JEREMIAH 31:8 - Hakcipta - Biatah Bidayuh

⁸ Aku re taban ngara so utara ka nguruk ngara so bŭngŭn bŭngŭn ong. Adi karak ngga adi bajang re mandŭg ngga ngara, dayung adi bite ngga ngara adi re biranak. Ngara re pari jadi ndi tibande bangsa.

JEREMIAH 31:8 ပူးပေါင်းရင်းမြစ်များ

MAZMUR 107:3

ka mbŭh taban angān pari so rais tami, so timor ngga barat, so utara ngga siratan.

MAZMUR 65:5

Kaam nam kieh ka nggen pimanang di kieh ka Kaam mbŭh ndai pingandai saruh ngga nyiramat kieh. Daya di ndi ong ong samŭn adi jeh mutas rawŭt adi jo sabah di Kaam.

MAZMUR 98:3

Ayŭh sita janji-I yŭn daya Israel ngga stabi ka ngga pinyirindu-I di ngara, adi dŭh bisa birubah. Sopŭrŭg daya di barang yŭn mbŭh kiris pimanang Tapa ta.

ISAIAH 40:11

Ayŭh re kingat daya-I mun pingingat-biri; Ayŭh re nguruk bada tikuruk anak anak biri ka puko ngara ngga tangan; Ayŭh re nakit nguru sindŭ ngara.

ISAIAH 42:16

“Aku re nguru daya karak di aran adi bŭn ngara kadŭg. Aku re bada karŭm ngara jadi jawa ka pirata aran adi nyurok mugu yŭn ngara. Anŭ inŭh janji Ku, ka Aku re batur batur sita-i.

ISAIAH 43:6

Aku re kidaan di rais di utara bada pirupas ngara ka rais di siratan bada dŭh bitan ngara. Tandah daya Ku mari so rais rais adi jo, so barang parad di ong.

ISAIAH 45:22

“Marik pimudip ngan pari ka Aku madin, angān daya di ndi ong ong, isa angān dog nyiramat! Ripas so Aku, mating adi bŭkŭn.

ISAIAH 52:10

TUHAN re pakai kuasa kudus-I; Ayŭh re nyiramat daya-I, ka sopŭrŭg daya di ong re kiris-i.

JEREMIAH 16:15

Pak, ngara re bipayu pakai adŭn Ku, Tapa adi udip, adi taban daya Israel ruah so tarun tana di utara ka so sopŭrŭg rais adi bŭkŭn adi yŭn Aku bada ngara papar sasah. Aku re taban ngara ngga pari ka rais adŭp ngara, ka tarun tana adi Aku nggen di tayung-babuk ngara. Aku, adi TUHAN, mbŭh minyu.”

JEREMIAH 23:3

Aku re nguruk daya Ku adi bŭkŭn so rais rais adi yŭn Ku mbŭh bada ngara papar sasah, ka Aku re taban ngara ngga pari ka tarun tana rais adŭp ngara. Ngara re biyŭn bagŭ anak ka re bitambah bagŭ.

JEREMIAH 23:8

Pak, ngara re bipayu pakai adŭn ku, Tapa adi udip, adi taban daya Israel ngga ruah so tarun tana utara ka so sopŭrŭg tarun tana rais adi bŭkŭn di yŭn Ku bada ngara papar sasah. Komŭnŭ ngara re rŭŭ di tarun tana adŭp ngara.”

JEREMIAH 29:14

Sawŭ, Aku nang, angān re dapŭd Aku, ka Aku re pari angān ka tarun tana adŭp ngan. Aku re nguruk angān so barang rais ka so barang tarun yŭn adi yŭn Ku ko bada angān papar sasah, ka Aku re taban angān pari ka rais asar ngan. Aku, adi TUHAN, mbŭh minyu.’

JEREMIAH 3:12

Ayŭh bada aku di ka nang di Israel, “Israel adi dŭh tŭtŭd, pari ka Aku. Aku an apun ka dŭh re baji; Aku dŭh re adu adu baji di kuu.

