JEREMIAH 3:25 - Hakcipta - Biatah Bidayuh

²⁵ Kieh patut guring darŭm mangŭh ka bada mangŭh ami nutu kieh. Kieh ngga tayung-babuk ami mbŭh ari bidosa rawan TUHAN adi Tapa ami; kieh bŭn tunda pinyipesan-I.”

JEREMIAH 3:25 ပူးပေါင်းရင်းမြစ်များ

MAZMUR 106:6

Kieh mbŭh bidosa nimun tayung-babuk ami; kieh mbŭh ginaka buang arap.

MAZMUR 106:7

Tayung-babuk ami di Egypt dŭh mirati pingandai saruh Tapa; ngara kambŭt kudu kari Ayŭh kiren pinyirindu-I di ngara, ka ngara rawan Ayŭh adi Bisa-pŭrŭg di Rawŭt Bireh.

MAZMUR 109:29

Isa-i pinganyu ku dog pimangŭh; isa-i mangŭh marut ngara keya ka jipo-ambu.

PITAS 13:18

Daya adi abah birajar re sirata ka dog pimangŭh. Daya adi an dog ngajar dog stabi.

PITAS 5:13

Aku abah dingah ajar bara gurū ku. Aku dŭh mbit bat di pinyitayan ngara.

ISAIAH 48:8

Aku puan angān dŭh bisa dog sabah; angān dog puan nimun daya adi raan birawan. Ngapŭi angān bŭn dingah pasar kayuh anŭ, ka ndi bang pinganang pasar-i mating gŭh ndŭg kajit ngan.

ISAIAH 50:11

Sopŭrŭg ngan adi bipekat an pirusak daya re rusak bada pekat adŭp ngan. Adŭp TUHAN re bada-i jadi simŭnŭ; angān re sangsara bada nasip adi arap.

JEREMIAH 11:13

Daya Judah biyŭn bagŭ tapa, kiang dudu kupo adi ngara biyŭn, ka bara adi darŭm Jerusalem mbŭh pijog bagŭ mija-sambah yŭn jugan sadis ka tapa Baal adi sipŭ anŭ: mija-sambah anŭ kiang dudu aran di darŭm kupo.

JEREMIAH 12:13

Daya Ku purun gandom, pak ngatŭm uduh; ngara bandar nyiraja, pak dŭh dapŭd utung. Sabab bisā baji Ku pimuruh ngara dŭh timbu.”

JEREMIAH 14:20

Kieh mbŭh bidosa rawan Kaam, TUHAN; kieh ngaku dosa ami samŭn dosa tayung-babuk ami.

JEREMIAH 14:7

Daya Ku bagan buang nang di Aku, ‘Sunggu dosa ami nyarah kieh, turung kieh, TUHAN, nimun adi mbŭh Kaam janji. Kieh ari tagan Kaam; kieh mbŭh bidosa rawan Kaam.

JEREMIAH 2:17

Israel, kuu bada kayuh ati nyatŭk adŭp mu! Kuu tagan Aku, adi TUHAN Tapa mu, darŭm Aku kayak nyiruton kuu.

JEREMIAH 2:19

Arap adŭp mu re ngukum kuu, ka urah mu adi tagan Aku re nunggu kuu. Kuu re puan munki masam sipŭ buang arap-i kuu tagan Aku, adi TUHAN Tapa mu, buang kuu mbŭh dŭh tia tŭtŭd di Aku. Aku, adi TUHAN Raja adi Bisa-pŭrŭg, mbŭh minyu.”

JEREMIAH 2:2

piagah pinganang ati di barang naan daya di Jerusalem. “Aku ingat munki masam tŭtŭd kuu di tika kuu gibabŭ sŭ, munki masam kuu rindu Aku di tika kuu bauh ko sawan; kuu tunda Aku mutas tarun tana-pajam, mutas tana adi bŭn dog ngŭmŭh.

JEREMIAH 2:26

TUHAN nang, “Nimun pinaku dog pimangŭh kan-i dog nakap, simŭnŭ inŭh sopŭrŭg ngan daya Israel samŭn raja raja ngan ngga bara pinurung ngan, imam imam ngga bara nabi ngan.

JEREMIAH 20:18

Mani aku dog biranak? Isa aku kinyam sangsara ka pinyusah ngga pirŭŭ udip ku darŭm mangŭh kah?

JEREMIAH 22:21

TUHAN minyu ngga angān di tipuh angān mujur ka kaya, pak angān abah dingah. Simŭnŭ inŭh angān sitŭkŭd udip ngan; angān abah nundok di TUHAN.

