JEREMIAH 3:6 - Hakcipta - Biatah Bidayuh

⁶ Di jaman pinyipritah Raja Josiah, TUHAN nang di aku, “Agi kuu kiris kayuh adi Israel, dayung adi dŭh tŭtŭd anŭ, mbŭh ndai? Ayŭh mbŭh bu tagan Aku, ka di barang sandah ka di ribo barang tŭngŭn kayuh barŭm ayŭh nyundar.

JEREMIAH 3:6 ပူးပေါင်းရင်းမြစ်များ

1 RAJA 14:23

Ngara pijog tarun yŭn nyambah tapa-kadong, ka pijog uros uros-batuh ngga tandā tandā pinatŭng tapa Asherah di sandah ka di ribo tŭngŭn kayuh adi biyŭn sayung-i.

2 KRONIKEL 34:1

Josiah mbŭh mai sawa umbur-i kan ayŭh jadi raja Judah, ka ayŭh mritah di Jerusalem sitian 31 sawa.

MAZMUR 106:39

Ngara kinais adŭp ngara ngga pingandai ngara buang dŭh tŭtŭd di Tapa.

ISAIAH 57:3

Mandŭg kamati yŭn dog bisara, angān daya bidosa! Angān dŭh kurang so bara nyamba-biruri, bara adi tanggah, ka bara sundar.

ISAIAH 57:7

Angān di ka darŭd bigatung di jugan sadis ka muas pinyiraan pŭrŭng ngan.

JEREMIAH 1:2

TUHAN minyu di Jeremiah darŭm sawa adi simŭng taruh Josiah anak Amon jadi raja di Judah,

JEREMIAH 11:10

Ngara ndai dosa adi tayung-babuk ngara mbŭh ndai jah; ngara abah ndai kayuh adi Aku bada; ngara mbŭh nyambah tapa tapa bŭkŭn. Israel ngga Judah mbŭh miranggar simanya adi Aku mbŭh ndai ngga tayung-babuk ngara.

JEREMIAH 17:2

Daya ngan nyambah di mija-sambah ka di tandā pinatŭng adi dog pijog yŭn tapa Asherah ngapid barang tŭngŭn kayuh barŭm, di tibung sandah

JEREMIAH 3:8

Judah gŭh kiris Aku taran Israel ka pibu ayŭh sabab ayŭh mbŭh tagan Aku ka mbŭh jadi dayung sundar. Pak Judah, jurud Israel adi dŭh tŭtŭd, dŭh taru. Ayŭh gŭh jadi dayung sundar

JEREMIAH 31:22

Ndŭg sinde angān nyikite, angān daya adi dŭh tŭtŭd? Aku mbŭh napa kayuh adi bauh ka adi saruh, saruh mun dayung grindung dari.”

JEREMIAH 5:11

Daya Israel ngga daya Judah mbŭh bandar bandar tirawan Aku. Aku, adi TUHAN, mbŭh minyu.”

JEREMIAH 7:24

Pak ngara dŭh dingah pinganang ka dŭh mbit piduri. Tanŭ ka ngara ndai barang ka mun kayuh nanyam ka pinyiraan atin baking ngga atin arap ngara, ka jadi rabis arap so adi mbŭh.

EZEKIEL 16:31

Di barang aran kuu pijog tarun yŭn nyambah tibudo ka yŭn nyundar. Pak kuu ndai simŭnŭ dŭh sabab raan dapŭd duit mun dayung sundar.

EZEKIEL 16:35

Ngapŭi meh, Jerusalem, kuu sundar! Dingah kayuh adi TUHAN nang.

EZEKIEL 20:28

Aku taban ngara ka tarun tana adi Aku mbŭh bijanji an nggen di ngara. Kan ngara kiris sandah adi bigatung ka tŭngŭn kayuh adi barŭm, ngara jugan sadis di sopŭrŭg tarun yŭn anŭ. Ngara kinuas Aku ngga sadis adi ngara badang ka ngga wain adi ngara taban ndu pinganggen.

EZEKIEL 23:11

“Sunggu sude-i Oholibah kiris kayuh anŭ, ayŭh nyundar rabis arap so Oholah.

EZEKIEL 23:4

Adi tuuh inŭh Oholah (ayŭh ngarun Samaria), ka adi mara inŭh Oholibah (ayŭh ngarun Jerusalem). Aku sawŭn soduwŭh ngara, ka dapŭd anak anak so soduwŭh ngara.

HOSEA 11:7

Ngara garis an bu so Aku. Ngara re bagan mite turung amai dog pijera darŭm pimudip ngara, pak mating daya re pirupas ngara.

HOSEA 4:13

Di tarun tarun yŭn bisambah adat karŭm di tibung darŭd ngara jugan sadis, ka di dudu sandah ngara badang kimanyan di ribo tŭngŭn kayuh adi bagŭ ka mirayap daan-i, sabab sayung-i kana! “Ngapŭi meh, anak anak dayung ngan jadi sundar, ka iban iban dayung ngan tanggah.

AKIM 2:17

Pak bara daya Israel dŭh dingah pinganang bara pinguru ngara. Israel mbŭh dŭh tŭtŭd di TUHAN ka nyambah tapa tapa bŭkŭn. Bara babuk ngara tunda pesan TUHAN, pak turap bauh anŭ rikas raru dŭh tia ndai simŭnŭ.