JEREMIAH 32:21 - Hakcipta - Biatah Bidayuh

²¹ Ngga pingandai-nginga ka pingandai-saruh adi pitaru pinganyu ami, Kaam pakai kuasa ka pinyibake ngga taban daya Mai Israel ruah so Egypt.

JEREMIAH 32:21 ပူးပေါင်းရင်းမြစ်များ

2 SAMUEL 7:23

Mating bangsa bŭkŭn re mun Israel, adi Kaam pirupas so jadi urun bada jadi daya adŭp Mai. Kayuh adi bās buang raru kana adi Kaam ndai yŭn ngara mbŭh bada Kaam timagah di ndi ong ong. Kaam pibu bangsa bangsa bŭkŭn ngga tapa tapa ngara darŭm daya Mai masang darŭm pimanu ngara, daya adi Kaam pirupas so Egypt bada jadi daya adŭp Mai.

1 KRONIKEL 17:21

Mating bangsa bŭkŭn di ong mun Israel, adi Kaam pirupas so jadi urun siŭn jadi daya Mai. Kayuh bās ngga kayuh saruh adi Kaam mbŭh ndai yŭn ngara mbŭh bada adŭn Mai timagah di ndi ong ong. Kaam pirupas daya Mai so Egypt ka pibu bangsa bangsa bŭkŭn darŭm daya Mai masang darŭm pimanu ngara.

MAZMUR 105:37

Komŭnŭ Ayŭh nguru bara daya Israel ruah; ngara taban pirak ngga mas, ka sopŭrŭg ngara tiranah buang bake.

MAZMUR 105:43

Jadi Ayŭh nguru daya adi-I ko mien ngga ruah, ka ngara biragu ka nyirais ngga gaŭn.

PINYIRUAH 13:14

Jŭ, kan anak dari ngan siken ani rati pinyita gawai ati simuti, angān nam ayŭh nang, ‘Ngga kuasa bās-I TUHAN mbŭh taban ata ruah so Egypt, tarun yŭn ata ko jadi urun.

PINYIRUAH 13:9

Pinyita gawai ati inŭh jadi pingingat, keya ka kayuh adi dog mŭŭng di tangan ngan puan kah di arŭ ngan; ayŭh bada angān ingat nang angān an adu adu nyabŭt ka birajar Ukum-adat TUHAN, sabab TUHAN mbŭh taban angān ngga ruah so Egypt pakai kuasa bās-I.

PINYIRUAH 3:20

Pak Aku re pakai kuasa Ku ka re ngukum Egypt ngga pingandai adi bisā diginŭ. Ripas anŭ ayŭh re bada angān panu.

PINYIRUAH 6:1

Jadi TUHAN nang di Moses, “Madin kuu re kiris kayuh adi re Ku ndai di raja. Aku re takan ayŭh bada piruah daya Ku. Sawŭ, Aku re takan ayŭh da pibu ngara so rais-i.”

PINYIRUAH 6:6

Ngapŭi kidaan di daya Israel nang Aku kidaan di ngara, ‘Aku ati TUHAN; Aku re pirupas angān so dog piurun daya Egypt. Aku re pakai tangan Ku adi bikuasa ngga ngukum ngara; komŭnŭ Aku nyiramat angān.

ISAIAH 63:12

Diki TUHAN, adi ndai pingandai bās so Moses, mire piin rawŭt nyinuwŭh ka nguru daya-I mutas piin tŭrŭp, ngga dapŭd adŭn adi adu adu timagah yŭn adŭp-I?” Dog nguru TUHAN, ngara panu mun kuda tarun dŭh sikak dŭh sikakong.

DITRONOMI 11:3

ngga pingandai nginga-I. Angān mbŭh kiris kayuh adi mbŭh-I ndai di raja Egypt ngga di ndi tarun tana rais-i.

DITRONOMI 26:8

Ngga kuasa-I adi bās ka pinyibake-I Ayŭh piruah kieh so Egypt. Ayŭh ndai pingandai-nginga ngga pingandai saruh, ka bada kayuh adi pitaru jadi.

DITRONOMI 4:34

Agi kah tapa adi pagan tambit daya so bangsa bŭkŭn ka bada ngara jadi daya adŭp-i, nimun adi TUHAN adi Tapa ngan mbŭh ndai yŭn ngan di Egypt? Angān mbŭh kiris ngga batŭh adŭp ngan Ayŭh pakai kuasa bās-I ngga pinyibake-I. Ayŭh nimbur sesak-andam ngga perang. Ayŭh ndai pingandai-nginga ngga pingandai saruh, ka bada kayuh adi bisā timbur.

DITRONOMI 7:19

Ingat nŭh sesak-andam adi angān mbŭh kiris ngga batŭh adŭp ngan, pingandai-nginga, ngga pingandai saruh, ka kuasa bās ngga pinyibake adi ngga TUHAN adi Tapa ngan pirupas angān. Simŭnŭ Ayŭh pirabur daya Egypt, simŭnŭ gŭh Ayŭh re pirabur sopŭrŭg daya anŭ adi angān taru madin.