JEREMIAH 30:10 - Hakcipta - Biatah Bidayuh

¹⁰ “Daya Ku, dŭhnyah taru; daya Israel, dŭhnyah tikaran. Aku re nyiramat angān so tarun tana adi jo anŭ, tarun tana adi yŭn ngan jadi daya-takap. Angān re pari ka rais adŭp ngan ka rŭŭ darŭm damai; angān re siramat, ka mating daya re tia bada angān taru.

JEREMIAH 30:10 ပူးပေါင်းရင်းမြစ်များ

TIBIRIK 15:1

Ripas anŭ, Abram kiris kayuh keya ka darŭm pŭmŭh ka dingah TUHAN nang di adŭp-i, “Dŭhnyah taru, Abram, Aku re grindung kuu so pinyusah ka re nggen di kuu upah bās.”

ISAIAH 14:3

TUHAN re nggen di daya Israel pinyirupas so sangsara ngga pinyusah, ka so kraja bakar adi ngara dog takan bada ndai.

ISAIAH 35:9

Singah re mating diginŭ; mating dāng mangah re mutas aran anŭ. Ngara adi TUHAN mbŭh nyiramat re panu mari kadŭg aran anŭ.

ISAIAH 43:5

Dŭhnyah taru — Aku agi ngga kuu! “Jeh so timor ka jeh so barat, Aku re taban daya mu ngga pari.

ISAIAH 44:1

TUHAN nang, “Dingah, Israel, adi urun Ku, daya adi Aku mien, sesang Jacob.

ISAIAH 44:2

Aku ati TUHAN adi napa kuu; so andu mu dog biranak, Aku mbŭh turung kuu. Dŭhnyah taru; kuu inŭh urun Ku, daya adi Aku mbŭh mien adi Aku rindu.

ISAIAH 46:11

Aku bagan ndi naan daya bada mandŭg so timor; ayŭh re nyambar mun beuh ka pijadi kayuh adi Aku muko ngatur. Aku mbŭh minyu, ka-i dŭh re dŭh dog ndai.

ISAIAH 46:13

Aku taban andu pimanang bada sindŭk — dŭh-i gibabŭ jo. Pimanang Ku dŭh re dog pirambat. Aku re nyiramat Jerusalem ka taban stabi ka Israel diginŭ.”

ISAIAH 49:12

Daya Ku re mandŭg so tarun adi jo, so utara ngga barat, ka so Aswan di siratan.”

ISAIAH 49:25

TUHAN nam, “Anŭ inŭh kayuh adi re jadi. Daya-takap soldadu re dog taban ngga bu, ka kayuh sirapas daya ganas re dog tambit. Aku re rawan tadŭ tadŭ daya adi rawan angān, ka Aku re nyiramat anak anak ngan.

ISAIAH 54:4

Dŭhnyah taru, kuu re dŭh dog pimangŭh dinge; kuu re dŭh dog ngamun. Kuu re kambŭt pimudip mu adi dŭh tŭtŭd di tika kuu babŭ mara, ka udip maput mu jadi dayung uban.

JEREMIAH 23:3

Aku re nguruk daya Ku adi bŭkŭn so rais rais adi yŭn Ku mbŭh bada ngara papar sasah, ka Aku re taban ngara ngga pari ka tarun tana rais adŭp ngara. Ngara re biyŭn bagŭ anak ka re bitambah bagŭ.

JEREMIAH 23:4

Aku re tijuan pimritah bada kingat jaga ngara. Daya Ku re dŭh tia taru bait dog pitaru, ka Aku re dŭh tia ngukum ngara. Aku, adi TUHAN, mbŭh minyu.”

JEREMIAH 23:6

Kan Ayŭh jadi raja, daya Judah re siramat, ka daya Israel re udip darŭm damai. Ayŭh re dog kadŭn ‘TUHAN adi Pinyikudip Ta’.

JEREMIAH 23:8

Pak, ngara re bipayu pakai adŭn ku, Tapa adi udip, adi taban daya Israel ngga ruah so tarun tana utara ka so sopŭrŭg tarun tana rais adi bŭkŭn di yŭn Ku bada ngara papar sasah. Komŭnŭ ngara re rŭŭ di tarun tana adŭp ngara.”

