JEREMIAH 3:17 - Hakcipta - Biatah Bidayuh

¹⁷ Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

JEREMIAH 3:17 ပူးပေါင်းရင်းမြစ်များ

TIBIRIK 8:21

Tapa mbŭh raru munos asŭng-I kan-I kadŭk dagŭn sadis anŭ, ka-i nang di adŭp-I, “Dŭh Aku re tia mangu ong sitagar kraja pingandai manusia; Aku puan so andu ngara gi-sŭ mara pikir-kira ngara taŭn mbŭh arap. Aku dŭh re tia pirusak tadŭ tadŭ kayuh adi udip, mun ati.

1 RAJA 8:41

“Kan daya tami adi rŭŭ di tarun tana adi mua juan-i dingah pasar bās Mai ngga pasar barang masam kayuh bās adi Kaam mbŭh ndai yŭn daya Mai, ka mandŭg di nyambah Kaam ka bidua di Ramin ati,

MAZMUR 102:23

TUHAN mbŭh bada aku rumuh darŭm aku gibabŭ mara; Ayŭh bada umbur ku purok.

MAZMUR 78:8

Ngara dŭh re mun tayung-babuk ngara adi an birawan ka adi dŭh an dingah pinganang, adi dŭh sukup sabah di Tapa ka adi dŭh tui tŭtŭd di Ayŭh.

MAZMUR 87:3

Dingah, kupo Tapa, kayuh saruh adi-I nang pasar kuu:

ISAIAH 26:8

Kieh tunda pinyiraan Mai ka na pingarap ami di Kaam; Kaam sadi adŭ adi kieh rindu.

ISAIAH 56:6

Ka TUHAN nang di bara daya tami anŭ adi mbŭh mŭrŭt daya-I, adi rindu Ayŭh ka adi bituan di Ayŭh, adi sita andu Sabbath ka tŭtŭd sita simanya-I:

ISAIAH 59:19

So timor ndŭg barat barang naan daya re taru di Ayŭh ka di kuasa bās-I. Ayŭh re mandŭg keya ka piin sungi adi daras aman, keya ka sabak adi daras.

ISAIAH 6:1

Darŭm sawa adi ngga Raja Uzziah kabŭs, aku kiris TUHAN. Ayŭh guru di takta-I, bigatung ka bragah, ka jipo ambu-I ngisi ndi tarun tarun darŭm Ramin TUHAN.

ISAIAH 66:1

TUHAN nang, “Rangit inŭh takta Ku, ka ong inŭh bangan kaja Ku. Ramin adi munki an ngan pijog yŭn Ku, tarun yŭn adi munki re Aku yŭn rŭŭ?

ISAIAH 66:18

Aku puan pikir-kira ngga pingandai ngara. Aku mandŭg di nguruk daya so sopŭrŭg bangsa. Kan ngara samah mandŭg, ngara re kiris kayuh adi kuasa Ku dapŭd ndai

ISAIAH 66:20

Ngara re taban pari sopŭrŭg dingan ngan adi samah daya Israel so rais rais anŭ ndu pinganggen di Aku. Ngara re taban ngara ka sandah kudus Ku di Jerusalem nunggang kuda, kuda pinakan kaldi, ka onta, ka nambang krita kuda ngga tibande krita-sapi, nimun daya Israel taban sadis ruwang kayuh ka Ramin TUHAN darŭm bŭrŭh bŭrŭh adi bisig nanyam ka adat.

JEREMIAH 11:8

Pak ngara abah dingah bait tunda pinganang Ku. Ngara tanŭ ka baking buang arap mun adi mbŭh. Aku mbŭh pesan ngara bada sita simanya anŭ, pak ngara abah. Jadi Aku pait ka ngara sopŭrŭg ukum adi dog nyabŭt darŭm simanya anŭ.”

JEREMIAH 12:15

Pak ripas Aku mbŭh kadi ngara, Aku re masi di ngara; Aku re taban barang bangsa pari ka tarun tana rais adŭp-i.

JEREMIAH 12:16

Kambŭi ngga siabo atin, ngara raan trima adat daya Ku ka bipayu nang, ‘Siragi TUHAN udip’ — nimun ngara ko dawŭ-i ngajar daya Ku bipayu ngga dŭn Baal — ngara gŭh re jadi ndi so bara daya Ku ka re mujur udip.

JEREMIAH 14:21

Ingat janji Mai ka dŭhnyah ngamun kieh; dŭhnyah ngamun Jerusalem, tarun yŭn takta bragah Mai. Dŭhnyah miranggar simanya adi Kaam mbŭh ndai ngga kieh.

JEREMIAH 16:12

Ka angān mbŭh ndai kayuh adi rabis arap so adi mbŭh tayung-babuk ngan ndai. Sopŭrŭg ngan baking buang arap, ka angān abah dingah pinganang Ku.

