JEREMIAH 23:13 - Hakcipta - Biatah Bidayuh

¹³ Aku mbŭh kiris dosa bara nabi Samaria: ngara mbŭh minyu ngga dŭn Baal ka mbŭh taban daya Ku manyap.

JEREMIAH 23:13 ပူးပေါင်းရင်းမြစ်များ

1 RAJA 18:40

Elijah nggen ukum, “Nakap bara nabi Baal; dŭhnyah bada tadŭ tadŭ so ngara bu!” Bara daya nakap sopŭrŭg ngara, ka Elijah taban ngara ka Yang Kishon ka siŭ ngara.

2 KRONIKEL 33:9

Manasseh taban daya Judah rabis bidosa so bangsa bangsa adi TUHAN mbŭh pibu darŭm daya-I masang mŭrŭt rais anŭ.

ISAIAH 9:16

Daya adi nguru ngara kinanyap ngara ka bada ngara riruk.

JEREMIAH 2:8

Bara imam mating siken, ‘Diki TUHAN?’ Bara imam Ku dŭh puan Aku. Bara pimritah birawan matah Aku; bara nabi minyu ngga dŭn Baal ka nyambah tibudo adi dŭh biguna.

JEREMIAH 23:32

Dingah kayuh adi Aku, adi TUHAN, nang! Aku rawan bara nabi anŭ adi kidaan pŭmŭh adŭp ngara adi puno ngga pinganang kadong. Ngara kidaan pŭmŭh pŭmŭh anŭ ka kinanyap daya Ku ngga pinganang kadong ka pinganang gambung ngara. Aku mating pait ngara bait mritah ngara bada ndai simŭnŭ; ngara dŭh biguna yŭn sopŭrŭg daya. Aku, adi TUHAN, mbŭh minyu.”

JEREMIAH 36:2

“Tambit surat-barun ka nuris dieh sopŭrŭg kayuh adi Aku mbŭh kidaan di kuu pasar Israel ngga Judah ngga bangsa bangsa. Nuris sopŭrŭg kayuh adi Aku mbŭh kidaan di kuu so tika adi ngga Aku minyu ngga kuu di sibungas-i, kan Josiah mbŭh jadi raja, ndŭg andu ati.

HOSEA 4:11

TUHAN nang, “Wain, adi amba ngga adi bauh, mbŭh pirusak pikir daya Ku!

HOSEA 4:12

Ngara mite pinandŭng so supek kayuh! Ndi apŭg kayuh kidaan di ngara kayuh adi ngara raan puan! Ngara mbŭh tagan Aku. Mun dayung adi mbŭh jadi dayung sundar, ngara mbŭh nggen adŭp ngara di tapa bŭkŭn.

MICAH 1:5

Sopŭrŭg kayuh anŭ re jadi sabab daya Israel mbŭh bidosa ka birawan rawan Tapa. Asi meh adi dapu tanggong di pimudip Israel adi mun anŭ? Adŭp Samaria, adi sindŭ kupo! Asi meh adi dapu tanggong di pimudip Judah adi nyambah tibudo? Adŭp Jerusalem!