JEREMIAH 32:38 - Hakcipta - Biatah Bidayuh

³⁸ Komŭnŭ ngara re jadi daya Ku, ka Aku re jadi Tapa ngara.

JEREMIAH 32:38 ပူးပေါင်းရင်းမြစ်များ

TIBIRIK 17:7

“Aku re kingat janji Ku di kuu ka di sesang mu di turap turap adi re, da jadi simanya adi tan adu adu. Aku re jadi Tapa mu ka Tapa bara sesang mu.

2 SAMUEL 7:24

Kaam mbŭh bada Israel adu adu jadi daya adŭp Mai, ka Kaam, TUHAN, mbŭh jadi Tapa ngara.

MAZMUR 144:15

Sanang inŭh bangsa adi sawŭ mun anŭ; sanang inŭh daya adi Tapa-i TUHAN!

ISAIAH 65:23

Ngara re mujur di kraja pingandai adŭp ngara, ka anak anak ngara re dŭh dog pinyirusag. Aku re nyiberkat ngara samŭn sesang ngara ndŭg situi tui.

JEREMIAH 24:7

Aku re nggen di ngara pinyiraan an puan nang Aku ati TUHAN. Komŭnŭ ngara re jadi daya Ku, ka Aku re jadi Tapa ngara, sabab ngara re pari ka Aku ngga siabo atin ngara.

JEREMIAH 31:1

TUHAN nang, “Tika-i re mandŭg adi ngga Aku jadi Tapa sopŭrŭg tibaran-asar Israel, ka ngara re jadi daya Ku.

JEREMIAH 31:33

Simanya bauh adi Aku re ndai ngga daya Israel inŭh ati: Aku re na ukum-adat Ku darŭm asŭng ngara ka nuris-i darŭm atin ngara. Aku re jadi Tapa ngara, ka ngara re jadi daya Ku.

EZEKIEL 16:60

Pak Aku re ingat simanya adi Aku mbŭh ndai ngga kuu di andu kuu gibabŭ mara, ka Aku re ndai ngga kuu simanya adi tan adu adu.

EZEKIEL 36:28

Komŭnŭ angān re rŭŭ di tarun tana adi Aku mbŭh nggen di tayung-babuk ngan. Angān re jadi daya Ku, ka Aku re jadi Tapa ngan.

EZEKIEL 37:27

Aku re rŭŭ diginŭ ngga ngara; Aku re jadi Tapa ngara, ka ngara re jadi daya Ku.

EZEKIEL 39:22

Bara daya Israel re puan nang so nganŭ Aku ati TUHAN adi Tapa ngara.

EZEKIEL 39:28

Komŭnŭ daya Ku re puan nang Aku ati TUHAN adi Tapa ngara. Ngara re puan anŭ, sabab Aku bada ngara dog taran ka jadi daya-takap ka madin nguruk ngara ka taban ngara ngga pari ka tarun tana adŭp ngara; ndi naan mating gŭh dog tingge.

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

DITRONOMI 14:23

Komŭnŭ di ka tarun anŭ adi ndi adŭ adi TUHAN adi Tapa ngan mbŭh mien yŭn adŭp-I dog nyambah; ka diginŭ di sirung jawin-I man pinganggen ndi utung-so-simŭng anŭ so gandom, wain, ngga inyo kanā, ngga anak bungas sapi ngga biri ngan. Ndai simŭnŭ isa angān bisa birajar ari stabi di TUHAN adi Tapa ngan.

HEBREW 11:16

Pak rais adi ngara gruwŭn inŭh rais adi kana dŭ, rais shorga. Ngapŭi Tapa dŭh mangŭh kan ngara ngaku Ayŭh Tapa, sabab Ayŭh mbŭh sidia kupo yŭn ngara.

HEBREW 8:10

Pak madin, ati inŭh simanya adi re Ku ndai ngga daya Israel di tipuh adi re mandŭg, nang Tuhan: Aku re na ukum-adat Ku di pikir ngara ka nuris-i darŭm atin ngara. Aku re jadi Tapa ngara, ka ngara re jadi daya Ku.

PINANDŬNG 21:7

Ngara adi manang re dapŭd ati so Aku: Aku re jadi Tapa ngara, ka ngara re jadi bara anak Ku.