JEREMIAH 24:10 - Hakcipta - Biatah Bidayuh

¹⁰ Aku re bada agi perang, udip sikirau, ka andam di yŭn ngara ndŭg ka ngara mating tia dŭm di tarun tana adi Aku mbŭh nggen di ngara ka di tayung-babuk ngara.”

JEREMIAH 24:10 ပူးပေါင်းရင်းမြစ်များ

1 RAJA 14:15

TUHAN re ngukum Israel; Israel re biguyut mun tŭngŭn reed biguyut di sungi. Ayŭh re dimbut daya Israel so tarun tana adi kana ati adi Ayŭh muko nggen di tayung-babuk ngara, ka Ayŭh re bada ngara papar sasah ndŭg pah majeh Yang Euphrates, sabab ngara bada Ayŭh baji darŭm ngara ndai tibudo tapa Asherah.

ISAIAH 51:19

Pinyirusag adi duwŭh rupet mbŭh nyatŭk kuu: tarun tana mu mbŭh rusag bada perang, ka daya mu mbŭh sikirau. Mating daya masi di kuu.

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

JEREMIAH 15:2

Kan ngara siken di kuu kamaki ngara re bu, kidaan di ngara nang Aku mbŭh nang: Agi dog natu re kabŭs mandam, simŭnŭ inŭh ngara re! Adi bŭkŭn dog natu re kabŭs biperang, simŭnŭ inŭh ngara re! Agi dog natu re kabŭs sikirau, simŭnŭ inŭh ngara re! Adi bŭkŭn dog natu re dog taban ngga bu jadi daya-takap, simŭnŭ inŭh ngara re!

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 19:7

Di tarun ati Aku re pijimŭ sopŭrŭg pusar daya Judah ngga daya Jerusalem. Aku re bada bara pinganyu manang ngarah ngara ka siŭ ngara darŭm perang. Aku re tandah tadang tadang ngara dog man manuk ngga dāng dāng tarun.

JEREMIAH 21:9

Tadŭ tadŭ daya adi rŭŭ di kupo re dog siŭ, bait-i darŭm perang, bait-i kabŭs sikirau, bait-i dog andam. Pak ngara adi ruah so kupo ka nyerah adŭp ngara ka daya Babylonia adi aŭn nyerang kupo, re dŭh dog siŭ; ngara re siramat.

JEREMIAH 27:8

“Pak kambŭi tadŭ tadŭ bangsa bait pritah abah nundok di pimritah-i, Aku re ngukum bangsa anŭ ngga perang, ngga udip sikirau, ka ngga andam, ka ko anŭ Aku tandah Nebuchadnezzar batur batur pirabur-i.

JEREMIAH 29:17

TUHAN Bisa-pŭrŭg nang, ‘Aku taban perang, udip sikirau, ka andam ka ngara, ka bada ngara mun buwa ara adi mbŭh raru madam ka dŭh dapŭd dog man.

JEREMIAH 29:18

Aku re tadak ngara ngga perang, udip sikirau, ka andam, ka sopŭrŭg bangsa di ong re taru kan ngara kiris pimudip ngara. Di barang yŭn Aku bada ngara papar sasah, daya re gŭgŭh ka taru kiris kayuh adi jadi di ngara. Daya re napat ngara ka pakai dŭn ngara ndu pangu.

JEREMIAH 32:24

“Daya Babylonia mbŭh nugung tana ngga nyikapung kupo ka sirabut-i, ka ngara mbŭh nyerang madin. Perang, udip sikirau, ka andam re bada kupo ati rabu ka darŭm tangan ngara. Kaam dapŭd kiris sopŭrŭg kayuh, adi Kaam mbŭh nang, jadi bitŭtŭk.

JEREMIAH 32:25

Sunggu-i simŭnŭ, TUHAN Raja, Kaam inŭh adi mritah aku bada miris tana di sirung jawin bara saksi, sunggu kupo ati mbŭh re dog sirabut daya Babylonia.”

JEREMIAH 34:17

Jadi madin, Aku, adi TUHAN, nang angān dŭh nundok di Aku: angān dŭh nggen pinyirupas di dingan ngan adi samah bangsa ngga adŭp ngan. Sabab anŭ, Aku re nggen di angān pinyirupas: pinyirupas kabŭs biperang, kabŭs dog andam, ka kabŭs sikirau. Aku re bada barang bangsa di ong tikaran kiris kayuh adi Aku ndai di tunduh ngan.

JEREMIAH 42:17

Sopŭrŭg adi bigŭtŭ raan rŭŭ di Egypt re kabŭs darŭm perang, bait kabŭs sikirau, bait kabŭs dog andam. Ndi naan mating gŭh re siramat, ndi naan mating gŭh re dapŭd pirupas adŭp-i so pinyirusag adi Aku re bada nyatŭk ngara.’

JEREMIAH 42:22

Ngapŭi meh, ingat ati: angān re kabŭs darŭm perang, bait sabab sikirau, bait sabab andam, di tarun tana adi angān raan rŭŭ dieh.”

JEREMIAH 5:12

Daya TUHAN mbŭh nyipunok Ayŭh ka mbŭh nang, “Ayŭh re dŭh ndai ani ani. Kieh re dŭh dog nyatŭk pinyusah; kieh re dŭh kiris perang bait dog apag.”

JEREMIAH 9:15

Ngapŭi dingah kayuh adi Aku, adi TUHAN Bisa-pŭrŭg, adi Tapa Israel, re ndai: Aku re nggen di daya Ku anak anak kayuh-udip adi pa'it bada ngara man ka rasun bada ngara nok.

JEREMIAH 9:16

Aku re bada ngara papar sasah di dupan bangsa bangsa adi dŭh ngara bait tayung-babuk ngara puan, ka Aku re pait bara tibaran soldadu bada nyerang ngara ndŭg ka Aku mbŭh batur batur pirabur ngara.”

EZEKIEL 33:27

“Kidaan di ngara Aku, adi TUHAN Raja, bakan ngara nang siragi Aku ati Tapa adi udip, daya adi rŭŭ di kupo kupo adi rubuh anŭ re dog siŭ. Ngara adi rŭŭ di sapa rais re dog man dāng tarun. Ngara adi bisukan di darŭd darŭd ka di tāng re kabŭs bada sesak-andam.

EZEKIEL 6:11

TUHAN Raja nang, “Mŭrŭs tangan mu! Sigudab ngga kaja mu! Sien darŭm susah sabab sopŭrŭg kayuh adi arap ngga adi sipŭ daya Israel mbŭh ndai. Ngara re kabŭs darŭm perang, kabŭs sabab apag, ka kabŭs sabab andam.

EZEKIEL 7:15

Agi biperang di aran raya, ka daya mandam ngga adi sikirau agi di ramin. Tadŭ daya di sapa tarun tana rais re kabŭs biperang, ka tadŭ daya di kupo re kabŭs mandam ka kabŭs sikirau.

DITRONOMI 28:21

Ayŭh re pait andam bigati gati ka angān ndŭg ka ndi naan mating gŭh angān re dŭm di tarun tana anŭ adi angān re ngisi.

PINANDŬNG 6:8

Aku tingga ka kiris kuda adi pusat. Pinunggang-i inŭh dog kadŭn Pinyikabŭs, ka Sibayan agi tunda, sindŭk di punok. Ngara dog nggen kuasa di tunduh ndi utung darŭm pat so ong ati, da siŭ daya ngga biperang, ngga apag, ngga andam, ka ngga dāng tarun.