JEREMIAH 32:34 - Hakcipta - Biatah Bidayuh

³⁴ Ngara tanŭ ka mbŭh na tibudo tibudo ngara adi sipŭ anŭ di Ramin Ku adi ngaŭn dog pijog yŭn nyambah Aku; ngara mbŭh nyembar-i.

JEREMIAH 32:34 ပူးပေါင်းရင်းမြစ်များ

2 RAJA 21:1

Manasseh mbŭh simŭng duwŭh sawa umbur-i kan ayŭh jadi raja Judah. Ayŭh mritah di Jerusalem 55 sawa. Sindŭ-i inŭh Hephzibah.

2 RAJA 23:6

Ayŭh kadi so Ramin TUHAN tandā pinatŭng tapa Asherah, taban-i ruah so kupo di ka rubān Kidron, badang-i, nginges ŭbŭ-i bada jadi dabu, ka nabur-i di kubur-ratus.

2 KRONIKEL 33:15

Ayŭh kadi so Ramin TUHAN tapa tapa saruh ngga gayŭn adi ayŭh mbŭh na diginŭ, ka mija mija-sambah adat karŭm adi ko di tunduh sandah di yŭn Ramin TUHAN mijog ka di tarun bŭkŭn di Jerusalem; ayŭh taban sopŭrŭg kayuh anŭ ka sapa kupo ka taran-i.

2 KRONIKEL 36:14

Nambah ka anŭ, bara pinguru Judah, bara imam, ngga bara daya tunda suto danding pimudip bidosa bangsa bangsa adi maning ngara adi nyambah tibudo. Ngara nyembar Ramin TUHAN, adi adŭp TUHAN mbŭh bada kudus.

JEREMIAH 19:4

Aku re ndai simŭnŭ sabab daya mbŭh tagan Aku ka mbŭh nyembar tarun ati ngga kraja ngara adi jugan sadis ka tapa tapa bŭkŭn; tapa tapa adi dŭh ngara bait tayung-babuk ngara, bait raja raja Judah puan. Ngara mbŭh ngisi tarun ati ngga deya daya adi dŭh sarah,

JEREMIAH 23:11

TUHAN nang, “Bara nabi ngga bara imam dŭh tŭtŭd di Aku; Aku mbŭh dapŭd ngara ndai arap darŭm Ramin Ku.

JEREMIAH 30:14

Sopŭrŭg ambai ngan mbŭh kambŭt angān; ngara dŭh tia piduri angān. Aku mbŭh nyerang angān mun pinganyu; ukum ngan inŭh bat sabab dosa ngan raru bagŭ ka udip ginaka ngan mbŭh raru sipŭ.

JEREMIAH 34:15

Kudu kudu andu adi mbŭh ripas angān ngubah adŭp ngan ka ndai kayuh adi pimunos asŭng Ku. Sopŭrŭg ngan samah situju an pirupas dingan ngan adi samah bangsa, ka angān ndai simanya di sirung jawin Ku, di Ramin Ku adi yŭn Aku dog nyambah.

JEREMIAH 44:4

Aku adu adu pait urun Ku adi bara nabi, adi kidaan di angān bada dŭh ndai kayuh adi sipŭ anŭ adi Aku tiru.

JEREMIAH 7:10

Angān ndai kayuh kayuh anŭ adi Aku tiru, ka komŭnŭ angān mandŭg ka mijog di sirung jawin Ku, darŭm Ramin Ku, ka nang, ‘Kieh siramat!’

JEREMIAH 7:30

“Daya Judah mbŭh ndai pingandai arap. Ngara mbŭh na tibudo tibudo ngara, adi Aku tiru, darŭm Ramin TUHAN ka mbŭh nyembar-i.

JEREMIAH 7:31

Darŭm Rubān Hinnom ngara mbŭh pijog ndi mija-sambah dŭn Topheth. Di tunduh mija-sambah anŭ ngara badang anak anak dari ngga anak anak dayung ngara, ndu sadis. Aku mating pesan ngara bada ndai simŭnŭ. Bŭn kayuh mun anŭ timbur darŭm pikir Ku.