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 17:12

Ramin TUHAN ta inŭh keya ka takta adi bibragah, mijog di tunduh darŭd adi bigatung so sibungas-i.

JEREMIAH 18:12

Ngara re nam, ‘Re ngga mani? Kieh re babŭ baking ka arap mun adi mbŭh.’ ”

JEREMIAH 3:19

TUHAN nang, “Israel, Aku raan trima kuu jadi anak Ku ka nggen di kuu tana adi pimunos asŭng, tana adi siabo ramus di ndi ong ong. Aku raan kuu bagan Aku Sama, ka dŭhnyah tia nyipunok Aku.

JEREMIAH 31:23

TUHAN Bisa-pŭrŭg, adi Tapa Israel, nang, “Kan Aku pari daya Ku ka tarun tana ngara, ngara re pari nang darŭm tarun tana Judah ka darŭm kupo kupo, ‘Isa-i TUHAN nyiberkat sandah kudus Jerusalem, yŭn kudus di yŭn-I rŭŭ.’

JEREMIAH 33:9

Jerusalem re jadi atak pinyigaŭn, stabi, ka kayuh adi Aku ngangŭn; ka barang bangsa di ong re taru ka kimŭtŭr kan ngara dingah pasar kayuh kana adi Aku ndai yŭn daya Jerusalem ka pasar udip mujur adi Aku taban ka kupo anŭ.”

JEREMIAH 4:2

kuu bisa bipayu pakai adŭn Ku. Komŭnŭ sopŭrŭg bangsa re mite Aku nyiberkat ngara, ka ngara re muji Aku.”

JEREMIAH 7:24

Pak ngara dŭh dingah pinganang ka dŭh mbit piduri. Tanŭ ka ngara ndai barang ka mun kayuh nanyam ka pinyiraan atin baking ngga atin arap ngara, ka jadi rabis arap so adi mbŭh.

JEREMIAH 9:14

Ngara baking buang mbŭh nyambah tibudo Baal nimun adi dog ngajar tayung-babuk ngara.

EZEKIEL 1:26

Di tunduh sakŭb agi kayuh mun takta dog ndai so batuh nilam, ka guru di takta anŭ agi gayŭn adi mun pŭrŭng manusia.

EZEKIEL 43:7

“Manusia, ati inŭh takta Ku. Aku re rŭŭ digiti di ruang daya Ku Israel ka mritah ngara ndŭg situi tui. Daya Ku Israel bait tadŭ tadŭ raja ngara re dŭh tia nyembar adŭn kudus Ku ngga urah ngara adi nyambah tapa tapa bŭkŭn bait kubur tadang tadang raja ngara di tarun ati.

EZEKIEL 48:35

Prungun kŭd sindung di sopŭrŭg parad inŭh 9 kilomita. So madin kupo anŭ an dog kadŭn, “TUHAN agi digiti!”

ZECHARIAH 2:11

Di tika anŭ bagŭ bangsa re mandŭg ka TUHAN ka jadi daya-I. Ayŭh re rŭŭ di ruang ngan, ka angān re puan nang Ayŭh inŭh adi pait aku ka angān.

ZECHARIAH 8:8

ka re taban ngara ngga pari so timor ngga barat bada rŭŭ di Jerusalem. Ngara re jadi daya Ku, ka Aku re jadi Tapa ngara, mritah ngara ngga tŭtŭd ka ngga pinyitŭnggŭn.

PINYIKIANG 15:39

Jabuh taris anŭ re jadi tandā pingingat, ka tiap kari angān kiris-i, angān re ingat sopŭrŭg pesan Ku ka tunda-i; simŭnŭ angān dŭh re bu so Aku ka ndai pinyiraan adŭp ngan.

ROME 1:21

Ngara nang adŭp-i puan Tapa, pak ngara dŭh nggen stabi di Ayŭh; dŭh gŭh ngara nggen trima kaseh di Ayŭh. Pak gŭt-i pikir-kira ngara mbŭh jadi au-tarun, ka pikir ngara adi mapung mbŭh jadi karŭm pipet.

ROME 6:14

Dosa dŭh siŭn jadi tuan ngan; amai angān dŭh udip di ribo ukum-adat pak di ribo pinyirasi-mandis Tapa.

GALATIA 4:26

Pak Jerusalem adi di shorga dŭh urun, ayŭh inŭh sindŭ ta.

DITRONOMI 29:29

“Agi kayuh adi TUHAN adi Tapa ta sukan so ata; pak Ayŭh mbŭh kiren ukum adat-I, ka ata ngga bara sesang ta an tunda-i adu adu.

AKIM 2:19

Pak kan bara pinguru anŭ kabŭs, daya Israel rasu pari ka aran pimudip amba ngara ka jadi rabis arap so turap adi diŭ. Ngara ari an nyambah tapa tapa bŭkŭn, ka andŭh andŭh tunda aran arap ngara.