JEREMIAH 30:18 - Hakcipta - Biatah Bidayuh

¹⁸ TUHAN nang, “Aku re pari daya Ku ka tarun tana ngara ka re masi di barang rawang; Jerusalem re pari dog pijog, ka istana-i dog nyurat.

JEREMIAH 30:18 ပူးပေါင်းရင်းမြစ်များ

1 KRONIKEL 29:1

Raja David kidaan di bara daya bagŭ anŭ: “Anak ku Solomon inŭh adi Tapa mbŭh mien, pak ayŭh gibabŭ mara buang kurang pinyipuan. Kraja adi re dog ndai inŭh kraja bās, amai-i dŭh istana yŭn manusia pak ramin yŭn TUHAN Tapa.

1 KRONIKEL 29:19

Nggen di anak ku Solomon atin adi sukup raan tunda pinganang Mai ka pijog ramin simayang ati pakai sopŭrŭg kayuh adi mbŭh aku sidia ati.”

NEHEMIAH 7:4

Jerusalem inŭh kupo adi bayah, pak dŭh bagŭ daya rŭŭ dieh, ka gibayuh bagŭ ramin dog pijog dieh.

MAZMUR 102:13

Kaam re makat ka masi di Zion; tika mbŭh mandŭg adi ngga Mai masi dieh; ati inŭh tika adi batur ngga Mai ndai simŭnŭ.

MAZMUR 102:14

Urun urun Mai rindu-i, sunggu-i mbŭh dog nyirubuh; ngara masi dieh, sunggu-i mbŭh jadi tibawang.

MAZMUR 122:7

Isa-i udip bamai agi darŭm kuu ka udip pagŭng darŭm istana mu.”

MAZMUR 48:13

pirati sindung sindung samŭn piruh dudu kuta, isa angān bisa kidaan di turap adi re:

MAZMUR 48:3

Tapa mbŭh kiren nang pinyipagŭng agi ngga Ayŭh di darŭm kuta kupo anŭ.

MAZMUR 78:69

Diginŭ Ayŭh pijog Ramin-I mun yŭn pinyirŭŭ-I di shorga; Ayŭh bada-i tagap mun ong, pagŭng yŭn adu adu.

MAZMUR 85:1

TUHAN, Kaam mbŭh masi di tarun tana Mai; Kaam mbŭh bada Israel pari mujur.

ISAIAH 44:26

Pak kan urun Ku ninjau, kan Aku pait pinyisung bada pinandŭng atur kraja Ku, Aku bada atur kraja ngga pininjau anŭ jadi bitŭtŭk. Aku kidaan di Jerusalem nang daya re pari rŭŭ diginŭ, ka kupo kupo Judah re pari dog pijog. Kupo kupo anŭ re makat so tugung rakang tibawang.

ISAIAH 44:28

Aku nang di Cyrus, ‘Kuu inŭh adi re mritah yŭn Ku; kuu re ndai kayuh adi Aku raan kuu ndai: kuu re nggen ukum bada Jerusalem dog pari pijog ka na pinagap-rasan Ramin TUHAN.’ ”

JEREMIAH 23:3

Aku re nguruk daya Ku adi bŭkŭn so rais rais adi yŭn Ku mbŭh bada ngara papar sasah, ka Aku re taban ngara ngga pari ka tarun tana rais adŭp ngara. Ngara re biyŭn bagŭ anak ka re bitambah bagŭ.

JEREMIAH 29:11

Aku sadi adŭ puan atur adi Aku biyŭn yŭn ngan, atur an taban ka angān pimudip mujur, dŭh pinyirusag, atur adi taban tipuh adi re, adi angān harap.

JEREMIAH 29:14

Sawŭ, Aku nang, angān re dapŭd Aku, ka Aku re pari angān ka tarun tana adŭp ngan. Aku re nguruk angān so barang rais ka so barang tarun yŭn adi yŭn Ku ko bada angān papar sasah, ka Aku re taban angān pari ka rais asar ngan. Aku, adi TUHAN, mbŭh minyu.’

JEREMIAH 30:3

sabab tika-i re mandŭg adi ngga Aku pari daya Ku, Israel ngga Judah. Aku re taban ngara ngga pari ka tarun tana adi Aku mbŭh nggen di tayung-babuk ngara; ngara re pari dapu-i. Aku, adi TUHAN, mbŭh minyu.”

JEREMIAH 31:23

TUHAN Bisa-pŭrŭg, adi Tapa Israel, nang, “Kan Aku pari daya Ku ka tarun tana ngara, ngara re pari nang darŭm tarun tana Judah ka darŭm kupo kupo, ‘Isa-i TUHAN nyiberkat sandah kudus Jerusalem, yŭn kudus di yŭn-I rŭŭ.’

JEREMIAH 31:38

“Tika-i re mandŭg,” nang TUHAN, “kan ndi tarun tarun Jerusalem pari dog pijog jadi kupo Ku, so Tawā Hananel Barat ndŭg Tiban Sikuh.

