JEREMIAH 32:20 - Hakcipta - Biatah Bidayuh

²⁰ Ndun jah, Kaam ndai pingandai-nginga ngga pingandai-saruh di Egypt, ka Kaam babŭ ndai-i ndŭg andu ati, di Israel ngga di bangsa bangsa bŭkŭn, siŭn madin Kaam dog puan di barang yŭn.

JEREMIAH 32:20 ပူးပေါင်းရင်းမြစ်များ

2 SAMUEL 7:23

Mating bangsa bŭkŭn re mun Israel, adi Kaam pirupas so jadi urun bada jadi daya adŭp Mai. Kayuh adi bās buang raru kana adi Kaam ndai yŭn ngara mbŭh bada Kaam timagah di ndi ong ong. Kaam pibu bangsa bangsa bŭkŭn ngga tapa tapa ngara darŭm daya Mai masang darŭm pimanu ngara, daya adi Kaam pirupas so Egypt bada jadi daya adŭp Mai.

1 KRONIKEL 17:21

Mating bangsa bŭkŭn di ong mun Israel, adi Kaam pirupas so jadi urun siŭn jadi daya Mai. Kayuh bās ngga kayuh saruh adi Kaam mbŭh ndai yŭn ngara mbŭh bada adŭn Mai timagah di ndi ong ong. Kaam pirupas daya Mai so Egypt ka pibu bangsa bangsa bŭkŭn darŭm daya Mai masang darŭm pimanu ngara.

NEHEMIAH 9:10

Kaam ndai pingandai-nginga ngga rawan raja, ka rawan bara pinurung-i ka bara daya tarun tana-i, sabab Kaam puan munki daya Mai dog kinanyuh. Di tika anŭ Kaam bada adŭn Mai timagah, ndŭg andu ati.

NEHEMIAH 9:11

Kaam mire rawŭt ka ndai aran yŭn daya Mai kadŭg ka nguru ngara panu di tunduh tana badŭh. Daya adi tadak ngara rŭnggŭd di rawŭt tŭrŭp, nimun batuh timŭtŭm di rawŭt bās.

MAZMUR 135:9

Diginŭ Ayŭh ndai pingandai-nginga ngga pingandai saruh ngga ngukum raja samŭn bara pinurung-i.

PINYIRUAH 10:2

ka isa kuu bisa kidaan di bara anak sukuh mu munki masam Aku nyibudo bara daya Egypt kan Aku ndai pingandai-nginga. Sopŭrŭg ngan re puan nang Aku ati TUHAN.”

PINYIRUAH 3:20

Pak Aku re pakai kuasa Ku ka re ngukum Egypt ngga pingandai adi bisā diginŭ. Ripas anŭ ayŭh re bada angān panu.

PINYIRUAH 7:3

Pak Aku re bada raja baking, ka dŭh re dingah pinganang mu, sunggu munki masam bagŭ kayuh adi pitaru Aku ndai di Egypt. Komŭnŭ Aku re bada ukum adi bisā nyatŭk Egypt ka taban bara tibaran-asar daya Ku ruah so nŭ.

PINYIRUAH 9:16

Pak ngga Aku kiren kuasa Ku di kuu, Aku mbŭh tandah kuu udip isa Adŭn Ku dog puan di ndi ong ong.

ISAIAH 63:12

Diki TUHAN, adi ndai pingandai bās so Moses, mire piin rawŭt nyinuwŭh ka nguru daya-I mutas piin tŭrŭp, ngga dapŭd adŭn adi adu adu timagah yŭn adŭp-I?” Dog nguru TUHAN, ngara panu mun kuda tarun dŭh sikak dŭh sikakong.

ISAIAH 63:14

Mun sapi sapi dog nguru ka rubān adi damŭn, simŭnŭ gŭh TUHAN nggen rŭŭ-paya di daya-I. Ayŭh nguru daya-I ka dapŭd stabi yŭn adŭn-I.

JEREMIAH 13:11

Nimun sinjang rajut dog nyisŭt di kupong, simŭnŭ gŭh Aku raan sopŭrŭg daya Israel ngga daya Judah bidigŭng tagap di Aku. Aku ndai simŭnŭ isa ngara bisa jadi daya Ku ka taban puji ka stabi ka adŭn Ku; pak ngara dŭh nundok di Aku.”

DANIEL 6:28

Daniel mujur di jaman pinyipritah Darius ngga di jaman pinyipritah Cyrus daya Persia anŭ.

DANIEL 9:15

“O TUHAN adi Tapa ami, Kaam mbŭh kiren kuasa Mai darŭm Kaam taban daya Mai ruah so Egypt, ka kuasa Mai inŭh babŭ dog ingat. Kieh mbŭh bidosa; kieh mbŭh ndai sarah.

PINGANDAI 7:36

Ayŭh taban bangsa Israel ruah so Egypt, ndai pingandai-nginga ngga pingandai-saruh di Egypt ka di Rawŭt Bireh ka sitadŭn pat puru sawa di tarun tana-pajam.

DITRONOMI 11:3

ngga pingandai nginga-I. Angān mbŭh kiris kayuh adi mbŭh-I ndai di raja Egypt ngga di ndi tarun tana rais-i.

DITRONOMI 4:34

Agi kah tapa adi pagan tambit daya so bangsa bŭkŭn ka bada ngara jadi daya adŭp-i, nimun adi TUHAN adi Tapa ngan mbŭh ndai yŭn ngan di Egypt? Angān mbŭh kiris ngga batŭh adŭp ngan Ayŭh pakai kuasa bās-I ngga pinyibake-I. Ayŭh nimbur sesak-andam ngga perang. Ayŭh ndai pingandai-nginga ngga pingandai saruh, ka bada kayuh adi bisā timbur.

DITRONOMI 6:22

Ngga batŭh adŭp ta ata kiris Ayŭh ndai pingandai-nginga ngga pingandai adi bisā di bara daya Egypt ka di raja ngara ka di sopŭrŭg pinurung-i.

DITRONOMI 7:19

Ingat nŭh sesak-andam adi angān mbŭh kiris ngga batŭh adŭp ngan, pingandai-nginga, ngga pingandai saruh, ka kuasa bās ngga pinyibake adi ngga TUHAN adi Tapa ngan pirupas angān. Simŭnŭ Ayŭh pirabur daya Egypt, simŭnŭ gŭh Ayŭh re pirabur sopŭrŭg daya anŭ adi angān taru madin.