JEREMIAH 25:7 - Hakcipta - Biatah Bidayuh

⁷ Pak adŭp TUHAN nang, angān inŭh adi abah tunda pinganang-I. Angān tanŭ ka mbŭh kinuas Ayŭh ngga pingandai ngan adi nyambah tibudo ka mbŭh bada ukum-I nyatŭk adŭp ngan.

JEREMIAH 25:7 ပူးပေါင်းရင်းမြစ်များ

2 RAJA 17:17

Ngara nyadis anak anak dari ngga anak anak dayung adŭp ngara ndu sadis badang ka tapa adat karŭm. Ngara bisiken ngga daya adi pandai minyu ngga simangi daya adi mbŭh kabŭs samŭn ngara adi pandai kidaan nasip. Ngara mbŭh bigŭtŭ ndai kayuh adi sarah di sirung jawin TUHAN, ka mbŭh kinuas Ayŭh.

2 RAJA 21:15

Aku re ndai simŭnŭ di daya Ku sabab ngara mbŭh bidosa rawan Aku ka mbŭh kinuas Aku so jaman tayung-babuk ngara ruah so Egypt ndŭg andu ati.”

2 KRONIKEL 24:19

TUHAN pait nabi nabi bada bakan ngara da pari ka adŭp-I, pak bara daya abah dingah.

NEHEMIAH 9:26

“Pak daya Mai rawan ka dŭh tŭtŭd di Kaam; ngara nyipunok Ukum-adat Mai. Ngara siŭ nabi nabi adi bakan ngara, adi kidaan di ngara bada pari ka Kaam. Ngara ari ngamun Kaam,

PITAS 8:36

Ngara adi dŭh dapŭd aku kandam adŭp-i; daya adi tiru di aku rindu di pinyikabŭs.”

JEREMIAH 19:15

nang TUHAN Bisa-pŭrŭg, adi Tapa Israel, mbŭh nang, “Aku re taban ka kupo ati ka di barang kupo adi sindŭk-i sopŭrŭg ukum adi Aku muko nang, sabab angān baking ka abah dingah pinganang Ku.”

JEREMIAH 22:21

TUHAN minyu ngga angān di tipuh angān mujur ka kaya, pak angān abah dingah. Simŭnŭ inŭh angān sitŭkŭd udip ngan; angān abah nundok di TUHAN.

JEREMIAH 25:8

“Ngapŭi meh, sabab angān dŭh dingah pinganang-I, TUHAN Bisa-pŭrŭg nang,

JEREMIAH 29:19

Kayuh anŭ re jadi di ngara sabab ngara dŭh tunda pinganang adi Aku ari pait ka ngara so baba bara urun Ku adi bara nabi. Ngara abah dingah pinganang.

JEREMIAH 44:7

“Ngapŭi meh Aku, adi TUHAN Bisa-pŭrŭg, adi Tapa Israel, madin siken mani angān ndai kayuh adi arap mun anŭ di tunduh adŭp ngan. Angān raan bada pinyirusag nyatŭk bara dari ngga bara dayung, anak-anya ngga anak anak pira, isa daya ngan mating tia dŭm kah?

JEREMIAH 44:8

Mani angān bada Aku baji ngga pingandai ngan adi nyambah tibudo ka nyadis ka tapa bŭkŭn digiti di Egypt, tarun yŭn ngan rŭŭ madin? Angān ndai simŭnŭ ngga pirabur adŭp ngan kah, isa barang bangsa di ong ngamun angān ka pakai dŭn ngan ndu pangu?

ZECHARIAH 1:4

Dŭhnyah mun tayung-babuk ngan. Ndun jah bara nabi nggen di ngara pinganang Ku, bada ngara ko bidosa. Pak ngara abah dingah Aku bait nundok di Aku.

DITRONOMI 32:21

Amai sabab tibudo ngara, ngara mbŭh bada Aku baji, Aku sina sabab tibudo adi ngara kadŭn tapa, tapa tapa adi dŭh sawŭ tapa. Jadi Aku re pakai bangsa adi dŭh sawŭ bangsa ngga bada ngara baji; Aku re bada ngara sina di bangsa adi budo.