JEREMIAH 30:5 - Hakcipta - Biatah Bidayuh

⁵ “Aku dingah sirais daya taru, sirŭŭn taru ka dŭh sirŭŭn udip darŭm damai.

JEREMIAH 30:5 ပူးပေါင်းရင်းမြစ်များ

ISAIAH 5:30

Kan andu anŭ mandŭg, ngara re ngāb bana sak jawŭn girumbang di rawŭt, darŭm ngara nyerang Israel. Tingga meh, ndi rais rais anŭ dog marut karŭm ngga pinyusah! Jawa dog tŭrŭn karŭm!

ISAIAH 59:11

Ata mbŭh taru buang susah. Ata gruwŭn Tapa nyiramat ata so udip adi dog kinanyuh ka so kayuh adi sarah, pak mating ani ani jadi.

JEREMIAH 12:12

Di ndi tarun tana-pajam darŭd daya mbŭh mandŭg di pirinda. Aku mbŭh pait perang bada pirusak ndi tarun tana; mating daya dapŭd udip darŭm damai.

JEREMIAH 25:36

Angān nyidaing buang sien darŭm susah sabab TUHAN darŭm baji-I mbŭh pirabur bangsa ngan, ka rais ngan adi darŭm damai Ayŭh nyirubuh.

JEREMIAH 30:4

TUHAN nang di daya Israel ngga di daya Judah:

JEREMIAH 46:5

“Pak ani meh kiris Ku?” TUHAN siken. “Ngara mbŭh sikanang amai tikaran. Bara soldadu ngara mbŭh ngundur; raru taru, ngara bikaduh ngga situngang tungang ngara buang dŭh kimat punok.

JEREMIAH 6:22

TUHAN nang, “Daya re mandŭg so ndi rais di utara; bangsa adi bikuasa adi jo mbŭh sidia yŭn biperang.

JEREMIAH 6:26

TUHAN nang di daya-I, “Kasŭk banang guni ka gurai adŭp ngan di apŭk. Bandar bandar muās mun angān muās anak tambŭ dari ngan, sabab sianŭ adi mandŭg di pirabur angān re gŭgŭh nyerang.

JEREMIAH 8:16

Pinganyu ta mbŭh agi darŭm kupo Dan; ata dingah jawŭn so udung kuda ngara. Ndi tarun tana bigagar kan kuda ngara jawŭn. Pinganyu ta mbŭh mandŭg di pirusak tarun tana ta samŭn sopŭrŭg kayuh darŭm-i, kupo ta ka sopŭrŭg daya adi darŭm-i.”

JEREMIAH 8:19

Dingah! Di ndi tarun tana rais aku dingah daya ku nyirais nang, “Mbŭh mating kah TUHAN di Zion? Mbŭh mating kah raja Zion diginŭ?” TUHAN, adi raja ngara, nam, “Mani angān kinuas Aku ngga pingandai ngan adi nyambah tibudo ka mutu ubak ngan ka tapa tapa saruh adi dŭh biguna?”

JEREMIAH 9:19

Dingah sak jawŭn sien di Zion, “Kieh mbŭh asur! Kieh mbŭh batur batur dog pimangŭh! Kieh dŭh siŭn dŭh bu so tarun tana ami; ramin arŭn ami mbŭh rubuh.”

AMOS 8:10

Aku re bada andu gawai ngan jadi andu nyikubur ka bada ragu pawŭn ngan jadi ragu puās. Aku re bada angān gumbak ubok ngan ka nēn banang guni, ka angān re mun pimas ngurid anak tambŭ-i. Andu anŭ re pa'it ndŭg pinŭbŭn-i.

HABAKKUK 1:10

Ngara ngamun raja raja ka tawŭh bara pinurung pritah adi baga pangkat. Mating kuta tungang bitan ngara. Ngara nugung tana di sindung kuta ka sirabut-i.

HABAKKUK 1:6

Aku re bada daya Babylonia bikuasa, ngara adi mangah ka girungos. Ngara baris di ndi ong ong nyerang rais rais bŭkŭn.