JEREMIAH 32:39 - Hakcipta - Biatah Bidayuh

³⁹ Aku re nggen di ngara ndi pinŭtŭn darŭm pimudip: stabi di Aku yŭn adu adu, yŭn kana adŭp ngara ka yŭn kana bara sesang ngara.

JEREMIAH 32:39 ပူးပေါင်းရင်းမြစ်များ

TIBIRIK 17:7

“Aku re kingat janji Ku di kuu ka di sesang mu di turap turap adi re, da jadi simanya adi tan adu adu. Aku re jadi Tapa mu ka Tapa bara sesang mu.

TIBIRIK 18:19

Aku mbŭh mien ayŭh siŭn-i bisa pesan bara anak dari-i ngga bara sesang-i da nundok di Aku ka ndai kayuh adi batur ka patut. Kambŭi ngara ndai simŭnŭ, Aku re ndai barang masam kayuh yŭn-i nanyam adi muko Aku janji.”

TIBIRIK 22:12

“Dŭhnyah bada anak anŭ kinaman bait ida ida ngga ayŭh,” ayŭh nang. “So madin aku puan nang kuu stabi ka taru di Tapa, amai kuu dŭh tungang siŭt kaŭs kaŭs anak dari mu so Ayŭh.”

2 KRONIKEL 30:12

Kuasa Tapa taŭn agi gŭh di Judah ka nyindi bara daya darŭm ngara raan tunda pinyiraan-I darŭm ngara nurut pinganang raja ngga bara pinurung-i.

MAZMUR 112:1

Muji meh TUHAN! Sanang inŭh daya adi stabi di TUHAN, adi gaŭn tunda pinganang-I.

MAZMUR 128:6

Isa-i angān udip tui siŭn dapŭd kiris sukuh ngan! Udip bamai di Israel!

MAZMUR 86:11

Ngajar aku, TUHAN, kayuh adi raan Mai aku ndai, ka aku re dingah pinganang Mai ngga pinyitŭtŭd; ngajar aku bituan di Kaam ngga sipuno asŭng ku.

PITAS 23:17

Dŭhnyah sina di daya adi bidosa; bada atin taru ka atin stabi di TUHAN biguna dŭ darŭm pimudip mu,

ISAIAH 35:8

Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.

ISAIAH 52:8

Ngara adi jaga kupo mbŭh nyirais, samah nyirais ngga gaŭn! ngara dapŭd kiris ngga batŭh adŭp ngara pinyipari TUHAN ka Zion!

ISAIAH 65:23

Ngara re mujur di kraja pingandai adŭp ngara, ka anak anak ngara re dŭh dog pinyirusag. Aku re nyiberkat ngara samŭn sesang ngara ndŭg situi tui.

JEREMIAH 24:7

Aku re nggen di ngara pinyiraan an puan nang Aku ati TUHAN. Komŭnŭ ngara re jadi daya Ku, ka Aku re jadi Tapa ngara, sabab ngara re pari ka Aku ngga siabo atin ngara.

JEREMIAH 31:33

Simanya bauh adi Aku re ndai ngga daya Israel inŭh ati: Aku re na ukum-adat Ku darŭm asŭng ngara ka nuris-i darŭm atin ngara. Aku re jadi Tapa ngara, ka ngara re jadi daya Ku.

JEREMIAH 32:40

Aku re ndai ndi simanya adi tan adu adu. Aku dŭh re ko ndai kayuh kana yŭn ngara, ka Aku re bada ngara taru Aku ngga siabo atin ngara, isa ngara dŭh tia bu so Aku.

JEREMIAH 6:16

TUHAN nang di daya-I, “Mijog di sakap sakap aran ka tingga. Siken diki aran amba adi jah ka diki aran adi siabo kana. Kadŭg-i, ka kuu re udip darŭm damai.” Pak ngara nang, “Dŭh, abah kieh!”

EZEKIEL 36:26

Aku re nggen di angān atin adi bauh ka pikir adi bauh. Aku re tambit atin tangek ngan adi mun batuh so angān ka nggen di angān atin adi nundok.

EZEKIEL 37:22

Aku re bada ngara jadi ndi bangsa di tarun tana anŭ, di tarun tana darŭd Israel. Ngara re dog mritah ndi naan raja ka ngara re dŭh tia pape jadi duwŭh bangsa bait pape jadi duwŭh pritah.

EZEKIEL 37:24

Ndi naan raja mun urun Ku David re jadi raja ngara. Ngara re dog bada jadi ndi di ribo ndi naan pimritah ka re tunda ukum ukum-adat Ku ngga tŭtŭd.

