JEREMIAH 3:3 - Hakcipta - Biatah Bidayuh

³ Anŭ meh sabab andu dŭh ujen, ka ujen di tipuh bunga dŭh mandŭg. Kuu tanŭ ka mbŭh mun dayung sundar; dŭh biyŭn mangŭh.

JEREMIAH 3:3 ပူးပေါင်းရင်းမြစ်များ

TIBIRIK 19:34

Ngga andu jawa, anak pinuai anŭ nang di sude-i, “Aku muko nyibŭŭs ngga ayŭh singumi. Ja ata bada ayŭh mabuk dinge ngarŭm ati, ka kuu nyibŭŭs ngga ayŭh, isa so-duwŭh ta dapŭd anak so ayŭh.”

NEHEMIAH 9:17

Ngara abah dingah pinganang; ngara kambŭt sopŭrŭg kayuh adi Kaam mbŭh ndai; ngara kambŭt pingandai-nginga adi Kaam mbŭh ndai. Darŭm sambuh, ngara mien ndi naan pinguru bada taban ngara pari jadi urun di Egypt. Pak Kaam inŭh Tapa adi an apun; Kaam inŭh mandis buang rindu daya, ka sais baji. Masi Mai inŭh bās; Kaam dŭh tagan ngara.

PITAS 21:29

Daya tŭnggŭn mirati kayuh adi re-i ndai; daya ginaka situngang tungang-i bada adŭp-i mun adi yŭh.

ISAIAH 5:6

Aku re tandah-i birasu ngga uduh. Aku dŭh re mŭpŭd tugu-i bait nyakor tana-i, pak re tandah bakah ngga reja bada ngarut nambun-i. Aku gŭh re kijaman abun bada ujen rabu dieh.”

JEREMIAH 14:1

TUHAN nang di aku pasar tipuh raga,

JEREMIAH 14:22

Tibudo bangsa bangsa dŭh dapŭd bada andu ujen; rangit sadi adŭp-i dŭh dapŭd bada andu ujen. Kieh na pingarap ami darŭm tangan Mai, O TUHAN adi Tapa ami, sabab Kaam inŭh adi ndai sopŭrŭg kayuh anŭ.

JEREMIAH 14:3

Daya kaya bada urun ngara di jiroh piin; ngara di ka prigi prigi, pak piin mating tia; ngara pari taban gabuk ngara engan. Asa buang riruk, ngara nutu jawin amai mangŭh.

JEREMIAH 14:4

Sabab andu dŭh ujen ka tana mbŭh badŭh, bara tukang teya susah; ngara nutu jawin amai mangŭh.

JEREMIAH 36:2

“Tambit surat-barun ka nuris dieh sopŭrŭg kayuh adi Aku mbŭh kidaan di kuu pasar Israel ngga Judah ngga bangsa bangsa. Nuris sopŭrŭg kayuh adi Aku mbŭh kidaan di kuu so tika adi ngga Aku minyu ngga kuu di sibungas-i, kan Josiah mbŭh jadi raja, ndŭg andu ati.

JEREMIAH 5:24

Angān bŭn bipikir re an stabi di Aku, sunggu Aku adi nggen ujen di tipuh jaya ngga ujen di tipuh bunga, ka nggen di angān tipuh ngatŭm barang sawa.

JEREMIAH 5:25

Pak dosa ngan adi pijo kayuh kayuh anŭ so adŭp ngan.

JEREMIAH 5:3

Tatu TUHAN jiroh atin tŭtŭd. Ayŭh ngukum angān, pak angān dŭh mbit piduri; Ayŭh pān angān, pak angān abah birajar. Angān baking ka dŭh raan ko bidosa.

JEREMIAH 6:15

Mangŭh kah ngara ripas ngara ko ndai kayuh adi sipŭ anŭ? Dŭh, ngara taŭn dŭh mangŭh; raŭn ngara dŭh gŭh pandai marui bireh. Ngapŭi ngara re rabu mun ngara adi bŭkŭn adi mbŭh rabu. Kan Aku ngukum ngara, anŭ re pimungan ngara. Aku, adi TUHAN, mbŭh minyu.”

JEREMIAH 8:12

Daya Ku, mangŭh kah angān ripas angān ndai kayuh adi sipŭ anŭ? Dŭh, angān manŭn dŭh mangŭh; raŭn ngan dŭh gŭh pandai marui bireh! Ngapŭi angān re rabu mun ngara adi bŭkŭn mbŭh rabu; kan Aku ngukum angān, anŭ re pimungan ngan. Aku, adi TUHAN, mbŭh minyu.

JEREMIAH 9:12

Aku siken “TUHAN, mani tarun tana jadi matung ka badŭh mun tarun tana-pajam, ndŭg ka daya mating panu mutas-i? Asi adi sukup bijak re mirati kayuh adi mun anŭ? Di asi Kaam mbŭh kidaan rati-i isa ayŭh bisa kidaan di daya bŭkŭn?”

EZEKIEL 3:7

Pak ndi naan daya Israel mating re an dingah; ngara dŭh gŭh an dingah Aku. Sopŭrŭg ngara inŭh baking ka an birawan.

LEVITICUS 26:19

Aku re pirabur uap-sambuh ngan. Ujen re mating, ka tana ngan re jadi badŭh ka riang mun basi.

AMOS 4:7

Aku bitan ujen kan pimuruh ngan raru biguna di piin. Aku nggen ujen di ndi kupo, pak dŭh di kupo adi bŭkŭn. Ujen rabu di ndi ŭmŭh, pak ŭmŭh adi bŭkŭn badŭh.

AMOS 4:8

Ramah ngga badŭh asŭng, daya so kupo kupo adi bŭkŭn mandŭg ka ndi kupo di yŭn ngara harap adŭp-i dapŭd piin, pak diginŭ dŭh sadang piin re ngara nok. Babŭ gŭh angān dŭh pari ka Aku.

ZEPHANIAH 2:1

Ngubah adŭp ngan, angān bangsa adi dŭh mangŭh,

ZEPHANIAH 3:5

Pak TUHAN babŭ darŭm kupo anŭ; Ayŭh ndai kayuh adi batur ka bŭn-i kayuh adi sarah. Barang isan Ayŭh natu adŭp-I pimanu pinyitŭnggŭn yŭn daya-I. Pak daya adi dŭh tŭnggŭn diginŭ ngandŭ ndai sarah ka dŭh biyŭn mangŭh.

HAGGAI 1:11

Aku mbŭh taban raga di ndi tarun tana ati ndŭg ka sandah sandah, ŭmŭh gandom, teya anggor, risŭn kanā, ngga barang masam buwa pimuruh adi tana piruah mbŭh jadi pisŭk. Manusia, dāng dāng, ngga masam masam pimuruh mbŭh sangsara bada tipuh raga.”

DITRONOMI 28:23

Ujen re mating, ka tana ngan re riang mun basi.

HEBREW 12:25

Ingat meh garang, dŭhnyah abah dingah sianŭ adi minyu. Daya adi abah dingah pinganang sianŭ adi mandŭg ka ong di piagah agah so Tapa, dŭh tungang nyiramat adŭp-i. Ata rabis dŭh tungang nyiramat adŭp ta kambŭi ata nyipunok Ayŭh adi minyu so shorga!