JEREMIAH 3:18

Israel re jadi ndi ngga Judah, ka samah ngara re mandŭg so rais adi yŭn ngara dog taran ka pari ka tarun tana adi Aku mbŭh nggen di tayung-babuk ngara ndu bisaka.”

EZEKIEL 20:34

Aku re kiren di angān kuasa ngga baji Ku kan Aku nguruk angān ka taban angān pari so sopŭrŭg rais di yŭn ngan mbŭh papar sasah.

EZEKIEL 20:41

Ripas Aku taban angān ngga ruah so rais rais di yŭn ngan papar sasah ka nguruk angān, Aku re trima sadis adi angān badang, ka bangsa bangsa re kiris Aku ati kudus.

EZEKIEL 34:12

nimun pingingat-biri kingat biri ngara adi mingare ka dog nguruk dinge. Aku re taban ngara ngga pari so barang yŭn di yŭn ngara mbŭh mingare di andu adi karŭm ka adi arap anŭ.

EZEKIEL 34:13

Aku re tambit ngara so rais rais tami, nguruk ngara, ka taban ngara pari ka tarun tana adŭp ngara. Aku re nguru ngara pari ka darŭd darŭd ngga anak anak sungi di Israel ka re paan ngara di tarun tana kupai adi barŭm.

EZEKIEL 34:16

“Aku re jiroh ngara adi manyap, taban pari ngara adi miriseu, marut ngara adi tawan, pibua ngara adi mandam; pak ngara adi gamu buang bake Aku re pirabur, sabab Aku ati pingingat-biri adi ndai kayuh adi batur.

MICAH 4:6

“Tika-i re mandŭg,” nang TUHAN, “kan Aku re nguruk bara daya adi Aku ngukum, ngara adi mbŭh sangsara darŭm dog taran ka rais tami.

ZEPHANIAH 3:19

Tika-i re mandŭg! Aku re ngukum ngara adi kinanyuh kuu; Aku re nyiramat sopŭrŭg adi bajang ka taban pari ngara adi dog taran ka rais tami. Aku re bada daya stabi di ngara, ka di ndi ong ong daya re muji ngara.

ZECHARIAH 2:6

TUHAN nang di daya-I, “Aku bada angān papar sasah di barang yŭn. Pak madin, angān daya adi dog taran ka rais tami, bu so Babylonia ka pari ka Jerusalem.

MATTHEW 12:20

Ayŭh dŭh re mata tŭngŭn reed adi miringe, bait mura prita adi bŭrŭp bŭrŭp, Ayŭh re bijijŭ ndŭg ka-I mbŭh bada pinyitŭnggŭn manang,

JOHN 21:15

Kan ngara muko man, Jesus nang di Peter, “Simon anak John, rabis dŭ kah pinyirindu mu di Aku so pinyirindu ngara ati di Aku?” “Rabis, Tuhan,” ayŭh nam, “Kaam puan aku rindu Kaam.” Jesus nang di ayŭh, “Sita bara anak biri Ku.”

1 CORINTH 8:10

Nyamtadar-i ndi naan daya adi ramah pikir-kira atin-i kiris angān adi biyŭn “pinyipuan,” man di bari-sambah tibudo; dŭh kah urah ngan anŭ re ngatat ayŭh da man pinguman adi ko dog jugan ka tibudo?

DITRONOMI 30:4

Sunggu kambŭi angān papar sasah jeh ndŭg bŭngŭn ong, TUHAN adi Tapa ngan re nguruk angān ka taban angān ngga pari,

1 THESSALONICA 5:14

Kieh ngasu angān, bara dingan, bakan ngara adi tibanga, mirasang ngara adi pinakut, turung ngara adi ramah, ka sabar ngga barang naan daya.

HEBREW 12:12

Pakat meh tangan ngan adi ramah, ka nyibake karŭb ngan!

HEBREW 4:15

Imam Bās ta ati, dŭh-I dŭh biyŭn pinyirasi di pinyiramah ta. Ayŭh inŭh Imam Bās ta, adi ko dog pinyisuba darŭm bagŭ masam kayuh mun adŭp ta, pak dŭh-I bidosa.