JEREMIAH 3:13

Ngaku adŭ adŭp mu mbŭh sarah ka mbŭh nyakar TUHAN, adi Tapa mu. Ngaku nang di ribo barang tŭngŭn kayuh barŭm kuu mbŭh nggen pinyirindu mu di tapa tapa bŭkŭn ka kuu agi dŭh tunda pesan Ku. Aku, adi TUHAN, mbŭh minyu.

JEREMIAH 31:19

Kieh bu tagan Kaam, pak dŭh tui kieh rasu raan pari. Ripas Kaam ngukum kieh, kieh mutu ubak ami amai susah. Kieh mangŭh buang dog ngamun, sabab kieh bidosa di andu kieh gibabŭ mara.’

JEREMIAH 6:26

TUHAN nang di daya-I, “Kasŭk banang guni ka gurai adŭp ngan di apŭk. Bandar bandar muās mun angān muās anak tambŭ dari ngan, sabab sianŭ adi mandŭg di pirabur angān re gŭgŭh nyerang.

JEREMIAH 7:19

Pak sibatur-i, dŭh-i Aku adi ngara kandam. Ngara kandam adŭp ngara ndŭg ka adŭp ngara mangŭh.

JEREMIAH 8:14

“Mani ata dŭh ndai ani ani?” Daya Tapa siken. “Ja ata bikaduh ka kupo kupo adi bikuta, ka kabŭs diginŭ. TUHAN adi Tapa ta mbŭh nunggu ata ka tandah ata kabŭs; Ayŭh mbŭh nggen di ata rasun bada ata nok, sabab ata mbŭh bidosa rawan Ayŭh.

JEREMIAH 9:18

Daya nang, “Bada ngara rikas nang ragu nyikubur yŭn ami, ndŭg ka batŭh ami puno ngga randang batŭh, ka pundu batŭh ami bisa amai sien.”

PUĀS 5:16

Sopŭrŭg kayuh adi kieh ngangŭn mbŭh mating dŭm. Kieh bidosa, ka madin kieh mbŭh dog ukum.

PUĀS 5:7

Tayung-babuk ami bidosa, pak madin ngara mbŭh mating, ka kieh mbŭh sangsara amai dosa ngara.

EZEKIEL 2:3

“Manusia, Aku pait kuu ka daya Israel. Ngara rawan Aku mun tayung-babuk ngara jah. Ndŭg madin ngara babŭ an birawan.

EZEKIEL 36:32

Israel, Aku raan angān puan nang Aku ndai sopŭrŭg anŭ dŭh yŭn kana ngan. Aku raan angān kinyam mangŭh sabab kraja pingandai ngan. Aku, adi TUHAN Raja, mbŭh minyu.”

EZEKIEL 44:13

Ngara dŭh siŭn jadi imam Ku bait nyindŭk tadŭ tadŭ kayuh adi kudus yŭn Ku bait mŭrŭt Yŭn adi Siabo Kudus. Ati inŭh ukum yŭn pingandai sipŭ adi ngara mbŭh ndai.

EZEKIEL 7:18

Ngara re nēn banang guni ka ndi pŭrŭng ganan ngara re kimŭtŭr. Ubak ngara re dog nundo, ka sopŭrŭg ngara re dog pimangŭh.

DANIEL 12:2

Bagŭ so ngara adi mbŭh kabŭs re pari udip: agi adi re kinyam udip adi tan adu adu, ka agi adi re kinyam sangsara mangŭh adi ruro.

HOSEA 9:10

TUHAN nang, “Di andu sibungas Aku dapŭd Israel, anŭ mbŭh keya ka dapŭd anggor timbu di tarun tana-pajam. Di andu sibungas Aku kiris tayung-babuk ngan, anŭ mbŭh keya ka kiris sibungas asak buwa ara di tipuh-i. Pak kan ngara mandŭg ka Darŭd Peor, ngara piguru nyambah Baal, ka dŭh tui rasu arap mun tapa adi ngara rindu.

ZEPHANIAH 1:17

TUHAN nang, “Aku re taban pinyirusag anŭ bada nyatŭk manusia, ndŭg ka barang naan daya re panu kāp tarun mun daya karak. Ngara mbŭh bidosa rawan Aku, ka madin deya ngara re babas mun piin, ka tadang ngara re prigure di tunduh tana, madam.”

ROME 6:21

Ani utung ngan so pingandai ngan anŭ adi angān mangŭh ngarun madin? Pinŭbŭn kayuh adi mun anŭ inŭh pinyikabŭs!

AKIM 2:2

Angān dŭh siŭn ndai tadŭ tadŭ simanya ngga daya adi rŭŭ di tarun tana anŭ. Angān dŭh siŭn dŭh nyirubuh mija-sambah ngara.’ Pak gŭt angān dŭh ndai kayuh adi Aku bada angān ndai. Angān mbŭh ndai kayuh adi Aku bŭn bada!