JEREMIAH 27:9 - Hakcipta - Biatah Bidayuh

⁹ Dŭhnyah dingah nabi nabi ngan bait di tadŭ tadŭ ngara adi nang adŭp-i dapŭd ninjau tipuh adi re, so pŭmŭh bait kah so bisiken ngga roh roh daya adi mbŭh kabŭs puan kah so pingandai biruri karŭm. Sopŭrŭg ngara bada angān dŭh nundok di raja Babylonia.

JEREMIAH 27:9 ပူးပေါင်းရင်းမြစ်များ

PINYIRUAH 22:18

“Nggen ukum kabŭs di tadŭ dayung adi ndai biruri karŭm.

PINYIRUAH 7:11

Komŭnŭ raja bagan bara daya bijak-i samŭn bara pinanung, ka ngga pimandai-i ngara ndai simŭnŭ gŭh.

PITAS 19:27

Nak, kambŭi kuu dŭh tia birajar, kuu re rikas kambŭt kayuh adi kuu mbŭh birajar.

ISAIAH 8:19

Pak daya re bada angān mite pinganang so daya adi pandai kidaan nasip ngga daya adi pandai minyu ngga simangi daya adi mbŭh kabŭs, adi prikiak ka prigŭnŭm adŭp-i. Ngara re nang, “Mŭnŭ mŭnŭ gibabŭ gŭh daya patut mite pinganang so roh roh ka bisiken ngga daya adi mbŭh kabŭs yŭn utung daya adi babŭ udip.”

JEREMIAH 14:14

Pak TUHAN nam, “Bara nabi pakai adŭn Ku ngga kadong daya; Aku mating pait ngara, mating gŭh Aku pesan bait minyu ngga ngara. Ngara minyu pasar kayuh adi ngara kiris keya ka darŭm pŭmŭh, pak anŭ dŭh so Aku. Kayuh adi ngara ninjau inŭh kayuh adi dŭh biguna, kayuh adi adŭp ngara nimbur.

JEREMIAH 23:16

TUHAN Bisa-pŭrŭg nang di daya di Jerusalem, “Dŭhnyah dingah pinganang bara nabi anŭ; ngara anŭ nggen di angān pingarap adi dŭh sawŭ. Ngara kidaan di angān kayuh adi adŭp ngara nimbur, ka dŭh pinganang so Aku.

JEREMIAH 23:25

Aku puan kayuh adi bara nabi anŭ mbŭh nang, adi minyu kadong ngga adŭn Ku ka kidaan di daya nang Aku mbŭh nggen pinganang Ku di ngara darŭm pŭmŭh.

JEREMIAH 23:32

Dingah kayuh adi Aku, adi TUHAN, nang! Aku rawan bara nabi anŭ adi kidaan pŭmŭh adŭp ngara adi puno ngga pinganang kadong. Ngara kidaan pŭmŭh pŭmŭh anŭ ka kinanyap daya Ku ngga pinganang kadong ka pinganang gambung ngara. Aku mating pait ngara bait mritah ngara bada ndai simŭnŭ; ngara dŭh biguna yŭn sopŭrŭg daya. Aku, adi TUHAN, mbŭh minyu.”

JEREMIAH 29:8

Aku, adi TUHAN, adi Tapa Israel, bakan angān bada dŭh tandah adŭp ngan dog nipu bara nabi adi rŭŭ di ruang ngan bait dog nipu tadŭ tadŭ adi bŭkŭn adi nang adŭp-i pandai ninjau tipuh adi re. Dŭhnyah mbit piduri di pŭmŭh pŭmŭh ngara.

EZEKIEL 21:29

Kayuh adi angān kiris keya ka darŭm pŭmŭh inŭh kayuh adi dŭh sawŭ. Angān ginaka buang arap, ka andu ngan mbŭh sindŭk, andu sikasŭn ukum ngan. Pedang anŭ re japa tungo ngan.

DANIEL 4:7

Komŭnŭ sopŭrŭg adi tukang kidaan nasip, bara pinanung, bara dukun, ngga bara adi puan pasar bitang dog taban mŭrŭt, ka aku kidaan di ngara pŭmŭh ku, pak ngara dŭh tungang kidaan rati-i di aku.

MICAH 3:7

Ngara adi ninjau tipuh adi re, re dog pimangŭh kan kayuh adi ngara nang dŭh jadi bitŭtŭk. Sopŭrŭg ngara re dog pimangŭh sabab TUHAN dŭh nam ngara.

ZECHARIAH 10:2

Daya bisiken ngga tibudo samŭn daya adi pandai kidaan nasip, pak pinyinam adi ngara dapŭd inŭh pinganang kadong ka au-tarun. Agi adi tukang kidaan rati pŭmŭh, pak kaŭs ngara kinanyap angān. Pinganang saduh adi ngara nggen dŭh biguna. Ngapŭi daya bigandon mun biri adi manyap. Ngara susah amai dŭh biyŭn pinguru.

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

PINGANDAI 8:11

Ngara dingah pinganang-i, sabab mbŭh tui ngara tiyur da pingandai biruri-i.

EPHESUS 5:6

Dŭhnyah bada daya nyibudo angān ngga pinganang au-tarun; kayuh adi mun ati inŭh adi re bada baji Tapa nyatŭk ngara adi dŭh an dingah pinganang-I.

DITRONOMI 13:2

ngga-i nyikuro angān bada nyambah ka bituan di tapa tapa adi angān bŭn nyambah dawŭ-i. Sunggu bait kani janji ngara jadi bitŭtŭk,

DITRONOMI 18:14

Komŭnŭ Moses nang, “Di tarun tana adi angān re ngisi, daya diginŭ tunda pinganang bara pinanung ka sabah di pinyipuan jang, pak TUHAN adi Tapa ngan dŭh nyibandar angān ndai simŭnŭ.

JOSHUA 13:22

Samah ngga ngara anŭ adi dog siŭ daya Israel inŭh ndi naan daya adi pandai kidaan nasip, dŭn Balaam anak Beor.

PINANDŬNG 18:23

Mating gŭh jawa prita re dog kiris darŭm kuu dinge; mating tia sirŭŭn bara pingaten dayung ngga pingaten dari dog dingah darŭm kuu dinge! Daya dagang mu ko adi siabo bikuasa di ndi ong ong, ka ngga pingandai biruri karŭm mu kuu ko nyibudo sopŭrŭg daya di ong!”

PINANDŬNG 21:8

Pak ngara adi pinakut, adi nyipunok Jesus, adi sembar, adi pinyiŭ, adi udip darŭm pimudip adi dŭh tatu darŭm pingandai kais, adi ndai biruri karŭm, adi nyambah tibudo, samŭn sopŭrŭg adi pingadong; tarun yŭn ngara inŭh danu anŭ adi bijagu ngga apui ka mirirang, anŭ inŭh pinyikabŭs adi numbor duwŭh.”

PINANDŬNG 22:15

Pak di sapa kupo inŭh ngara adi sembar ngga adi ndai biruri karŭm, ngara adi dŭh tatu pimudip-i darŭm pingandai kais ka ngara adi pinyiŭ, ngara adi nyambah tibudo ka ngara adi pingadong darŭm piminyu ka darŭm pingandai.

PINANDŬNG 9:21

Dŭh gŭh ngara an ko siŭ daya, ndai biruri karŭm, nanyung, ndai urah adi dŭh tatu darŭm pingandai kais, ka naku.