JEREMIAH 23:8 - Hakcipta - Biatah Bidayuh

⁸ Pak, ngara re bipayu pakai adŭn ku, Tapa adi udip, adi taban daya Israel ngga ruah so tarun tana utara ka so sopŭrŭg tarun tana rais adi bŭkŭn di yŭn Ku bada ngara papar sasah. Komŭnŭ ngara re rŭŭ di tarun tana adŭp ngara.”

JEREMIAH 23:8 ပူးပေါင်းရင်းမြစ်များ

ISAIAH 11:11

Kan andu anŭ mandŭg, TUHAN re pakai dinge kuasa-I ngga taban pari daya-I adi dŭm di Assyria ngga Egypt, di tarun tana Pathros, Ethiopia, Elam, Babylonia, ngga Hamath, ka di tarun tana di bŭngŭn rawŭt ngga di purau purau di rawŭt.

ISAIAH 14:1

TUHAN re masi di daya-I Israel ka mien ngara bada jadi daya adŭp-I dinge. Ayŭh re bada ngara udip di tarun tana adŭp ngara dinge, ka daya tami re mandŭg ka sua rŭŭ diginŭ ayō ngara.

JEREMIAH 16:14

TUHAN nang, “Tika-i re mandŭg adi ngga daya re dŭh tia bipayu pakai adŭn Ku, Tapa adi udip, adi taban daya Israel ruah so tarun tana Egypt.

JEREMIAH 16:15

Pak, ngara re bipayu pakai adŭn Ku, Tapa adi udip, adi taban daya Israel ruah so tarun tana di utara ka so sopŭrŭg rais adi bŭkŭn adi yŭn Aku bada ngara papar sasah. Aku re taban ngara ngga pari ka rais adŭp ngara, ka tarun tana adi Aku nggen di tayung-babuk ngara. Aku, adi TUHAN, mbŭh minyu.”

JEREMIAH 23:3

Aku re nguruk daya Ku adi bŭkŭn so rais rais adi yŭn Ku mbŭh bada ngara papar sasah, ka Aku re taban ngara ngga pari ka tarun tana rais adŭp ngara. Ngara re biyŭn bagŭ anak ka re bitambah bagŭ.

JEREMIAH 29:14

Sawŭ, Aku nang, angān re dapŭd Aku, ka Aku re pari angān ka tarun tana adŭp ngan. Aku re nguruk angān so barang rais ka so barang tarun yŭn adi yŭn Ku ko bada angān papar sasah, ka Aku re taban angān pari ka rais asar ngan. Aku, adi TUHAN, mbŭh minyu.’

JEREMIAH 30:10

“Daya Ku, dŭhnyah taru; daya Israel, dŭhnyah tikaran. Aku re nyiramat angān so tarun tana adi jo anŭ, tarun tana adi yŭn ngan jadi daya-takap. Angān re pari ka rais adŭp ngan ka rŭŭ darŭm damai; angān re siramat, ka mating daya re tia bada angān taru.

JEREMIAH 30:3

sabab tika-i re mandŭg adi ngga Aku pari daya Ku, Israel ngga Judah. Aku re taban ngara ngga pari ka tarun tana adi Aku mbŭh nggen di tayung-babuk ngara; ngara re pari dapu-i. Aku, adi TUHAN, mbŭh minyu.”

JEREMIAH 31:8

Aku re taban ngara so utara ka nguruk ngara so bŭngŭn bŭngŭn ong. Adi karak ngga adi bajang re mandŭg ngga ngara, dayung adi bite ngga ngara adi re biranak. Ngara re pari jadi ndi tibande bangsa.

JEREMIAH 32:37

Aku re nguruk bara daya so sopŭrŭg rais adi yŭn Ku mbŭh bada ngara papar sasah amai baji ngga bangok Ku, ka Aku re taban ngara ngga pari ka tarun yŭn ati ka bada ngara rŭŭ digiti ngga siramat.

JEREMIAH 8:3

Ka daya so bangsa adi arap ati adi gibabŭ udip, adi rŭŭ di rais rais adi yŭn Ku mbŭh bada ngara papar sasah, re raan dŭ kabŭs so ngara udip. Aku, adi TUHAN Bisa-pŭrŭg, mbŭh minyu.”

EZEKIEL 28:25

TUHAN Raja nang, “Aku re taban ngga pari daya Israel so rais rais adi yŭn Ku ko bada ngara papar sasah, ka sopŭrŭg bangsa re puan nang Aku ati kudus. Daya Israel re rŭŭ di tana adŭp ngara, ka di tarun tana adi Aku mbŭh nggen di urun Ku Jacob.

EZEKIEL 34:13

Aku re tambit ngara so rais rais tami, nguruk ngara, ka taban ngara pari ka tarun tana adŭp ngara. Aku re nguru ngara pari ka darŭd darŭd ngga anak anak sungi di Israel ka re paan ngara di tarun tana kupai adi barŭm.

EZEKIEL 36:24

Aku re tambit angān so barang bangsa ngga rais ka taban angān pari ka tarun tana adŭp ngan.

EZEKIEL 36:35

Barang naan daya re nang munki tana anŭ, adi muko jadi tarun tana-pajam, mbŭh jadi Teya Eden, ka munki kupo kupo adi muko rubuh, dog mirupak, ka jadi tibawang, madin mbŭh brisi ngga daya ka mbŭh bikuta.

EZEKIEL 37:25

Ngara re udip di tarun tana adi Aku nggen di urun Ku Jacob, tarun tana di yŭn tayung-babuk ngara rŭŭ. Ngara re rŭŭ diginŭ ndŭg situi tui, ka simŭnŭ gŭh bara anak ngara samŭn bara sesang ngara. Raja adi mun urun Ku David re mritah ngara ndŭg situi tui.

EZEKIEL 39:28

Komŭnŭ daya Ku re puan nang Aku ati TUHAN adi Tapa ngara. Ngara re puan anŭ, sabab Aku bada ngara dog taran ka jadi daya-takap ka madin nguruk ngara ka taban ngara ngga pari ka tarun tana adŭp ngara; ndi naan mating gŭh dog tingge.

JOEL 3:7

Madin Aku re taban ngara ngga ruah so tarun tarun adi yŭn ngan jua ngara. Aku re ndai di angān kayuh adi angān ko ndai di ngara.

MICAH 7:15

Ndai pingandai-nginga yŭn ami, TUHAN, nimun adi muko Mai ndai di tika Kaam taban kieh ngga ruah so Egypt.

ZEPHANIAH 3:20

Tika-i re mandŭg! Aku re taban mari daya mu adi papar sasah; Aku re bada kuu timagah di ndi ong ong ka bada kuu udip mujur dinge.” TUHAN mbŭh minyu.