JEREMIAH 24:9 - Hakcipta - Biatah Bidayuh

⁹ Aku re bada pinyirusag nyatŭk ngara ndŭg ka sopŭrŭg bangsa di ong taru. Daya re nyirimbe ngara, ka bitapat pasar ngara, ka ngamun ngara, ka pakai dŭn ngara ndu pangu di barang yŭn Aku bada ngara papar sasah.

JEREMIAH 24:9 ပူးပေါင်းရင်းမြစ်များ

1 RAJA 9:7

Aku re kadi daya Ku Israel so tarun tana adi Aku mbŭh nggen di ngara. Aku re tagan gŭh Ramin ati adi Aku mbŭh nyiberkat ndu tarun yŭn Aku dog nyambah. Daya di barang yŭn re tawŭh ka ngamun Israel.

2 KRONIKEL 7:20

Aku re taran angān so tarun tana adi Aku nggen di angān, ka Aku re tagan Ramin ati adi Aku mbŭh nyikudus ndu tarun yŭn Aku dog nyambah. Daya di barang yŭn re tawŭh-i ka ngamun-i.

MAZMUR 69:11

aku kasŭk piraka daya ngurid, ngara tawŭh aku.

ISAIAH 43:28

ka pimritah ngan nyembar yŭn pinyirŭŭ Ku. Jadi Aku bada pinyirusag nyatŭk Israel; Aku tandah daya Ku dog pimangŭh.”

ISAIAH 65:15

Daya Ku adi Aku mbŭh mien re pakai dŭn ngan ndu pangu. Aku, adi TUHAN Raja, re siŭ angān. Pak Aku re nggen dŭn adi bauh di ngara adi nundok di Aku.

JEREMIAH 15:4

Aku re bada sopŭrŭg daya di ong tikaran kiris ngara sabab kayuh adi Manasseh anak Hezekiah ko ndai di Jerusalem kan ayŭh jadi raja Judah.”

JEREMIAH 19:8

Aku re bada pinyirusag adi bisā nyatŭk kupo ati ndŭg ka daya adi murah re gŭgŭh ka nginga.

JEREMIAH 25:18

Jerusalem ngga sopŭrŭg kupo kupo Judah, samah ngga raja raja ka bara pinguru ngara, dog bada nok so dieh, isa ngara jadi keya ka tarun tana-pajam, kayuh adi sipŭ ka adi gŭgŭh daya kiris, ka isa daya pakai dŭn ngara ndu pangu, nimun adi mbŭh ngara ndai ndŭg andu ati.

JEREMIAH 26:6

Kambŭi angān babŭ abah dingah pinganang, Aku re ndai di Ramin Ku ati kayuh adi Aku mbŭh ndai di Shiloh, ka sopŭrŭg bangsa di ong re pakai dŭn kupo ati ndu pangu.”

JEREMIAH 29:18

Aku re tadak ngara ngga perang, udip sikirau, ka andam, ka sopŭrŭg bangsa di ong re taru kan ngara kiris pimudip ngara. Di barang yŭn Aku bada ngara papar sasah, daya re gŭgŭh ka taru kiris kayuh adi jadi di ngara. Daya re napat ngara ka pakai dŭn ngara ndu pangu.

JEREMIAH 29:22

Kan daya adi dog taban ngga bu jadi daya-takap so Jerusalem di ka Babylonia raan mangu daya, ngara re nang, ‘Isa-i TUHAN ndai di kuu mun Zedekiah ngga Ahab, adi raja Babylonia badang udip udip ngara!’

JEREMIAH 34:17

Jadi madin, Aku, adi TUHAN, nang angān dŭh nundok di Aku: angān dŭh nggen pinyirupas di dingan ngan adi samah bangsa ngga adŭp ngan. Sabab anŭ, Aku re nggen di angān pinyirupas: pinyirupas kabŭs biperang, kabŭs dog andam, ka kabŭs sikirau. Aku re bada barang bangsa di ong tikaran kiris kayuh adi Aku ndai di tunduh ngan.

JEREMIAH 42:18

“TUHAN, adi Tapa Israel, nang, ‘Nimun baji bangok Ku mbŭh nyatŭk daya Jerusalem, simŭnŭ inŭh bangok Ku re nyatŭk angān kambŭi angān di ka Egypt. Angān re tikŭnŭd daya kiris; daya re ngamun angān ka pakai dŭn ngan ndu pangu. Angān re dŭh tia kiris tarun yŭn ati dinge.’ ”

JEREMIAH 44:12

Ka bara daya Judah adi babŭ di Judah ka adi mbŭh bigŭtŭ an di ka rŭŭ di Egypt, Aku re manŭn re pirabur ngara. Sopŭrŭg ngara, adi bās ngga adi sŭ, re kabŭs di Egypt, darŭm perang bait sabab sikirau. Ngara re jadi kayuh adi tikŭnŭd daya kiris; daya re ngamun ngara ka pakai dŭn ngara ndu pangu.

JEREMIAH 44:13

Aku re ngukum ngara adi rŭŭ di Egypt, mun Aku ngukum Jerusalem pakai perang, udip sikirau, ka andam.

JEREMIAH 44:22

Ndŭg andu ati tarun tana ngan nyibawang ka mating daya rŭŭ dieh. Tarun tana ngan anŭ mbŭh jadi kayuh adi tikŭnŭd daya kiris, ka daya pakai dŭn-i ndu pangu sabab TUHAN mbŭh dŭh tia tan kiris kraja pingandai arap ngan ngga udip ginaka ngan.

EZEKIEL 23:46

Ati inŭh kayuh adi TUHAN Raja nang: “Taban bara daya bada pitaru ka mirupak ngara.

EZEKIEL 25:3

Bada ngara dingah kayuh adi Aku, adi TUHAN Raja, nang: angān gaŭn kiris Ramin Ku dog nyembar, kiris tarun tana Israel dog pirabur, kiris daya Judah dog taran so rais adŭp ngara.

EZEKIEL 26:2

“Manusia,” Ayŭh nang, “ati inŭh kayuh adi daya kupo Tyre tarā. Ngara nyirais nang, ‘Jerusalem mbŭh rabur! Kuasa dagang-i mbŭh mating tia! Jerusalem dŭh re tia jadi rawan ta!’

EZEKIEL 5:8

Ngapŭi Aku, adi TUHAN Raja, kidaan di kuu nang Aku ati inŭh pinganyu mu. Aku re ngukum kuu di sirung jawin sopŭrŭg bangsa.

DITRONOMI 28:25

“TUHAN re bada pinganyu ngan manang rawan angān. Angān re nyerang pinganyu ngan so ndi parad pak angān re bu mangān ngara so barang parad, ka sopŭrŭg bangsa di ndi ong ong re kimŭtŭr taru kan ngara kiris kayuh adi jadi di angān.

DITRONOMI 28:37

Di rais adi yŭn TUHAN re bada angān papar sasah, bara daya re gŭgŭh kiris kayuh adi mbŭh jadi di angān; ngara re napat angān ka tawŭh angān.