JEREMIAH 32:22 - Hakcipta - Biatah Bidayuh

²² Kaam nggen di ngara tana adi kaya ka damŭn ati, nimun adi mbŭh Kaam janji di tayung-babuk ngara.

JEREMIAH 32:22 ပူးပေါင်းရင်းမြစ်များ

TIBIRIK 13:15

Aku re nggen di kuu ngga di sopŭrŭg sesang mu, sopŭrŭg tarun tana adi kuu kiris anŭ, ka-i re adu adu jadi tung jamu.

TIBIRIK 24:7

TUHAN, adi Tapa rangit mbŭh tambit aku so ramin sama ku ka so tarun tana bara madis ku, ka Ayŭh mbŭh bipayu an nggen tarun tana ati di bara sesang ku. Ayŭh re pait malaikat-i diŭ so kuu isa kuu tungang dapŭd dayung diginŭ yŭn Isaac ndu sawŭn.

TIBIRIK 50:24

Ayŭh nang di bara jurud-i, “Aku mbŭh re kabŭs, pak Tapa taŭn tatu re kingat angān ka taban angān ngga ruah so tarun tana ati di ka tarun tana adi ko-I bijanji an nggen di Abraham, Isaac, ka Jacob.”

NEHEMIAH 9:15

“Kan ngara sibŭrŭk, Kaam nggen di ngara pinguman so shorga, ka piin so batuh kan ngara badŭh asŭng. Kaam bada ngara nguasa tarun tana adi Kaam ko bijanji an nggen di ngara.

PINYIRUAH 13:5

TUHAN mbŭh bipayu ngga tayung-babuk ngan, an nggen di angān tarun tana daya Canaan, daya Hitti, daya Amor, daya Hivi, ka daya Jebus. Kan Ayŭh taban angān ngga mŭrŭt tarun tana anŭ adi kaya ka damŭn, angān dŭh siŭn dŭh an sita gawai ati darŭm buran ndi barang sawa.

PINYIRUAH 3:17

Aku mbŭh natu adŭp Ku re taban ngara ngga bu so Egypt di yŭn ngara dog kinanyuh; Aku re taban ngara ka tarun tana adi kaya ka damŭn, anŭ inŭh tarun tana daya Canaan, daya Hitti, daya Amor, daya Periz, daya Hivi ngga daya Jebus.

PINYIRUAH 3:8

Ngapŭi Aku mandŭg re pirupas ngara so daya Egypt ka taban ngara ruah so Egypt ka tarun tana adi bayah, adi kaya ka damŭn, adi yŭn daya Canaan, daya Hitti, daya Amor, daya Periz, daya Hivi, ka daya Jebus rŭŭ madin.

JEREMIAH 11:5

Simŭnŭ meh Aku re sita janji adi Aku mbŭh ndai ngga tayung-babuk ngara, anŭ inŭh Aku an nggen di ngara tana adi kaya ka damŭn anŭ adi ngara mbŭh dapu madin.” Aku nang, “Sawŭ, TUHAN.”

EZEKIEL 20:15

Jadi Aku ndai janji di tarun tana-pajam nang Aku dŭh re taban ngara ka tarun tana adi Aku mbŭh nggen di ngara, tana adi kaya ka damŭn, tana adi siabo kana.

EZEKIEL 20:6

Di tipuh anŭ Aku bijanji an taban ngara ngga ruah so Egypt ka nguru ngara ka tarun tana adi Aku mbŭh mien yŭn ngara, tarun tana adi kaya ka damŭn ka adi siabo kana.

PINYIKIANG 14:16

Kaam siŭ daya Mai di tarun tana-pajam sabab Kaam mbŭh dŭh tungang taban ngara ka tarun tana adi Kaam mbŭh bijanji an nggen di ngara.

PINYIKIANG 14:30

Aku muko bijanji an bada angān rŭŭ diginŭ, pak mating so angān re tungang, adŭ-i Caleb ngga Joshua.

DITRONOMI 1:35

‘Ndi naan so angān so turap ati adi arap dŭh gŭh re mŭrŭt tarun tana mandis anŭ adi Aku ko bijanji an nggen di tayung-babuk ngan.

DITRONOMI 1:8

Sopŭrŭg anŭ inŭh tarun tana adi Aku, adi TUHAN, mbŭh bijanji an nggen di babuk ngan Abraham, Isaac ngga Jacob, ka di bara sesang ngara. Panu meh ka ngisi tarun tana anŭ.’ ”

DITRONOMI 6:10

“Nimun adi TUHAN adi Tapa ngan mbŭh bijanji di tayung-babuk ngan, Abraham, Isaac, ka Jacob, Ayŭh re nggen di angān tarun tana ngga kupo kupo-i adi bayah ka mujur adi dŭh adŭp ngan pijog.

DITRONOMI 6:18

Ndai anŭ adi TUHAN nang batur ka kana, ka angān re sanang. Angān re tungang dapu tarun tana damŭn anŭ adi TUHAN mbŭh bijanji an nggen di tayung-babuk ngan,

DITRONOMI 6:23

Ayŭh pirupas ata so Egypt ka taban ata kamati ka nggen tarun tana ati di ata nimun adi Ayŭh muko bijanji di tayung-babuk ta.

DITRONOMI 7:13

Ayŭh re rindu angān ka nyiberkat angān, isa angān bitambah bagŭ ka biyŭn bagŭ anak; Ayŭh re nyiberkat tana ngan, isa angān dapŭd bagŭ gandom, wain, ka inyo kanā; ka Ayŭh re nyiberkat angān ngga bagŭ sapi ka biri. Ayŭh re nggen di angān sopŭrŭg berkat ati di tarun tana adi Ayŭh muko bijanji di bara tayung-babuk ngan an nggen di angān.

DITRONOMI 8:1

“Tunda ngga atin tŭtŭd sopŭrŭg ukum-adat adi aku mbŭh nggen di angān andu ati, isa angān udip, bitambah bagŭ ka ngisi tarun tana adi TUHAN ko janji di tayung-babuk ngan.

JOSHUA 1:6

Kuu dŭh siŭn dŭh birani ka dŭhnyah bada atin mu arot, amai kuu adi re jadi pinguru ngara ati darŭm ngara ngisi tarun tana adi Aku mbŭh bijanji di tayung-babuk ngara.

JOSHUA 21:43

Jadi TUHAN nggen di daya Israel sopŭrŭg tana anŭ adi Ayŭh muko bijanji ngga tayung-babuk ngara an nggen di ngara. Kan ngara mbŭh tambit tana anŭ, ngara rŭŭ diginŭ.