JEREMIAH 31:3 - Hakcipta - Biatah Bidayuh

³ Aku nandŭng di ngara so jo. Daya Israel, Aku ari rindu angān, jadi Aku re kiren di angān pinyirindu Ku adi dŭh bisa birubah.

JEREMIAH 31:3 ပူးပေါင်းရင်းမြစ်များ

1 RAJA 10:9

Puji ka TUHAN adi Tapa mu! Ayŭh mbŭh kiren munki masam munos asŭng-I di kuu; ngapŭi meh Ayŭh mbŭh bada kuu jadi raja Israel. Sabab pinyirindu-I di Israel tan adu adu, Ayŭh mbŭh bada kuu jadi raja isa kuu dapŭd pimanu ukum-adat ngga pinyitŭnggŭn.”

MAZMUR 103:17

Pak di ngara adi stabi di TUHAN, pinyirindu-I tan ndŭg situi tui, ka pinyikana-I tan adu adu yŭn sopŭrŭg turap

MAZMUR 25:6

Ingat, O TUHAN, mandis Mai ka pinyirindu Mai adi dŭh bisa birubah adi Kaam mbŭh kiren so jah.

RAGU 1:4

Taban aku, ka ata duwŭh bikaduh bu; jadi raja ku ka taban aku ka birit mu. Ata re gaŭn udip samah, kubo nok, ka ata rŭ rŭ darŭm pinyiawang. Patut inŭh meh sopŭrŭg dayung awang kuu!

ISAIAH 43:4

Aku re nyerah ndi bangsa bangsa ngga nyiramat asŭng mu, sabab kuu brega yŭn Ku ka sabab Aku rindu kuu ka katuh kuu.

ISAIAH 45:17

Pak Israel dog nyiramat TUHAN, ka pimanang-i tan adu adu; daya-I re dŭh dog pimangŭh.’ ”

ISAIAH 49:14

Pak daya Jerusalem nang, “TUHAN mbŭh tagan ata! Ayŭh mbŭh kambŭt ata.”

HOSEA 11:1

Ka TUHAN nang, “So Israel gibabŭ sŭ, Aku mbŭh rindu ayŭh, ka bagan ayŭh, anak Ku, bada ruah so Egypt.

HOSEA 11:4

Aku nyindŭk ngara ngga pinyirindu ka masi. Aku tunduk ngara ka sium ngara; Aku mutu ka nggen man di ngara.

MALACHI 1:2

TUHAN nang di daya-I, “Aku taŭn ari rindu angān.” Pak ngara nam, “Munki Kaam rindu kieh?” TUHAN nam, “Esau ngga Jacob bijurud, pak Jacob ngga bara sesang-i Aku rindu,

ROME 8:30

Ka ngara adi Tapa ko nyidŭrŭ, Ayŭh bagan; ka ngara adi-I bagan, Ayŭh bada bamai ngga adŭp-I, ka samah bragah-I ngga ngara.

ROME 9:13

Sak adi nang Surat-kudus, “Aku rindu Jacob, pak aku tiru di Esau.”

DITRONOMI 10:15

Pak pinyirindu TUHAN di tayung-babuk ngan taŭn raru tagap ndŭg ka Ayŭh mien dŭh daya bŭkŭn pak angān bada jadi daya-I, ka angān taŭn babŭ daya adi-I mbŭh mien.

DITRONOMI 33:26

Angān daya Israel, mating tapa bŭkŭn re mun Tapa ngan, panu darŭm bragah mutas rangit, panu tambus abun di turung angān.

DITRONOMI 33:3

TUHAN rindu daya-I ka grindung ngara adi-I dapu. Sabab anŭ meh ata sidikang di kaja-I ka tunda pinyipesan-I.

DITRONOMI 4:37

Sabab Ayŭh rindu tayung-babuk ngan, Ayŭh mien angān, ka ngga kuasa-I adi bās Ayŭh mbŭh taban angān ngga ruah so Egypt.

2 TIMOTHY 1:9

Ayŭh mbŭh nyiramat buang mbŭh bagan ata da jadi daya-I, dŭh sabab kayuh adi ko ta ndai, pak sabab pinŭtŭn ngga pinyirasi-mandis adŭp-I. Ayŭh mbŭh, ngga Kristus Jesus, nggen di ata pinyirasi mandis-I diŭ so ong dog napa,

JAMES 1:18

So ka pinyiraan adŭp-I Ayŭh mbŭh napa ata ngga pinganang-I adi sawŭ, isa ata bisa jadi numbor ndi di dupan sopŭrŭg adi-I ko napa.

1 PETER 1:3

Ja ata nggen trima kaseh di Tapa ngga Sama Tuhan ta Jesus Kristus! Sabab masi-I adi bās Ayŭh mbŭh nggen di ata udip bauh darŭm-I pakat Jesus Kristus so kabŭs. Kayuh ati nggen di ata pingarap adi udip.

1 JOHN 4:19

Ata rindu sabab Tapa diŭ rindu ata.