JEREMIAH 23:6 - Hakcipta - Biatah Bidayuh

⁶ Kan Ayŭh jadi raja, daya Judah re siramat, ka daya Israel re udip darŭm damai. Ayŭh re dog kadŭn ‘TUHAN adi Pinyikudip Ta’.

JEREMIAH 23:6 ပူးပေါင်းရင်းမြစ်များ

1 RAJA 4:25

Sitŭkŭd ayŭh udip, daya di Judah ngga di Israel udip ngga siramat, barang rawang biyŭn teya anggor ngga risŭn ara adŭp-i.

MAZMUR 45:5

Reja-panah mai reja, ka-i tabŭk atin bara pinganyu mai; bangsa bangsa re rabu di kaja mai.

PINYIRUAH 9:26

Gadung tana Goshen adŭ adi yŭn bara daya Israel rŭŭ, adi dŭh dog ujen batuh.

ISAIAH 2:4

Ayŭh re nggen bisara di bangsa bangsa bās. Ngara re maba pedang bada jadi sinda bajak, jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

ISAIAH 32:1

Re agi raja adi mritah ngga pinŭnggŭn, ka pinguru pinguru bangsa adi mritah ngga pinyitŭnggŭn.

ISAIAH 32:18

Daya Tapa re dŭh tia gapang, ka ramin arŭn ngara re bamai buang siramat,

ISAIAH 33:22

Sopŭrŭg pingakas di kapar anŭ dŭh biguna; rayar-i dŭh dapŭd dog murai! Ata re sirapas sopŭrŭg pinyikaya bara tibaran soldadu pinganyu, ka kiang-i re raru bagŭ ndŭg ka daya bajang re sua dapŭd utung. Adŭp TUHAN re jadi raja ta; Ayŭh re mritah ata ka grindung ata.

ISAIAH 33:5

TUHAN inŭh raru bās! Ayŭh nguasa sopŭrŭg kayuh. Ayŭh re ngisi Jerusalem ngga pinyitŭnggŭn ka pinŭnggŭn

ISAIAH 35:9

Singah re mating diginŭ; mating dāng mangah re mutas aran anŭ. Ngara adi TUHAN mbŭh nyiramat re panu mari kadŭg aran anŭ.

ISAIAH 42:6

“Aku, adi TUHAN, mbŭh bagan kuu ka nggen di kuu kuasa ngga pimanu pinyitŭnggŭn di ong. So kuu Aku re ndai simanya ngga sopŭrŭg daya; so kuu Aku re taban jawa ka bangsa bangsa.

ISAIAH 45:17

Pak Israel dog nyiramat TUHAN, ka pimanang-i tan adu adu; daya-I re dŭh dog pimangŭh.’ ”

ISAIAH 54:17

Pak mating sinyata re dapŭd bada kuu kinaman; kuu re biyŭn pinyinam ngga nam daya adi nyarah kuu. Aku re ngibān urun urun Ku ka nggen pimanang di ngara.” TUHAN mbŭh minyu.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

JEREMIAH 29:11

Aku sadi adŭ puan atur adi Aku biyŭn yŭn ngan, atur an taban ka angān pimudip mujur, dŭh pinyirusag, atur adi taban tipuh adi re, adi angān harap.

JEREMIAH 30:10

“Daya Ku, dŭhnyah taru; daya Israel, dŭhnyah tikaran. Aku re nyiramat angān so tarun tana adi jo anŭ, tarun tana adi yŭn ngan jadi daya-takap. Angān re pari ka rais adŭp ngan ka rŭŭ darŭm damai; angān re siramat, ka mating daya re tia bada angān taru.

JEREMIAH 31:23

TUHAN Bisa-pŭrŭg, adi Tapa Israel, nang, “Kan Aku pari daya Ku ka tarun tana ngara, ngara re pari nang darŭm tarun tana Judah ka darŭm kupo kupo, ‘Isa-i TUHAN nyiberkat sandah kudus Jerusalem, yŭn kudus di yŭn-I rŭŭ.’

JEREMIAH 32:37

Aku re nguruk bara daya so sopŭrŭg rais adi yŭn Ku mbŭh bada ngara papar sasah amai baji ngga bangok Ku, ka Aku re taban ngara ngga pari ka tarun yŭn ati ka bada ngara rŭŭ digiti ngga siramat.

JEREMIAH 33:15

Di tika anŭ Aku re mien bada jadi raja ndi naan so sesang David, adi tŭnggŭn. Raja anŭ re ndai kayuh adi batur ka adi tŭnggŭn di ndi tarun tana rais.

JEREMIAH 33:16

Daya Judah ngga daya Jerusalem re dog nyiramat ka re udip darŭm damai. Kupo anŭ re dog kadŭn ‘TUHAN adi Pinyikudip Ta’.

EZEKIEL 21:27

Pirabur, pirabur! Sawŭ, Aku re bada kupo anŭ rabur. Pak ati dŭh re jadi sibayuh sianŭ adi Aku mbŭh mien bada ngukum kupo ati mbŭh mandŭg. Di tika anŭ Aku re nggen-i di ayŭh.

