JEREMIAH 30:14 - Hakcipta - Biatah Bidayuh

¹⁴ Sopŭrŭg ambai ngan mbŭh kambŭt angān; ngara dŭh tia piduri angān. Aku mbŭh nyerang angān mun pinganyu; ukum ngan inŭh bat sabab dosa ngan raru bagŭ ka udip ginaka ngan mbŭh raru sipŭ.

JEREMIAH 30:14 ပူးပေါင်းရင်းမြစ်များ

JOB 16:9

Darŭm baji-I Tapa nyiratak aku; Ayŭh nyitŭrŭng aku ngga tiru.

JOB 19:11

Tapa baji ka magā di aku; Ayŭh ndai di aku keya ka aku ati pinganyu-I.

JOB 30:21

Kaam gaok ngga aku; Kaam kisiis aku ngga sopŭrŭg kuasa Mai.

MAZMUR 107:17

Kada budo, sangsara sabab dosa ngara ka sabab arap ngara;

ISAIAH 57:13

Kan angān bagan mite turung, bada tibudo tibudo ngan anŭ turung angān! Sopŭrŭg tibudo ngan anŭ re dog poh sabak! Pak ngara adi sabah di Aku re rŭŭ di rais ati ka nyambah Aku di Ramin Ku.”

JEREMIAH 14:17

TUHAN pesan aku bada kidaan di daya pasar pinyusah ku. Aku patut nang: “Isa-i randang batŭh ku pripasog ruah sandu ngga singarŭm, isa-i aku dŭh ko muās, amai daya ku mbŭh biragan ka mbŭh bana sangsara.

JEREMIAH 2:36

Kuu pirabu adŭp mu darŭm kuu tunda tapa tapa bangsa bŭkŭn. Kuu re asa bada Egypt, nimun Assyria ko piasa kuu.

JEREMIAH 22:20

Daya Jerusalem, di ka Lebanon ka nyirais, di ka tarun tana Bashan ka sien; bagan so darŭd darŭd Moab, sabab sopŭrŭg pambit ngan mbŭh dog ngarah.

JEREMIAH 22:22

Bara pinguru ngan re dog poh sabak, bara pambit ngan dog taban ngga bu jadi daya-takap darŭm perang, kupo ngan dog ngamun ka dog kinarap sabab sopŭrŭg pingandai arap ngan.

JEREMIAH 30:15

Dŭh tia ngadu pasar tawan ngan; angān dŭh dapŭd dog pibua. Aku ngukum angān simŭnŭ sabab dosa ngan raru bagŭ ka udip ginaka ngan mbŭh raru sipŭ.

JEREMIAH 32:29

ka badang-i. Ngara re badang-i ndŭg ka rŭpŭg, samŭn ramin ramin adi yŭn daya mbŭh bada Aku baji, anŭ inŭh badang kimanyan yŭn Baal di tibung ramin ka ren wain sadis yŭn tapa tapa bŭkŭn.

JEREMIAH 32:30

So sibungas dundan ngara jah, daya Israel ngga daya Judah mbŭh bada asŭng Ku dŭh munos ka mbŭh kinuas Aku ngga pingandai ngara.

JEREMIAH 32:34

Ngara tanŭ ka mbŭh na tibudo tibudo ngara adi sipŭ anŭ di Ramin Ku adi ngaŭn dog pijog yŭn nyambah Aku; ngara mbŭh nyembar-i.

JEREMIAH 32:35

Ngara mbŭh pijog mija mija-sambah yŭn Baal di Rubān Hinnom, yŭn nyadis anak anak dari ngga anak anak dayung ngara ka tapa Molech. Aku mating pesan ngara bada ndai simŭnŭ, ka bŭn-i di pikir Ku nang ngara re ndai kayuh adi mun anŭ ngga bada daya Judah bidosa.”

JEREMIAH 38:22

Aku kiris keya ka darŭm pŭmŭh sopŭrŭg dayung adi babŭ di istana raja Judah dog taban ka bara pingubak soldadu raja Babylonia. Dingah kayuh adi ngara nang darŭm ngara panu: ‘Raja anŭ dog nipu bara jerā adŭp-i, ngara mbŭh nguasa ayŭh. Ka madin amai kaja-i mbŭh timŭtŭm di tawang, bara jerā-i mbŭh tagan ayŭh.’ ”

JEREMIAH 4:30

Jerusalem, mŭmbŭh inŭh kuu! Mani kuu nēn piraka bireh? Mani kuu kasŭk pimakai mas ka ngudat batŭh mu? Mating guna-i kuu bada adŭp mu ramus! Bara ambai mu mbŭh tirawan kuu ka raan siŭ kuu.