JEREMIAH 31:4

Aku re pari pijog angān. Angān re pari tambit tamburin ngan ka birajang ngga gaŭn.

JEREMIAH 31:40

Ndi tarun tarun rubān anŭ, di yŭn tadang daya dog kubur ka sapok dog taran, ka sopŭrŭg ŭmŭh di sambu sungi Kidron jeh ndŭg Tiban Kuda ndŭg timor, re dog nitah yŭn Ku. Kupo anŭ re dŭh tia dog pirusak bait dog pirabur.”

JEREMIAH 32:15

TUHAN Bisa-pŭrŭg, adi Tapa Israel, mbŭh minyu nang ramin ramin, ŭmŭh ŭmŭh, ka teya teya anggor re dog miris dinge di rais ati.”

JEREMIAH 32:44

Daya re miris-i, ka surat surat adat-bibiris re dog na tandā tangan dieh, dog matis, ka dog nyaksi daya bagŭ. Kayuh anŭ re jadi di utung tarun tana Benjamin, di anak anak kupo maning Jerusalem, di kupo kupo Judah, ka di kupo kupo di rais tarun tana sandah, di sigŭn sigŭn sandah, ka di siratan Judah. Aku re pari bangsa ati ka rais ngara. Aku, adi TUHAN, mbŭh minyu.”

JEREMIAH 33:11

sirais gaŭn ngga pawŭn ka jawŭn rami gawai banan sawan. Angān re dingah daya biragu darŭm ngara taban pinganggen trima kaseh ka Ramin Ku; ngara re nang, ‘Nggen trima kaseh di TUHAN Bisa-pŭrŭg, sabab Ayŭh kana ka pinyirindu-I tan adu adu.’ Aku re bada tarun tana ati mujur mun dawŭ-i. Aku, adi TUHAN, mbŭh minyu.”

JEREMIAH 33:7

Aku re bada Judah ngga Israel mujur, ka Aku re pari pijog ngara bada mun adi dawŭ-i.

JEREMIAH 46:27

“Daya Ku, dŭhnyah taru, angān daya Israel, dŭhnyah tikaran. Aku re nyiramat angān so rais adi jo anŭ, so rais adi yŭn ngan jadi daya-takap. Angān re mari ka udip darŭm damai; angān re udip pagŭng, ka mating daya re bada angān taru.

JEREMIAH 49:39

Pak ripas anŭ Aku re bada daya Elam pari mujur. Aku, adi TUHAN, mbŭh minyu.”

JEREMIAH 49:6

“Pak sundis andu Aku re bada Ammon pari mujur. Aku, adi TUHAN, mbŭh minyu.”

EZEKIEL 36:11

Aku re bada kiang daya ngga dāng kudip ngan bitambah. Angān re rabis bagŭ so adi mbŭh, ka angān re biyŭn bagŭ anak. Aku re bada angān rŭŭ diginŭ mun dawŭ-i, ka Aku re bada angān rabis mujur so adi mbŭh. Nŭ angān re puan nang Aku ati TUHAN.

AMOS 9:14

Aku re taban daya Ku pari ka tarun tana ngara. Ngara re pari pijog kupo kupo ngara adi mbŭh nyibawang ka rŭŭ diginŭ; ngara re ndai teya anggor ka nok wain; ngara re biteya birŭmŭh ka man kayuh adi ngara purun.

ZECHARIAH 1:12

Komŭnŭ malaikat anŭ nang, “Kaam adi Bisa-pŭrŭg TUHAN, Kaam mbŭh baji di Jerusalem ngga kupo kupo Judah sitŭkŭd ju puru sawa. Ndŭg sinde baji Mai anŭ ka sinde meh Kaam re apun ngara?”

ZECHARIAH 1:16

Jadi Aku mbŭh pari ka Jerusalem di kiren masi Ku di kupo anŭ. Ramin Ku re pari dog pijog, ka kupo anŭ re dog ndai bada pari kana.”

ZECHARIAH 12:6

“Di tika anŭ Aku re bada manak Judah mun apui di tuān bait mun apui di ŭmŭh gandom adi mbŭh masak. Ngara re pirabur sopŭrŭg bangsa adi maning ngara. Daya Jerusalem re siramat darŭm kupo.

ZECHARIAH 12:7

“Aku, adi TUHAN, re nggen pimanang di bara tibaran soldadu Judah diŭ, isa bragah adi sesang David ngga daya Jerusalem re trima dŭh bās dŭ so anŭ adi daya Judah adi bŭkŭn trima.

ZECHARIAH 14:10

Ndi abong abong utung tarun tana rais, so kupo Geba di parad ka utara ndŭg kupo Rimmon di parad ka siratan, re dog pirata. Jerusalem re bigatung so tarun tana adi maning-i; bayah kupo anŭ inŭh so Tiban Benjamin ndŭg Tiban Sikuh, di yŭn adi ko agi dawŭ-i tiban, ka so Tawā Hananel ndŭg tarun yŭn mŭ anggor adi raja dapu.