JEREMIAH 27:22 - Hakcipta - Biatah Bidayuh

²² Sopŭrŭg-i re dog taban ngga bu ka Babylonia ka re babŭ diginŭ ndŭg ka Aku mbŭh marik pikir Ku ka rata anŭ. Komŭnŭ Aku re taban-i ngga pari ka tarun yŭn ati. Aku, adi TUHAN, mbŭh minyu.”

JEREMIAH 27:22 ပူးပေါင်းရင်းမြစ်များ

2 RAJA 25:13

Bara daya Babylonia pirandŭk tiang tiang bās timaga ka krita krita timaga adi di darŭm Ramin TUHAN, samŭn tibande tong timaga, ka ngara taban sopŭrŭg timaga ka Babylon.

2 KRONIKEL 36:21

Jadi kayuh adi TUHAN muko diŭ kidaan so baba nabi Jeremiah mbŭh jadi bitŭtŭk: “Tarun tana ati re nyibawang sitian ju puru sawa, ngga gati ju puru sawa rŭŭ-paya Sabbath adi bŭn dog sita.”

EZRA 1:11

Prungun-i agi, 5,400 makuk mas ngga makuk pirak samŭn kayuh kayuh adi bŭkŭn adi Sheshbazzar taban kan ayŭh ngga bara daya adi dog taran matak ngga ayŭh so Babylon ka Jerusalem.

EZRA 7:19

Kuu an nyerah ka Tapa di Jerusalem sopŭrŭg pingakas adi muko dog nggen di kuu yŭn dog pakai darŭm Ramin TUHAN.

PITAS 21:30

Pinyibijak manusia, pinyimirati, pinyipitar, sopŭrŭg-i mating guna kambŭi TUHAN mbŭh rawan ata.

JEREMIAH 20:5

Aku gŭh re tandah pinganyu ngara pirinda sopŭrŭg pinyikaya kupo ati ka sirapas sopŭrŭg kayuh ngga buat-rata adi darŭm-i, samŭn rata raja raja Judah, ka taban ngga bu sopŭrŭg kayuh ka Babylonia.

JEREMIAH 27:21

“Dingah kayuh adi Aku, adi TUHAN Bisa-pŭrŭg, adi Tapa Israel, nang pasar rata adi dog tingge di Ramin Ku ka adi di istana raja di Jerusalem:

JEREMIAH 27:7

Sopŭrŭg bangsa re bituan di ayŭh, ka ngara re bituan di anak-i ka di sukuh-i ndŭg ka tika adi ngga bangsa-i rabu. Komŭnŭ bangsa-i re bituan di bangsa adi bikuasa ngga di raja raja adi bās.

JEREMIAH 29:10

“TUHAN nang, ‘Kan ju puru sawa tipuh Babylonia mbŭh ripuan, Aku re kimat angān ka ingat janji Ku an taban angān ngga pari.

JEREMIAH 32:5

Zedekiah re dog taban ngga bu ka Babylonia, ka ayŭh re rŭŭ diginŭ ndŭg ka Aku ngukum ayŭh. Sunggu kambŭi ayŭh rawan daya Babylonia, ayŭh dŭh re manang. Aku, adi TUHAN, mbŭh minyu.”

JEREMIAH 34:2

TUHAN, adi Tapa Israel, bada aku di ka nang di Zedekiah adi raja Judah, “Aku, adi TUHAN, re nyerah kupo ati ka raja Babylonia, ka ayŭh re badang-i.

JEREMIAH 34:3

Kuu re dŭh dapŭd bu pirupas adŭp mu; kuu re dog nakap ka dog nggen di ayŭh. Kuu re situra jawin ngga ayŭh ka minyu ngga ayŭh; komŭnŭ kuu re di ka Babylonia.

JEREMIAH 34:5

Kuu re kabŭs ngga sanang, ka nimun daya badang kimanyan kan ngara kubur tayung-babuk mu, adi bara raja diŭ so kuu, simŭnŭ gŭh ngara re badang kimanyan yŭn mu. Ngara re ngurid kuu ka nang, ‘Raja ami mbŭh kabŭs!’ Aku, adi TUHAN, mbŭh minyu.”

DANIEL 5:23

Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

DANIEL 9:2

Darŭm sibungas sawa pinyipritah-i, aku nakit basa surat surat kudus ka bipikir pasar 70 sawa Jerusalem jadi tibawang, nanyam ka adi mbŭh TUHAN kidaan di nabi Jeremiah.