JEREMIAH 44:22

Ndŭg andu ati tarun tana ngan nyibawang ka mating daya rŭŭ dieh. Tarun tana ngan anŭ mbŭh jadi kayuh adi tikŭnŭd daya kiris, ka daya pakai dŭn-i ndu pangu sabab TUHAN mbŭh dŭh tia tan kiris kraja pingandai arap ngan ngga udip ginaka ngan.

JEREMIAH 5:5

Aku re di ka yŭn daya adi bikuasa, ka minyu ngga ngara. Tatu ngara puan kayuh adi Tapa ngara raan, kayuh adi TUHAN raan ngara ndai.” Pak sopŭrŭg ngara tirawan kuasa TUHAN ka abah nundok di Ayŭh.

JEREMIAH 5:6

Anŭ inŭh sabab ngara re dog siŭ singah so tuān; kasong tarun so tarun tana-pajam re nyirigat nyiratak ngara, ka busing tarun adi mangah re panu mŭrŭt kupo kupo ngara. Kambŭi ngara anŭ ruah, ngara re dog nyirigat sabab dosa ngara raru bagŭ ka pari pari ngara tagan Tapa.

JEREMIAH 50:42

Ngara mbŭh tambit bawŭh ngga reja-panah ngara; ngara anŭ gaok buang kapang. Jawŭn ngara sak jawŭn rawŭt, darŭm ngara nunggang kuda ngara. Ngara mbŭh sidia an biperang rawan Babylonia.

JEREMIAH 6:23

Ngara mbŭh tambit bawŭh ngara ngga pedang ngara; ngara inŭh daya adi gaok buang dŭh biyŭn masi. Dudu ngara sak jawŭn girumbang di rawŭt, darŭm ngara nunggang kuda. Ngara mbŭh sidia yŭn bisaad rawan Jerusalem.”

PUĀS 1:19

“Aku bagan bara pambit ku, pak ngara abah turung aku. Bara imam ngga bara pinguru kabŭs di aran aran kupo, darŭm ngara jiroh pinguman ngga kudip adŭp ngara.

PUĀS 1:2

Ndi ngarŭm ngarŭm ayŭh sien; randang batŭh misa paŭp-i. Ndi naan so bara jerā-i mating gŭh an nyaduh ayŭh. Bara pambit-i mbŭh tagan ayŭh ka sopŭrŭg mbŭh rawan ayŭh madin.

PUĀS 2:1

Darŭm baji-I TUHAN nutu Jerusalem ngga karŭm. Sangŭn-i adi ndŭg rangit mbŭh rubuh. Di andu Ayŭh baji, ndŭg ka Ramin-I Ayŭh tagan.

EZEKIEL 23:22

“Ngapŭi meh, Oholibah, ati inŭh kayuh adi Aku, TUHAN Raja, nang di kuu. Kuu mbŭh reju di bara ambai mu anŭ, pak Aku re bada ngara baji di kuu ka kirurung kuu.

EZEKIEL 23:9

Jadi Aku nyerah adŭ ayŭh ka bara ambai-i daya Assyria adi ayŭh ruai raan.

DANIEL 9:11

Sopŭrŭg daya Israel miranggar ukum ukum-adat Mai ka abah dingah kayuh adi Kaam nang. Kieh bidosa rawan Kaam, ka Kaam meh mbŭh kudog kieh ngga pangu adi dog nuris darŭm Ukum-adat Moses, adi urun Mai.

DANIEL 9:13

ngukum kieh ngga sopŭrŭg ukum adi mbŭh dog nuris darŭm Ukum-adat Moses. Pak madin gŭh, O TUHAN adi Tapa ami, kieh mating suba pimunos asŭng Mai. Kieh mating marik pimudip ami pari ka Kaam ka dŭh tia bidosa, puan kah tunda ajar Mai adi sawŭ.

DANIEL 9:5

“Kieh mbŭh bidosa, kieh mbŭh ndai arap, kieh mbŭh ndai sarah. Kieh mbŭh tirawan kayuh adi Kaam pesan di kieh bada ndai ka mbŭh miriseu so kayuh adi Kaam nang batur.

HOSEA 5:14

Aku re nyerang daya Israel ngga Judah mun singah. Aku re nyirigat nyiratak ngara ka tingge ngara. Kan Aku batak ngara, mating daya re tungang nyiramat ngara.

OBADIAH 1:7

Pambit ngan mbŭh nipu angān; ngara mbŭh pibu angān so rais ngan. Daya adi ko bidamai ngga angān mbŭh nyerang angān madin. Bara jerā ngan adi ko samah man ngga angān mbŭh tŭŭn jarat ngga nakap angān; ngara nang pasar angān, ‘Diki meh sopŭrŭg pinyipitar ngara?’