JEREMIAH 27:15 - Hakcipta - Biatah Bidayuh

¹⁵ TUHAN mbŭh nang adŭp-I mating pait ngara; ka ngara mbŭh kadong angān ngga adŭn-I. Ngapŭi Ayŭh re pibu angān, ka angān re dog siŭ, angān ngga nabi nabi anŭ adi kadong angān.”

JEREMIAH 27:15 ပူးပေါင်းရင်းမြစ်များ

2 KRONIKEL 25:16

Diŭ so nabi anŭ kubo piminyu-i, Amaziah nang, “So sinde kieh bada kuu jadi tukang pitayan yŭn raja? Dŭh tia minyu, kambŭi dŭh aku bada kuu dog siŭ!” Nabi anŭ ko minyu, pak sibayuh anŭ ayŭh muko nang, “Madin aku puan nang Tapa mbŭh raan siŭ kuu sabab sopŭrŭg pingandai mu ati, buang kuu mbŭh nyibireu pinganang ku.”

JEREMIAH 14:14

Pak TUHAN nam, “Bara nabi pakai adŭn Ku ngga kadong daya; Aku mating pait ngara, mating gŭh Aku pesan bait minyu ngga ngara. Ngara minyu pasar kayuh adi ngara kiris keya ka darŭm pŭmŭh, pak anŭ dŭh so Aku. Kayuh adi ngara ninjau inŭh kayuh adi dŭh biguna, kayuh adi adŭp ngara nimbur.

JEREMIAH 20:6

Ka kuu, Pashhur, kuu ngga sopŭrŭg di rawang mu re dog nakap ka dog taban ngga bu ka Babylonia. Diginŭ kuu re kabŭs ka dog kubur, samah ngga sopŭrŭg dingan mu adi ko dingah pinganang kadong mu.’ ”

JEREMIAH 23:15

“Ngapŭi meh, ati inŭh kayuh adi Aku, adi TUHAN Bisa-pŭrŭg, nang pasar bara nabi di Jerusalem: Aku re nggen di ngara pimuruh adi pa'it bada ngara man ka rasun ndu piin nok, sabab ngara mbŭh bada sopŭrŭg daya di ndi tarun tana rais dŭh tŭtŭd di Aku.”

JEREMIAH 23:21

TUHAN nang, “Aku mating pait bara nabi anŭ, pak ngara mbŭh panu sadi adŭp-i. Aku mating nggen ani ani pinganang di ngara, pak ngara babŭ gŭh minyu ngga adŭn Ku.

JEREMIAH 23:25

Aku puan kayuh adi bara nabi anŭ mbŭh nang, adi minyu kadong ngga adŭn Ku ka kidaan di daya nang Aku mbŭh nggen pinganang Ku di ngara darŭm pŭmŭh.

JEREMIAH 27:10

Ngara nipu angān ndŭg ka angān dog taban jo so rais adŭp ngan. Aku re pibu angān, ka angān re dog pirabur.

JEREMIAH 29:8

Aku, adi TUHAN, adi Tapa Israel, bakan angān bada dŭh tandah adŭp ngan dog nipu bara nabi adi rŭŭ di ruang ngan bait dog nipu tadŭ tadŭ adi bŭkŭn adi nang adŭp-i pandai ninjau tipuh adi re. Dŭhnyah mbit piduri di pŭmŭh pŭmŭh ngara.

JEREMIAH 29:9

Ngara kadong angān pakai adŭn Ku. Aku mating pait ngara. Aku, adi TUHAN Bisa-pŭrŭg, mbŭh minyu.’

JEREMIAH 38:22

Aku kiris keya ka darŭm pŭmŭh sopŭrŭg dayung adi babŭ di istana raja Judah dog taban ka bara pingubak soldadu raja Babylonia. Dingah kayuh adi ngara nang darŭm ngara panu: ‘Raja anŭ dog nipu bara jerā adŭp-i, ngara mbŭh nguasa ayŭh. Ka madin amai kaja-i mbŭh timŭtŭm di tawang, bara jerā-i mbŭh tagan ayŭh.’ ”

MATTHEW 15:14

“Dŭhnyah piduri ngara! Ngara anŭ pinguru adi karak yŭn bara adi karak; kan ndi naan daya karak kayak ndi naan daya karak, soduwŭh-i re rabu darŭm parit.”

MATTHEW 24:24

Amai bara Kristus kadong ka bara nabi kadong re timbur; ngara re ndai pingandai-nginga ka pingandai-saruh ngga nipu ndŭg ka bara daya adi Tapa mbŭh mien ani, kambŭi tungang.

PINANDŬNG 19:20

Pak dāng anŭ dog nakap, samah ngga nabi kadong adi ko ndai pingandai-nginga di sirung jawin-i. (Ngga pingandai-nginga anŭ ayŭh ko nyibudo ngara adi biyŭn tandā dāng anŭ samŭn ngara adi ko nyambah tibudo dāng anŭ.) Dāng ngga nabi kadong anŭ dog taran udip udip-i ka darŭm danu apui adi bijagu ngga mirirang.