Aku re bada ngara tanggong dosa ngga udip ginaka ngara duwŭh rupet, sabab ngara mbŭh nyembar tarun tana Ku ngga tibudo adi dŭh udip, mun tadang, ka mbŭh ngisi-i ngga tapa tapa kadong.”
Sopŭrŭg ngan re dog pimangŭh; angān adi nang tŭngŭn kayuh inŭh sama ngan ka batuh inŭh sindŭ ngan. Kayuh ati re jadi sabab angān bu tagan Aku darŭm angān patut marik pimudip ngan pari ka Aku. Pak kan angān dog pinyusah, angān bagan Aku bada mandŭg di nyiramat angān.
Aku taban ngara ka tarun tana adi damŭn, isa ngara dapŭd pingatŭm adi kana ngga masam masam kayuh adi kana so dieh. Pak ngara pirusak tana Ku; ngara nyembar rais adi Aku nggen di ngara.
Tingga tibung tibung sandah. Agi kah tarun adi yŭn mu mating nyundar? Kuu kajŭn ambai mu di bŭngŭn aran, nimun daya Arab tuman dangah-i di tarun tana-pajam. Kuu mbŭh nyembar tarun tana ngga pingandai nyundar mu.
Ngara pirukos piraka-i bada ayŭh sitabet, nakap bara anak dari ngga anak dayung-i, ka komŭnŭ siŭ ayŭh ngga pedang. Bara dayung di barang yŭn ngitong kirakar pasar ayŭh.
Angān adi anak Ku, minyu ngga sindŭ ngan; sunggu-i ayŭh mbŭh dŭh tia sawŭn Ku, ka Aku mbŭh dŭh tia banŭh-i. Minyu ngga ayŭh da dŭh tia tanggah ka dŭh tia nyundar.
Ngara mite pinandŭng so supek kayuh! Ndi apŭg kayuh kidaan di ngara kayuh adi ngara raan puan! Ngara mbŭh tagan Aku. Mun dayung adi mbŭh jadi dayung sundar, ngara mbŭh nggen adŭp ngara di tapa bŭkŭn.
Mbŭh payah inŭh angān! Angān nang di apŭg kayuh, “Burah!” puan kah di panggar batuh, “Makat!” Bisa kah tibudo pinandŭng kayuh di angān? Bait-i dog marut ngga pirak puan kah mas, tibudo anŭ dŭh biyŭn asŭng.
Pak madin Aku kidaan: kambŭi daya taran sawŭn-i ngga tadŭ mun sabab-i pak dŭh sabab sawŭn-i tanggah, daya anŭ dapu tanggong di tanggah-i kambŭi ayŭh banan dinge; ka sianŭ adi sawan ngga ayŭh mbŭh tanggah gŭh.