JEREMIAH 3:1 - Hakcipta - Biatah Bidayuh

¹ TUHAN nang, “Kambŭi daya taran sawŭn-i, ka ayŭh bu ka jadi sawŭn daya bŭkŭn, daya anŭ dŭh siŭn tambit ayŭh pari, amai pingandai anŭ re nyembar ndi tarun tana rais anŭ. Pak, Israel, kuu muko biyŭn bagŭ ambai, ka madin kuu raan pari ka Aku!

JEREMIAH 3:1 ပူးပေါင်းရင်းမြစ်များ

MAZMUR 106:38

Ngara siŭ bara anak-sŭ adi dŭh sarah, ka tarun tana mbŭh sembar bada bara pinyiŭ anŭ.

ISAIAH 24:5

Ong mbŭh sembar amai manusia miranggar ukum ukum-adat Tapa ka mbŭh miranggar simanya adi Ayŭh ngga manusia mbŭh ndai yŭn adu adu.

JEREMIAH 2:20

TUHAN Raja nang, “Israel, jah-i kuu tirawan kuasa Ku; kuu abah nundok di Aku bait nyambah Aku. Di tunduh barang sandah ka di ribo barang tŭngŭn kayuh barŭm kuu nyambah tapa tapa pimuah.

JEREMIAH 2:23

Simuki kuu re nang adŭp mu mating nyembar adŭp mu, nang adŭp mu bŭn nyambah Baal? Tingga pingandai mu di rubān; kuu mbŭh bidosa diginŭ. Kuu mbŭh keya ka dayung onta adi mbŭh mingaras, bikaduh kamati kamanŭ,

JEREMIAH 2:7

Aku taban ngara ka tarun tana adi damŭn, isa ngara dapŭd pingatŭm adi kana ngga masam masam kayuh adi kana so dieh. Pak ngara pirusak tana Ku; ngara nyembar rais adi Aku nggen di ngara.

JEREMIAH 22:20

Daya Jerusalem, di ka Lebanon ka nyirais, di ka tarun tana Bashan ka sien; bagan so darŭd darŭd Moab, sabab sopŭrŭg pambit ngan mbŭh dog ngarah.

JEREMIAH 3:22

Pari, sopŭrŭg ngan adi mbŭh bu tagan TUHAN; Ayŭh re pibua angān ka bada angān tŭtŭd. Angān nang, “Sawŭ, kieh pari ka TUHAN, sabab Ayŭh inŭh Tapa ami.

JEREMIAH 3:9

ka manŭn dŭh mangŭh. Ayŭh nyembar tarun tana, ka ayŭh mbŭh tanggah nyambah batuh ngga tŭngŭn kayuh.

JEREMIAH 31:22

Ndŭg sinde angān nyikite, angān daya adi dŭh tŭtŭd? Aku mbŭh napa kayuh adi bauh ka adi saruh, saruh mun dayung grindung dari.”

JEREMIAH 4:1

TUHAN nang, “Daya Israel, kambŭi kuu raan pari, marik pimudip mu pari ka Aku. Kambŭi kuu tŭtŭd di Aku ka taran tibudo tibudo anŭ adi Aku tiru,

JEREMIAH 4:14

Jerusalem, musor arap so atin mu, isa kuu bisa dog nyiramat. Ndŭg sinde pikir mu puno ngga kayuh adi bidosa?

PUĀS 1:2

Ndi ngarŭm ngarŭm ayŭh sien; randang batŭh misa paŭp-i. Ndi naan so bara jerā-i mating gŭh an nyaduh ayŭh. Bara pambit-i mbŭh tagan ayŭh ka sopŭrŭg mbŭh rawan ayŭh madin.

EZEKIEL 16:26

Kuu tandah rasū rasū mu daya Egypt adi mingaras nyibŭŭs ngga kuu, ka ngga pingandai nyundar mu anŭ kuu mbŭh kinuas Aku.

EZEKIEL 16:30

Ati inŭh kayuh adi TUHAN Raja nang: “Sopŭrŭg pingandai mu anŭ mun pingandai dayung sundar adi dŭh puan adŭp-i mangŭh.

EZEKIEL 16:35

Ngapŭi meh, Jerusalem, kuu sundar! Dingah kayuh adi TUHAN nang.

EZEKIEL 33:11

Kidaan di ngara nang siragi Aku, adi TUHAN Raja, Tapa adi udip, Aku dŭh munos asŭng kiris daya adi bidosa kabŭs. Raan dŭ Aku kiris ngara ko bidosa ka udip. Israel, dŭh tia ndai dosa. Mani kuu raan kabŭs?

HOSEA 1:2

Kan TUHAN sibungas-I minyu ngga Israel so baba Hosea, Ayŭh nang di Hosea, “Sawan kuu; sawŭn mu re dŭh tŭtŭd, ka bara anak mu re batur mun ayŭh. Simŭnŭ inŭh, daya Ku mbŭh tagan Aku ka mbŭh dŭh tŭtŭd.”

HOSEA 2:2

Angān adi anak Ku, minyu ngga sindŭ ngan; sunggu-i ayŭh mbŭh dŭh tia sawŭn Ku, ka Aku mbŭh dŭh tia banŭh-i. Minyu ngga ayŭh da dŭh tia tanggah ka dŭh tia nyundar.

MICAH 2:10

Makat ka bu meh so ti. Tarun ati mbŭh dŭh tia siramat. Dosa ngan mbŭh taban pinyirabur ka tarun ati.

ZECHARIAH 1:3

pak madin Aku nang di angān, ‘Pari ka Aku, ka Aku re pari ka angān.

MATTHEW 5:31

“Agi gŭh dog nyabŭt, ‘Daya adi taran sawŭn-i dŭh siŭn dŭh an nggen di sawŭn-i surat sare.’

DITRONOMI 22:21

bara pinguru anŭ an taban dayung anŭ ngga ruah ka rawa ramin sama-i, di yŭn bara dari so kupo anŭ manjan ayŭh ngga batuh ndŭg kabŭs. Ayŭh mbŭh ndai kayuh adi nggen mangŭh di dupan bangsa ta, anŭ inŭh nurut pinyiripong pŭrŭng diŭ so ayŭh banan, darŭm ayŭh gibabŭ rŭŭ di ramin sama-i. Simŭnŭ inŭh angān taran kraja arap anŭ.

AKIM 19:2

Pak komŭnŭ dayung anŭ baji di ayŭh ka mari ka ramin sama-i di Bethlehem, ka rŭŭ diginŭ pat buran.