JEREMIAH 29:11

Aku sadi adŭ puan atur adi Aku biyŭn yŭn ngan, atur an taban ka angān pimudip mujur, dŭh pinyirusag, atur adi taban tipuh adi re, adi angān harap.

JEREMIAH 29:14

Sawŭ, Aku nang, angān re dapŭd Aku, ka Aku re pari angān ka tarun tana adŭp ngan. Aku re nguruk angān so barang rais ka so barang tarun yŭn adi yŭn Ku ko bada angān papar sasah, ka Aku re taban angān pari ka rais asar ngan. Aku, adi TUHAN, mbŭh minyu.’

JEREMIAH 3:18

Israel re jadi ndi ngga Judah, ka samah ngara re mandŭg so rais adi yŭn ngara dog taran ka pari ka tarun tana adi Aku mbŭh nggen di tayung-babuk ngara ndu bisaka.”

JEREMIAH 30:3

sabab tika-i re mandŭg adi ngga Aku pari daya Ku, Israel ngga Judah. Aku re taban ngara ngga pari ka tarun tana adi Aku mbŭh nggen di tayung-babuk ngara; ngara re pari dapu-i. Aku, adi TUHAN, mbŭh minyu.”

JEREMIAH 30:7

Andu adi sipŭ mbŭh re mandŭg; gi-bŭn daya kiris andu adi mun anŭ — tika pinyusah yŭn bara daya Ku, pak ngara re babŭ udip.”

JEREMIAH 33:16

Daya Judah ngga daya Jerusalem re dog nyiramat ka re udip darŭm damai. Kupo anŭ re dog kadŭn ‘TUHAN adi Pinyikudip Ta’.

EZEKIEL 16:52

Ka madin kuu re nyijŭn mangŭh mu. Dosa mu mbŭh rabis arap so dosa jurud jurud dayung mu, adi bada ngara mun adi dŭh sarah kambŭi danding ngga kuu. Madin marui bireh meh jawin mu nyijŭn mangŭh mu, sabab jurud jurud dayung adŭp mu mbŭh mun adi bisig.”

EZEKIEL 38:11

Kuu re ndai pikir mu nyerang rais adi dŭh bigaya di yŭn daya rŭŭ darŭm damai ka siramat darŭm kupo kupo adi dŭh bikuta ka adi dŭh biyŭn pingakas ngga grindung adŭp ngara.

DANIEL 12:1

Malaikat adi nēn piraka banang linen nang, “Di andu anŭ malaikat bās, Michael, adi kingat daya bangsa mu, re nandŭng. Komŭnŭ re agi tipuh susah, siabo bisā so adi mbŭh ngitong so sibungas bangsa bangsa di ong timbur. Kan tipuh anŭ mandŭg, sopŭrŭg daya bangsa mu adi agi dŭn ngara dog nuris darŭm surat Tapa re siramat.

HOSEA 2:18

Di tika anŭ Aku re ndai simanya ngga sopŭrŭg dāng tarun ka manuk, isa ngara dŭh kinaman daya Ku. Aku re kadi gŭh sopŭrŭg sinyata perang so tarun tana anŭ, sopŭrŭg pedang ngga bawŭh panah, ka re bada daya Ku udip darŭm damai ngga siramat.

HOSEA 2:20

Aku re sita janji Ku ka bada kuu jadi tung jaku, ka kuu re ngaku Aku TUHAN.

HOSEA 6:11

“Mun angān, daya Judah, Aku mbŭh miratak jam ngga ngukum angān ani, amai kayuh adi angān mbŭh ndai.

JOEL 2:21

“Ŭmŭh, dŭhnyah taru, pak pawŭn ka gaŭn amai sopŭrŭg kayuh adi TUHAN mbŭh ndai yŭn ngan.

MICAH 4:9

Mani kuu sien raru bana? Mani kuu sangsara mun dayung naman adŭp-i re biranak? Kuu mun anŭ sabab kuu dŭh biyŭn raja, ka bara mu adi tukang pitayan mbŭh kabŭs kah?

ZECHARIAH 3:10

Kan andu anŭ mandŭg, barang naan angān re bagan rasū ngan bada mandŭg ka sua kinyam damai ngga pinyipagŭng, dog kirurung teya anggor ngga tŭngŭn tŭngŭn ara ngan.”

JOHN 12:15

“Dŭhnyah taru, Kupo Zion! Raja mu mbŭh mandŭg, nunggang kaldi.”