JEREMIAH 32:10 - Hakcipta - Biatah Bidayuh

¹⁰ Aku na tandā tangan ku di surat adat-bibiris ka matis-i, di sirung jawin bara saksi. Ka aku nimbang duit anŭ adi ngga bayar-i.

JEREMIAH 32:10 ပူးပေါင်းရင်းမြစ်များ

TIBIRIK 23:16

Abraham situju ka nimbang kiang rega adi Ephron ko nyabŭt di sirung jawin daya bagŭ, anŭ inŭh 400 kiping pirak nanyam ka timbang adi pakai daya dagang.

TIBIRIK 23:20

Simŭnŭ inŭh tarun tana anŭ adi ko dog dapu daya Hitti, samŭn tang anŭ adi agi dieh, jadi rata Abraham ndu tana kubur.

JOB 14:17

Kaam re apun ka pijo dosa ku; Kaam re ngutos sopŭrŭg sarah adi aku mbŭh ndai.

RAGU 8:6

Nyikŭn aku sadi darŭm atin mu; dŭhnyah dakŭp dayung bŭkŭn adŭ-i aku. Pinyiawang inŭh bikuasa mun pinyikabŭs; pinyiripong pŭrŭng inŭh bake mun adŭp pinyikabŭs. Ayŭh bisa rutop jadi apui ka badang kayuh mun apui adi bijagu.

ISAIAH 30:8

Tapa kidaan di aku bada nuris darŭm surat arap bara daya ati, isa agi dog nyikŭn pasar munki masam arap-i ngara.

ISAIAH 44:5

“Ndi ngga ndi, daya re nang, ‘Aku tung TUHAN.’ Ngara re mandŭg ka bigaur ngga daya Israel. Barang naan ngara re na tandā TUHAN di tangan ngara ka kadŭn adŭp ngara bara daya Tapa.”

JEREMIAH 32:12

ka nggen-i di Baruch, adi anak Neriah ka sukuh Mahseiah. Aku nggen-i di ngara di sirung jawin Hanamel ngga bara saksi adi muko na tandā tangan ngara di surat adat-bibiris anŭ ka di sirung jawin bara daya adi guru di badag istana anŭ.

JEREMIAH 32:25

Sunggu-i simŭnŭ, TUHAN Raja, Kaam inŭh adi mritah aku bada miris tana di sirung jawin bara saksi, sunggu kupo ati mbŭh re dog sirabut daya Babylonia.”

JEREMIAH 32:44

Daya re miris-i, ka surat surat adat-bibiris re dog na tandā tangan dieh, dog matis, ka dog nyaksi daya bagŭ. Kayuh anŭ re jadi di utung tarun tana Benjamin, di anak anak kupo maning Jerusalem, di kupo kupo Judah, ka di kupo kupo di rais tarun tana sandah, di sigŭn sigŭn sandah, ka di siratan Judah. Aku re pari bangsa ati ka rais ngara. Aku, adi TUHAN, mbŭh minyu.”

DANIEL 8:26

Kayuh anŭ adi dog kiris keya ka darŭm pŭmŭh pasar sadis singumi andu ngga sadis isan isan adi muko dog kidaan rati-i di kuu re jadi bitŭtŭk. Pak dŭh diŭ bada daya puan, sabab gi-dŭm tui ngga kayuh anŭ re jadi bitŭtŭk.”

MATTHEW 27:66

Jadi ngara bu ka di magŭng kubur anŭ, madad batuh anŭ di rubang kubur; ka ngara bada kada soldadu jaga.

JOHN 3:33

Pak daya adi sabah pinganang-I mbŭh natu so dieh nang Tapa agi sawŭ.

JOHN 6:27

Dŭhnyah gruwŭn pinguman adi bisa bangŭs, pak gruwŭn pinguman adi nggen udip adi sawŭ adi tan adu adu. Anŭ inŭh pinguman adi Anak Manusia nggen di angān, sabab Tapa adi Sama, mbŭh nggen di Ayŭh hak ngga ndai simŭnŭ.”

2 CORINTH 1:22

adi ko na tandā adŭp-I di ata yŭn adŭp-I dapu, ka mbŭh ngisi atin ta ngga Roh Kudus da jadi jamen sopŭrŭg anŭ adi-I mbŭh sidia yŭn ta.

EPHESUS 1:13

Ka angān gŭh jadi bara daya adi Tapa mbŭh mien kan angān mbŭh dingah agah pasar ajar adi sawŭ, anŭ inŭh Agah Kana adi taban pinyiramat ka angān. Angān sabah di Kristus, ka Tapa, ngga-I kiren angān mbŭh tung adŭp-I, mbŭh nandā angān ngga Roh Kudus adi-I ko bijanji an nggen.

EPHESUS 4:30

Ka dŭhnyah bada Roh Kudus susah; amai Roh Kudus inŭh tandā angān mbŭh daya Tapa, adi jamen Andu re mandŭg adi ngga Tapa re nggen pinyirupas di angān.

DITRONOMI 32:34

“TUHAN ingat kayuh adi pinganyu ngara mbŭh ndai; Ayŭh kajŭn tipuh adi batur ngga-I ngukum ngara.

JOSHUA 18:9

Jadi ngara matak ka kudak ndi abong abong tarun tana anŭ, ka nuris munki ngara kutung tarun tana anŭ nyikiju, buang nuris susud kupo kupo. Komŭnŭ ngara pari ka yŭn Joshua di yŭn bibari di Shiloh.

PINANDŬNG 7:2

Ka aku kiris agi dinge malaikat mandŭg so timor taban tandā pakai Tapa adi udip ngga nandā daya. Ayŭh bagan ngga sirŭŭn bana pat naan malaikat anŭ adi Tapa ko nggen kuasa ngga pirabur ong ka rawŭt.

PINANDŬNG 9:4

Kadis kadis anŭ dog kidaan da dŭh pirusak uduh puan kah tŭngŭn tŭngŭn kayuh, puan kah tadŭ tadŭ kayuh adi agi timbu. Kadis kadis anŭ bisa pijera daya adi dŭh biyŭn tandā so Tapa di arŭ ngara.

RUTH 4:1

Boaz di ka tarun adi yŭn daya tikuruk di tiban-bās kupo ka guru diginŭ. Komŭnŭ madis Elimelech adi rabis sindŭk, daya adi Boaz muko nyabŭt, agi murah, ka Boaz bagan ayŭh, “Mandŭg kamati, jerā ku, ka sua guru.” Ka ayŭh mandŭg ka sua guru.