JEREMIAH 3:24 - Hakcipta - Biatah Bidayuh

²⁴ Pak nyambah Baal, tapa adi taban mangŭh, mating nyiramat dāng kudip ami, anak anak dari ami ngga anak anak dayung ami; anŭ inŭh sopŭrŭg adi tayung-babuk ami mbŭh dapŭd so turang udas ngara so jaman jah.

JEREMIAH 3:24 ပူးပေါင်းရင်းမြစ်များ

JEREMIAH 11:13

Daya Judah biyŭn bagŭ tapa, kiang dudu kupo adi ngara biyŭn, ka bara adi darŭm Jerusalem mbŭh pijog bagŭ mija-sambah yŭn jugan sadis ka tapa Baal adi sipŭ anŭ: mija-sambah anŭ kiang dudu aran di darŭm kupo.

JEREMIAH 22:21

TUHAN minyu ngga angān di tipuh angān mujur ka kaya, pak angān abah dingah. Simŭnŭ inŭh angān sitŭkŭd udip ngan; angān abah nundok di TUHAN.

JEREMIAH 44:7

“Ngapŭi meh Aku, adi TUHAN Bisa-pŭrŭg, adi Tapa Israel, madin siken mani angān ndai kayuh adi arap mun anŭ di tunduh adŭp ngan. Angān raan bada pinyirusag nyatŭk bara dari ngga bara dayung, anak-anya ngga anak anak pira, isa daya ngan mating tia dŭm kah?

JEREMIAH 8:16

Pinganyu ta mbŭh agi darŭm kupo Dan; ata dingah jawŭn so udung kuda ngara. Ndi tarun tana bigagar kan kuda ngara jawŭn. Pinganyu ta mbŭh mandŭg di pirusak tarun tana ta samŭn sopŭrŭg kayuh darŭm-i, kupo ta ka sopŭrŭg daya adi darŭm-i.”

JEREMIAH 9:18

Daya nang, “Bada ngara rikas nang ragu nyikubur yŭn ami, ndŭg ka batŭh ami puno ngga randang batŭh, ka pundu batŭh ami bisa amai sien.”

EZEKIEL 16:19

Aku nggen di kuu pinguman — tibaduk adi siabo kana, inyo kanā, ka ju banyis — pak kuu jugan-i ndu sadis ngga pimunos asŭng tibudo.” Anŭ inŭh kayuh adi TUHAN Raja nang.

EZEKIEL 16:20

“Komŭnŭ kuu tambit anak anak dari ngga anak anak dayung adi kuu mbŭh biranak yŭn Ku ka jugan ngara ndu sadis ka tibudo. Gibayuh kah-i sadang kuu dŭh tŭtŭd di Aku?

EZEKIEL 16:61

Kuu re ingat urah adŭp mu, ka re mangŭh ngarun-i kan kaka dayung mu ngga sude dayung mu pari ka kuu. Aku re bada ngara jadi keya ka anak anak dayung di kuu, sunggu anŭ dŭh ndi so simanya Ku ngga kuu.

EZEKIEL 16:63

Aku re apun sopŭrŭg sarah adi kuu mbŭh ndai, pak kuu re ingat-i ka re raru mangŭh kanga baba mu.” TUHAN Raja mbŭh minyu.

HOSEA 10:6

Tibudo anŭ re dog taban bu ka Assyria ndu takŭd ka raja bās empaya. Daya Israel re dog ngamun ka dog pimangŭh sabab pinyitayan adi ngara tunda.

HOSEA 2:8

Ayŭh bŭn ngaku Aku adi nggen di ayŭh gandom, wain, inyo kanā, ka sopŭrŭg pirak ngga mas adi ayŭh pakai ngga nyambah Baal.

HOSEA 9:10

TUHAN nang, “Di andu sibungas Aku dapŭd Israel, anŭ mbŭh keya ka dapŭd anggor timbu di tarun tana-pajam. Di andu sibungas Aku kiris tayung-babuk ngan, anŭ mbŭh keya ka kiris sibungas asak buwa ara di tipuh-i. Pak kan ngara mandŭg ka Darŭd Peor, ngara piguru nyambah Baal, ka dŭh tui rasu arap mun tapa adi ngara rindu.