JEREMIAH 31:7 - Hakcipta - Biatah Bidayuh

⁷ TUHAN nang, “Biragu ngga gaŭn yŭn Israel, bangsa adi siabo bās. Nang ragu puji ngan, ‘TUHAN mbŭh nyiramat daya-I; Ayŭh mbŭh nyiramat sopŭrŭg adi dŭm.’

JEREMIAH 31:7 ပူးပေါင်းရင်းမြစ်များ

MAZMUR 106:47

Nyiramat kieh, O TUHAN Tapa ami, ka taban kieh pari so dupan dudu bangsa, isa kieh bisa nggen trima kaseh ka muji adŭn kudus Mai.

MAZMUR 126:2

Munki masam-i ata tawŭh, munki masam-i ata biragu gaŭn! Komŭnŭ bangsa bangsa bŭkŭn nang pasar ata, “TUHAN ndai pingandai bās yŭn ngara.”

MAZMUR 14:7

Aku bidua mite pimanang mandŭg ka Israel so Zion. Munki masam gaŭn inŭh daya Israel re kan TUHAN bada ngara mujur dinge!

MAZMUR 28:9

Nyiramat daya Mai, TUHAN, ka nyiberkat ngara adi tung jamai. Jadi pingingat ngara, ka kingat ngara adu adu.

MAZMUR 67:1

Tapa, masi di kieh ka nyiberkat kieh; tingga kieh ngga mandis,

MAZMUR 69:35

Ayŭh re nyiramat Jerusalem ka pari pijog kupo kupo Judah. Bara daya-I re rŭŭ diginŭ ka dapu tana anŭ;

ISAIAH 1:9

Kambŭi TUHAN adi Bisa-pŭrŭg dŭh bada kada daya dŭm, Jerusalem mbŭh rabur, mun Sodom ngga Gomorrah.

ISAIAH 11:11

Kan andu anŭ mandŭg, TUHAN re pakai dinge kuasa-I ngga taban pari daya-I adi dŭm di Assyria ngga Egypt, di tarun tana Pathros, Ethiopia, Elam, Babylonia, ngga Hamath, ka di tarun tana di bŭngŭn rawŭt ngga di purau purau di rawŭt.

ISAIAH 37:31

Ngara di Judah adi babŭ udip re keya ka anak kayuh-udip adi piruat tŭrŭp ka piruah buwa.

ISAIAH 37:4

Raja-empaya Assyria mbŭh pait pingubak soldadu-i adi siabo bās pangkat-i bada ngamun Tapa adi udip. Isa-i TUHAN adi Tapa mai dingah pinganang ngamun anŭ ka ngukum ngara adi nang-i. Jadi bidua ka Tapa yŭn daya ta adi gibabŭ udip.”

ISAIAH 44:23

Nyirais amai gaŭn, angān rangit! Nyirais, tarun yŭn adi tŭrŭp darŭm tana! Nyirais amai gaŭn, darŭd, ka barang tŭngŭn kayuh di tuān! TUHAN mbŭh kiren bās-I darŭm-I nyiramat daya-I Israel.

ISAIAH 52:8

Ngara adi jaga kupo mbŭh nyirais, samah nyirais ngga gaŭn! ngara dapŭd kiris ngga batŭh adŭp ngara pinyipari TUHAN ka Zion!

ISAIAH 61:9

Ngara re timagah di dupan bangsa bangsa; barang naan adi kiris ngara re puan nang ngara daya adi Aku mbŭh mien.”

JEREMIAH 20:13

Biragu meh yŭn TUHAN! Muji TUHAN! Ayŭh nyiramat daya adi dog kinanyuh so kuasa daya adi arap.

JEREMIAH 23:3

Aku re nguruk daya Ku adi bŭkŭn so rais rais adi yŭn Ku mbŭh bada ngara papar sasah, ka Aku re taban ngara ngga pari ka tarun tana rais adŭp ngara. Ngara re biyŭn bagŭ anak ka re bitambah bagŭ.

JEREMIAH 3:23

Sambah adat karŭm ami di tibung tibung sandah inŭh au-tarun. Pinurung yŭn Israel kaŭs-i mandŭg so TUHAN adi Tapa ami.

JEREMIAH 31:12

Ngara re mandŭg ka biragu ngga gaŭn di Sandah Zion angan pinganggen so Aku — pinganggen gandom ka wain ka inyo kanā, pinganggen biri ngga sapi sapi. Ngara re keya ka teya adi biyŭn sukup piin; ngara re biyŭn sopŭrŭg kayuh adi ngara biguna.

PUĀS 1:1

Munki masam maput-i Jerusalem, adi ko dawŭ-i puno ngga daya! Ko dawŭ-i dog stabi ndi ong ong, pak madin mbŭh mun dayung uban; kupo kupo adi ko bibragah madin mbŭh mun urun.

EZEKIEL 6:8

“Aku re tandah kada so ngara pirupas adŭp-i so dog siŭ ka papar sasah di dupan bangsa bangsa,

HOSEA 1:7

Pak Aku re masi di daya Judah. Aku, adi TUHAN Tapa ngara, re nyiramat ngara, pak Aku dŭh re nyiramat ngara pakai perang, pedang bait bawŭh ka reja-panah, bait pakai kuda ngga pinunggang kuda.”

JOEL 2:32

Pak sopŭrŭg daya adi mite turung so TUHAN re siramat. Nimun adi ko TUHAN nang, ‘Kada di Jerusalem re pirupas adŭp ngara; ngara adi Aku mien re siramat.’ ”

AMOS 5:15

Tiru di kayuh adi arap, rindu di kayuh adi batur, ka bada pinyitŭnggŭn mujur di tarun yŭn bisara. Kadŭ TUHAN re masi di daya Israel adi gibabŭ udip.

MICAH 2:12

“Pak Aku re nguruk angān, sopŭrŭg ngan daya Israel adi dŭm. Aku re taban angān keya ka biri pari ka darŭm kandang. Keya ka tarun tana kupai adi puno ngga dudu biri, tarun tana ngan re puno dinge bada bara daya.”

MICAH 7:18

Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

ZEPHANIAH 2:9

Ngga adŭn Ku TUHAN adi udip, adi Tapa Israel, Aku bipayu Moab ngga Ammon re dog pirabur mun Sodom ngga Gomorrah. Rais rais anŭ re jadi tarun yŭn prigi garo ka adu adu jadi tibawang, adi mbŭh birasu ngga uduh. Bara daya Ku adi babŭ udip re pirinda ngara ka sirapas tana ngara.”

ROME 11:5

Kayuh babŭ mun anŭ gŭh madin: agi dŭm tibaran adi siit adi Tapa mbŭh mien sabab pinyirasi mandis-I.

ROME 9:27

Ka Isaiah minyu pasar Israel: “Sunggu bagŭ mun sirah sumat di bŭngŭn rawŭt bait kani daya Israel, nisŭ adŭ so ngara re dog nyiramat;

DITRONOMI 28:13

TUHAN adi Tapa ngan re bada angān jadi pinguru di dupan sopŭrŭg bangsa, ka dŭh jadi pinunda; angān re ari mujur ka bŭn re rabu kambŭi angān tŭtŭd tunda sopŭrŭg pinyipesan-I adi aku nggen di angān andu ati.

DITRONOMI 32:43

“O bangsa bangsa, angān dŭh siŭn dŭh muji daya TUHAN. Ayŭh ngukum sopŭrŭg daya adi siŭ ngara; Ayŭh maras bara pinganyu-I ka apun dosa daya-I.”