EZEKIEL 28:26

Ngara re rŭŭ diginŭ ngga siramat. Ngara re pijog ramin ramin ka ndai teya anggor. Aku re ngukum sopŭrŭg rasū ngara adi ko ngamun ngara, ka Israel re udip darŭm pagŭng. Ka ngara meh re puan nang Aku ati TUHAN adi Tapa ngara.”

EZEKIEL 38:14

Jadi TUHAN Raja pait aku bada kidaan di Gog kayuh adi Ayŭh nang di ayŭh: “Madin sitadŭn daya Ku Israel udip ngga siramat, kuu re matak

EZEKIEL 48:35

Prungun kŭd sindung di sopŭrŭg parad inŭh 9 kilomita. So madin kupo anŭ an dog kadŭn, “TUHAN agi digiti!”

DANIEL 9:24

“Ju kari ju puru sawa inŭh ambu tipuh adi Tapa mbŭh miratak yŭn-I re pirupas daya mu ngga kupo kudus mu so dosa ngga arap. Dosa re dog apun ka pinyitŭnggŭn adi tan adu adu re dog pijog, isa kayuh adi dog kiris keya ka darŭm pŭmŭh ngga pinganang-binabi anŭ jadi bitŭtŭk, ka Ramin TUHAN adi kudus re pari dog nitah.

DANIEL 9:7

Kaam, TUHAN, ari ndai kayuh adi batur, pak kieh mbŭh ari nggen mangŭh di adŭp ami. Kayuh ati inŭh sawŭ pasar sopŭrŭg ami adi rŭŭ di Judea ngga di Jerusalem, simŭnŭ gŭh pasar bara daya Israel adi Kaam mbŭh bada papar sasah di barang yŭn di rais rais adi sindŭk ngga adi jo sabab ngara dŭh tŭtŭd di Kaam.

HOSEA 1:11

Daya Judah ngga daya Israel re jadi ndi. Ngara re mien yŭn adŭp ngara ndi naan adŭ pinguru, ka ngara re pari bitambah bagŭ ka udip mujur di tarun tana ngara. Sawŭ, andu Jezreel inŭh re andu adi bās!

HOSEA 1:7

Pak Aku re masi di daya Judah. Aku, adi TUHAN Tapa ngara, re nyiramat ngara, pak Aku dŭh re nyiramat ngara pakai perang, pedang bait bawŭh ka reja-panah, bait pakai kuda ngga pinunggang kuda.”

HOSEA 2:18

Di tika anŭ Aku re ndai simanya ngga sopŭrŭg dāng tarun ka manuk, isa ngara dŭh kinaman daya Ku. Aku re kadi gŭh sopŭrŭg sinyata perang so tarun tana anŭ, sopŭrŭg pedang ngga bawŭh panah, ka re bada daya Ku udip darŭm damai ngga siramat.

OBADIAH 1:17

“Pak di Sandah Zion agi adi re siramat, ka-i re jadi tarun adi kudus. Daya Judah re dapu tana adi mbŭh hak adŭp ngara.

OBADIAH 1:21

Daya Jerusalem adi mbŭh manang re nyerang Edom ka nguasa-i. Ka adŭp TUHAN re jadi Raja.”

ZEPHANIAH 3:13

Daya Israel adi babŭ udip re dŭh ndai sarah di daya, kadong daya, bait suba an nipu daya. Ngara re udip mujur ka bamai, ka dŭh taru daya.”

ZECHARIAH 10:6

“Aku re bada daya Judah bake; Aku re nyiramat daya Israel. Aku re masi di ngara ka taban sopŭrŭg ngara ngga mari. Ngara re keya ka bŭn dog tirawan Ku. Aku ati TUHAN Tapa ngara; Aku re nam dua ngara.

ZECHARIAH 3:10

Kan andu anŭ mandŭg, barang naan angān re bagan rasū ngan bada mandŭg ka sua kinyam damai ngga pinyipagŭng, dog kirurung teya anggor ngga tŭngŭn tŭngŭn ara ngan.”

ROME 3:22

Tapa bada daya bamai ngga adŭp-I so ka pinyabah ngara di Jesus Kristus. Tapa ndai simŭnŭ di sopŭrŭg daya adi sabah di Kristus, sabab sopŭrŭg mbŭh brimun di batŭh Tapa:

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

2 CORINTH 5:21

Kristus bŭn ndai sarah, pak sitagar ata Tapa mbŭh bada Ayŭh gŭrŭng dosa ta siŭn ata darŭm udip ndi ngga Ayŭh bisa dapŭd pinŭnggŭn Tapa.

PHILIPPI 3:9

ka jadi ndi ngga Ayŭh. Aku dŭh tia biyŭn pinŭnggŭn adi dog dapŭd so pinyita Ukum-adat. Aku madin biyŭn pinŭnggŭn anŭ adi dog nggen so ka pinyabah di Kristus, pinŭnggŭn adi mandŭg so Tapa sabab pinyabah.