ngara re pari dapu-i. Aku, adi TUHAN, mbŭh minyu.”

JEREMIAH 31:23

TUHAN Bisa-pŭrŭg, adi Tapa Israel, nang, “Kan Aku pari daya Ku ka tarun tana ngara, ngara re pari nang darŭm tarun tana Judah ka darŭm kupo kupo, ‘Isa-i TUHAN nyiberkat sandah kudus Jerusalem, yŭn kudus di yŭn-I rŭŭ.’

JEREMIAH 32:10

Aku na tandā tangan ku di surat adat-bibiris ka matis-i, di sirung jawin bara saksi. Ka aku nimbang duit anŭ adi ngga bayar-i.

JEREMIAH 32:37

Aku re nguruk bara daya so sopŭrŭg rais adi yŭn Ku mbŭh bada ngara papar sasah amai baji ngga bangok Ku, ka Aku re taban ngara ngga pari ka tarun yŭn ati ka bada ngara rŭŭ digiti ngga siramat.

JEREMIAH 33:11

sirais gaŭn ngga pawŭn ka jawŭn rami gawai banan sawan. Angān re dingah daya biragu darŭm ngara taban pinganggen trima kaseh ka Ramin Ku; ngara re nang, ‘Nggen trima kaseh di TUHAN Bisa-pŭrŭg, sabab Ayŭh kana ka pinyirindu-I tan adu adu.’ Aku re bada tarun tana ati mujur mun dawŭ-i. Aku, adi TUHAN, mbŭh minyu.”

JEREMIAH 33:13

Di kupo kupo rais tarun tana sandah, di sigŭn sigŭn sandah, ka di siratan Judah, di utung tarun tana Benjamin, di anak anak kupo maning Jerusalem, ka di kupo kupo Judah, pingingat pingingat-biri re pari agi mirang biri ngara. Aku, adi TUHAN, mbŭh minyu.”

JEREMIAH 33:26

Ka siragi Aku mbŭh ndai simŭnŭ, simŭnŭ gŭh Aku re sita simanya Ku ngga bara sesang Jacob ka ngga urun Ku David. Aku re mien ndi naan so sesang David bada mritah bara sesang Abraham, Isaac, ka Jacob. Aku re masi di daya Ku ka bada pimudip ngara pari mujur.”

JEREMIAH 33:7

Aku re bada Judah ngga Israel mujur, ka Aku re pari pijog ngara bada mun adi dawŭ-i.

OBADIAH 1:19

“Daya so siratan Judah re ngisi Edom; ngara adi so sigŭn sandah parad ka barat re sirabut Philistia; Israel re dapu tarun tana Ephraim ngga Samaria; daya Benjamin re tambit Gilead.

OBADIAH 1:20

Tibaran bara soldadu adi dog taran so parad ka utara Israel re pari ka ngarah Phoenicia, jeh ndŭg Zarephath di utara. Daya so Jerusalem adi dog taran ka Sardis re sirabut kupo kupo di parad ka siratan Judah.

ZEPHANIAH 2:7

Daya Judah adi babŭ udip re ngisi tarun tana ngan. Ngara re bada kaban biri ngara man kupai diginŭ ka bŭŭs di ramin Ashkelon. TUHAN adi Tapa ngara re agi ngga ngara ka bada ngara pari udip mujur.

ZECHARIAH 7:7

Anŭ inŭh kayuh adi TUHAN nang so baba bara nabi di jaman Jerusalem gibabŭ agi daya rŭŭ dieh buang mujur. Di jaman anŭ bagŭ daya rŭŭ dŭh darŭm anak anak kupo maning kupo anŭ adŭ pak di abong tarun tana parad ka siratan ngga di sigŭn sandah di parad ka barat.