EZEKIEL 37:25

Ngara re udip di tarun tana adi Aku nggen di urun Ku Jacob, tarun tana di yŭn tayung-babuk ngara rŭŭ. Ngara re rŭŭ diginŭ ndŭg situi tui, ka simŭnŭ gŭh bara anak ngara samŭn bara sesang ngara. Raja adi mun urun Ku David re mritah ngara ndŭg situi tui.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 17:21

Aku simayang isa ngara jadi ndi. Sama! Aku mite ngara jadi ndi darŭm Ata, nimun Kaam agi darŭm Aku ka Aku agi darŭm Kaam. Aku mite ngara jadi ndi, isa ong bisa sabah nang Kaam sawŭ mbŭh pait Aku.

PINGANDAI 13:33

Ayŭh mbŭh ndai yŭn ta, adi bara sesang ngara, darŭm-I pakat Jesus so kabŭs. Nimun adi ko dog nuris darŭm Mazmur adi numbor duwŭh, ‘Kuu Anak Ku; andu ati Aku mbŭh jadi Sama Mu.’

PINGANDAI 2:39

Amai janji Tapa mbŭh dog ndai di angān samŭn di anak ngan, ka di sopŭrŭg adi rŭŭ di tarun jo; sopŭrŭg, adi Tuhan Tapa ta ko bagan ka adŭp-I.”

PINGANDAI 3:26

Ngapŭi Tapa mbŭh mien Urun-I ka pait Ayŭh ka angān diŭ, da nyiberkat angān darŭm-I bada barang naan angān marik so aran pimudip ngan adi ginaka.”

PINGANDAI 4:32

Tibaran adi sabah mbŭh ndi atin ndi pekat. Mating so ngara nang tadŭ tadŭ kayuh adi-i dapu mbŭh tung adŭp-i, pak ngara samah samah sua dapu sopŭrŭg-i.

PINGANDAI 9:31

Simŭnŭ meh eklisia di tarun tana Judea, Galilee, ka Samaria, mbŭh darŭm tipuh bamai. Ngga pinurung Roh Kudus eklisia anŭ dog nyibake buang daya-i mbŭh dŭ dŭ bitambah, darŭm-i udip buang stabi di Tuhan.

ROME 11:16

Kambŭi sibungas kiping ruti dog nggen di Tapa, ndi baru anŭ mbŭh tung jangi gŭh; ka kambŭi uat tŭngŭn kayuh dog jugan ka Tapa, dudu daan-i mbŭh jangi gŭh.

1 CORINTH 7:14

Amai banŭh adi dŭh Kristen mbŭh dog trima Tapa darŭm-i bisindi ngga sawŭn-i, ka sawŭn adi dŭh Kristen mbŭh dog trima Tapa darŭm-i bisindi ngga banŭh-i adi Kristen. Kambŭi dŭh simŭnŭ, anak ngara re jadi keya ka anak daya adi dŭh puan Tapa; pak darŭm-i simŭnŭ, ngara mbŭh dog trima Tapa.

2 CORINTH 13:11

Ka madin meh, bara dingan ku, harap angān bua sanang! Gruwŭn aran pimudip adi sukup kana; tunda pinganang ku ati; udip darŭm ndi itong ngga dingan ngan; udip darŭm damai. Ka Tapa pinyirindu ngga damai re agi ngga angān.

DITRONOMI 5:29

Kasi kah kambŭi ngara ari mun anŭ! Kasi kah kambŭi ngara ari stabi di Aku ka tunda sopŭrŭg pesan Ku, isa ngara ngga bara sesang ngara adu adu sanang.

DITRONOMI 6:2

Sitŭkŭd angān udip, angān ngga sesang ngan an stabi di TUHAN adi Tapa ngan, ka tunda sopŭrŭg ukum adat-I adi aku nggen di angān, isa angān udip tui di tarun tana anŭ.

DITRONOMI 6:24

Komŭnŭ TUHAN adi Tapa ta pesan ata bada tunda sopŭrŭg ukum-adat anŭ ka stabi di Ayŭh. Kambŭi ata ndai simŭnŭ, Ayŭh re ari nguan bangsa ta ka bada-i mujur.

HEBREW 10:20

Ayŭh mbŭh kuka yŭn ta aran adi bauh, aran adi udip, so ka Tabir anŭ adi taŭn mbŭh pŭrŭng adŭp-I.