JEREMIAH 31:5 - Hakcipta - Biatah Bidayuh

⁵ Angān re pari ndai teya anggor di sandah sandah Samaria, ka ngara adi purun-i re man ani ani adi teya anggor anŭ piruah.

JEREMIAH 31:5 ပူးပေါင်းရင်းမြစ်များ

MAZMUR 107:37

Ngara biteya ka purun anggor ka dapŭd pingatŭm adi kana.

JEREMIAH 32:15

TUHAN Bisa-pŭrŭg, adi Tapa Israel, mbŭh minyu nang ramin ramin, ŭmŭh ŭmŭh, ka teya teya anggor re dog miris dinge di rais ati.”

EZEKIEL 28:26

Ngara re rŭŭ diginŭ ngga siramat. Ngara re pijog ramin ramin ka ndai teya anggor. Aku re ngukum sopŭrŭg rasū ngara adi ko ngamun ngara, ka Israel re udip darŭm pagŭng. Ka ngara meh re puan nang Aku ati TUHAN adi Tapa ngara.”

EZEKIEL 36:8

Pak tŭngŭn tŭngŭn kayuh di darŭd darŭd Israel re pari pidawŭn ka buān yŭn ngan, daya Ku Israel. Angān re rikas mari.

AMOS 9:14

Aku re taban daya Ku pari ka tarun tana ngara. Ngara re pari pijog kupo kupo ngara adi mbŭh nyibawang ka rŭŭ diginŭ; ngara re ndai teya anggor ka nok wain; ngara re biteya birŭmŭh ka man kayuh adi ngara purun.

OBADIAH 1:19

“Daya so siratan Judah re ngisi Edom; ngara adi so sigŭn sandah parad ka barat re sirabut Philistia; Israel re dapu tarun tana Ephraim ngga Samaria; daya Benjamin re tambit Gilead.

MICAH 1:6

Jadi TUHAN nang, “Aku re bada Samaria jadi tugung rakang tibawang di sapa rais, tarun yŭn daya ndai teya anggor. Aku re taran rakang tibawang anŭ ka darŭm rubān, ka re bada pinagap rasan-i tatŭng dog kiris.

MICAH 4:4

Sopŭrŭg daya re udip darŭm damai di teya anggor ngga di risŭn ara ngara, ka mating daya re pitaru ngara. Anŭ inŭh kayuh adi TUHAN mbŭh janji.

ZECHARIAH 3:10

Kan andu anŭ mandŭg, barang naan angān re bagan rasū ngan bada mandŭg ka sua kinyam damai ngga pinyipagŭng, dog kirurung teya anggor ngga tŭngŭn tŭngŭn ara ngan.”

DITRONOMI 20:6

Agi kah daya digiti adi muran ko ndai teya anggor-i, pak gibayuh tungang ngatŭm buwa-i? Kambŭi agi, ayŭh siŭn mari ka arŭn-i. Amai sibia ayŭh kabŭs darŭm perang, daya bŭkŭn meh re dapŭd utung so buwa anŭ.

DITRONOMI 28:30

“Angān re bitunang ngga dayung adi mara, pak daya bŭkŭn re sawŭn ayŭh. Angān re pijog ramin, pak re rangun dŭh rŭŭ dieh. Angān re ndai teya anggor pak re rangun dŭh man buwa-i.

1 SAMUEL 21:5

“Taŭn ngara gi-mating nyibŭŭs ngga dayung,” David nam. “Daya ku ari bada adŭp ngara bisig nanyam ka adat, ka di tika ngara panu ndai kraja biasa ani. Jung meh madin amai matak di ndai kraja adi raru raru biguna, kieh pijo adŭp ami so dayung!”