JEREMIAH 3:14 - Hakcipta - Biatah Bidayuh

¹⁴ “Daya adi dŭh tŭtŭd, pari meh; angān tung jaku. Aku re tambit angān ndi naan so barang kupo ka duwŭh naan so barang manak, ka Aku re taban angān pari ka Sandah Zion.

JEREMIAH 3:14 ပူးပေါင်းရင်းမြစ်များ

2 KRONIKEL 30:6

Bara pinyisung matak so ka pinyibada raja ngga bara pinurung-i ka ndi tarun tana Judah ngga Israel ngga pinganang bagan: “Daya Israel, angān mbŭh siramat so serang daya Assyria. Pari meh madin ka TUHAN, adi Tapa Abraham, Isaac, ka Jacob, ka Ayŭh re pari ka angān.

ISAIAH 1:9

Kambŭi TUHAN adi Bisa-pŭrŭg dŭh bada kada daya dŭm, Jerusalem mbŭh rabur, mun Sodom ngga Gomorrah.

ISAIAH 10:22

Sunggu madin daya Israel raru bagŭ mun sumat di bŭngŭn rawŭt, raru nisŭ adŭ adi pari. Pinyirusag mbŭh kajŭn daya Israel, ka-i taŭn patut dog ukum.

ISAIAH 17:6

Nisŭ adŭ daya adi siramat, ka Israel re keya ka ndi tŭngŭn kanā adi so sopŭrŭg buwa-i dog sun, adŭ-i anŭ adi di tijuk-i, bait-i anŭ adi di daan sapang-i. Aku, TUHAN Tapa Israel, mbŭh minyu.”

ISAIAH 27:12

Di andu anŭ, so Euphrates ndŭg baat Egypt, TUHAN re nguruk daya-I ndi ngga ndi, mun daya nyidŭrŭ gandom so aping.

ISAIAH 31:6

TUHAN nang, “Daya Israel, angān mbŭh bidosa rawan Aku ka mbŭh nyakar Aku. Pak pari ka Aku madin!

ISAIAH 44:22

Aku mbŭh taran dosa ngan keya ka abun. Pari ka Aku; Aku inŭh adi nyiramat angān.”

ISAIAH 54:5

Pinapa mu re keya ka banŭh di kuu; TUHAN Bisa-pŭrŭg inŭh adŭn-I. Tapa kudus Israel re nyiramat kuu; Ayŭh inŭh pimritah di ndi ong ong.

ISAIAH 55:7

Tandah daya ginaka tingge aran pimudip ngara ka nukar pikir-kira ngara. Tandah ngara marik pimudip ngara pari ka TUHAN, adi Tapa ta; Ayŭh inŭh masi ka rikas apun.

ISAIAH 57:17

Aku baji di ngara sabab dosa ngga udip tama ngara, ngapŭi Aku ngukum ngara ka tagan ngara. Pak ngara baking ka ngandŭ tunda aran adŭp ngara.

ISAIAH 6:13

Kambŭi ndi naan bait kani so simŭng naan babŭ di tarun tana anŭ, ayŭh gŭh re dog pirabur; ayŭh re keya ka tŭŭd tŭngŭn oak adi muko dog tabŭng.” (Tŭŭd inŭh tandā pimudip bauh yŭn daya Tapa.)

JEREMIAH 2:19

Arap adŭp mu re ngukum kuu, ka urah mu adi tagan Aku re nunggu kuu. Kuu re puan munki masam sipŭ buang arap-i kuu tagan Aku, adi TUHAN Tapa mu, buang kuu mbŭh dŭh tia tŭtŭd di Aku. Aku, adi TUHAN Raja adi Bisa-pŭrŭg, mbŭh minyu.”

JEREMIAH 2:2

piagah pinganang ati di barang naan daya di Jerusalem. “Aku ingat munki masam tŭtŭd kuu di tika kuu gibabŭ sŭ, munki masam kuu rindu Aku di tika kuu bauh ko sawan; kuu tunda Aku mutas tarun tana-pajam, mutas tana adi bŭn dog ngŭmŭh.

JEREMIAH 23:3

Aku re nguruk daya Ku adi bŭkŭn so rais rais adi yŭn Ku mbŭh bada ngara papar sasah, ka Aku re taban ngara ngga pari ka tarun tana rais adŭp ngara. Ngara re biyŭn bagŭ anak ka re bitambah bagŭ.

JEREMIAH 29:14

Sawŭ, Aku nang, angān re dapŭd Aku, ka Aku re pari angān ka tarun tana adŭp ngan. Aku re nguruk angān so barang rais ka so barang tarun yŭn adi yŭn Ku ko bada angān papar sasah, ka Aku re taban angān pari ka rais asar ngan. Aku, adi TUHAN, mbŭh minyu.’

JEREMIAH 3:1

TUHAN nang, “Kambŭi daya taran sawŭn-i, ka ayŭh bu ka jadi sawŭn daya bŭkŭn, daya anŭ dŭh siŭn tambit ayŭh pari, amai pingandai anŭ re nyembar ndi tarun tana rais anŭ. Pak, Israel, kuu muko biyŭn bagŭ ambai, ka madin kuu raan pari ka Aku!

JEREMIAH 3:12

Ayŭh bada aku di ka nang di Israel, “Israel adi dŭh tŭtŭd, pari ka Aku. Aku an apun ka dŭh re baji; Aku dŭh re adu adu baji di kuu.

JEREMIAH 3:8

Judah gŭh kiris Aku taran Israel ka pibu ayŭh sabab ayŭh mbŭh tagan Aku ka mbŭh jadi dayung sundar. Pak Judah, jurud Israel adi dŭh tŭtŭd, dŭh taru. Ayŭh gŭh jadi dayung sundar

JEREMIAH 31:12

Ngara re mandŭg ka biragu ngga gaŭn di Sandah Zion angan pinganggen so Aku — pinganggen gandom ka wain ka inyo kanā, pinganggen biri ngga sapi sapi. Ngara re keya ka teya adi biyŭn sukup piin; ngara re biyŭn sopŭrŭg kayuh adi ngara biguna.

JEREMIAH 31:32

Anŭ re dŭh mun simanya amba adi Aku ndai ngga tayung-babuk ngara kan Aku taban ngara ngga tangan adŭp Ku ruah so Egypt. Sunggu Aku mbŭh keya ka banŭh di ngara, ngara dŭh sita simanya anŭ.

JEREMIAH 31:6

Sawŭ, tika-i re mandŭg kan daya adi tukang jaga re bagan di sandah sandah Ephraim, ‘Ja di maad ka Zion, ka TUHAN Tapa ta.’ ”

HOSEA 5:15

“Aku re tagan daya Ku ndŭg ka ngara mbŭh sukup jera amai dosa adi mbŭh ngara ndai, ka ngara re mandŭg di jiroh Aku. Kadŭ darŭm sangsara ngara, ngara re bandar bandar an dapŭd Aku.”

ZECHARIAH 1:4

Dŭhnyah mun tayung-babuk ngan. Ndun jah bara nabi nggen di ngara pinganang Ku, bada ngara ko bidosa. Pak ngara abah dingah Aku bait nundok di Aku.

ROME 9:27

Ka Isaiah minyu pasar Israel: “Sunggu bagŭ mun sirah sumat di bŭngŭn rawŭt bait kani daya Israel, nisŭ adŭ so ngara re dog nyiramat;