JEREMIAH 23:10 - Hakcipta - Biatah Bidayuh

¹⁰ Tarun tana rais mbŭh puno bada daya adi dŭh tŭtŭd di TUHAN; ngara udip ginaka ka pakai kuasa ngara ngga aran adi sarah. Sabab pangu TUHAN tana ngurid ka tarun tana kupai badŭh.

JEREMIAH 23:10 ပူးပေါင်းရင်းမြစ်များ

EZRA 10:18

Ati inŭh susud dŭn bara dari adi biyŭn sawŭn so bangsa bŭkŭn: Bara imam, dŭn ngara dog nyusud nanyam ka manak: Manak Joshua ngga bara jurud dari-i, bara anak Jehozadak: Maaseiah, Eliezer, Jarib, ngga Gedaliah.

MAZMUR 107:34

Ayŭh bada tana gamu jadi tarun tana-pajam adi pide sabab udip ginaka ngara adi rŭŭ dieh.

ISAIAH 24:6

Jadi Tapa mbŭh mangu ong. Daya-i trima baras kraja pingandai ngara. Dŭ dŭ nisŭ ngara adi gibabŭ udip.

ISAIAH 5:18

Mbŭh payah inŭh angān! Angān dŭh re dapŭd pirupas adŭp ngan so dosa ngan.

JEREMIAH 12:11

Ngara mbŭh bada-i jadi tarun tana-pajam; ka-i matung di sirung jawin Ku. Ndi tarun tana mbŭh jadi tarun tana-sumat, ka mating daya mbit piduri.

JEREMIAH 14:2

“Judah inŭh ngurid; kupo kupo-i sindŭk re kabŭs, bara daya-i guring di tana buang susah, ka Jerusalem bagan mite turung.

JEREMIAH 6:13

Barang naan daya, bās ngga sŭ, suba dapŭd duit ngga aran adi dŭh batur; nabi ngga imam gŭh nipu daya.

JEREMIAH 7:9

Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

JEREMIAH 9:10

Aku nang, “Aku ngurid darŭd ka muās tarun tana kupai, sabab ngara mbŭh badŭh pisŭk, ka mating daya panu mutas-i. Jawŭn dāng kudip mbŭh mating tia dog dingah; manuk ngga dāng tarun mbŭh bu ka mating tia.”

JEREMIAH 9:12

Aku siken “TUHAN, mani tarun tana jadi matung ka badŭh mun tarun tana-pajam, ndŭg ka daya mating panu mutas-i? Asi adi sukup bijak re mirati kayuh adi mun anŭ? Di asi Kaam mbŭh kidaan rati-i isa ayŭh bisa kidaan di daya bŭkŭn?”

JEREMIAH 9:2

Kasi ka aku biyŭn tarun yŭn rŭŭ di tarun tana-pajam di yŭn aku bisa pijo adŭp ku so daya ku. Sopŭrŭg ngara dŭh tŭtŭd, tibaran daya adi ginaka.

HOSEA 7:4

Sopŭrŭg ngara anŭ ruai arap ka dŭh tŭtŭd. Atin tiru ngara mbŭh keya ka bireh bam apui darŭm oven-tana, adi dog tandah tukang ruti ndŭg ka tibaduk mbŭh kambang ka masak.

JOEL 1:10

Tana mbŭh mating pimuruh dieh; tana muās sabab gandom mbŭh dog pirusak, buwa anggor mbŭh pisŭk, ka tŭngŭn kanā mbŭh rayu.

LEVITICUS 5:1

Sadis taran dosa dog biguna yŭn sarah adi mun ati: Kambŭi angān dog bagan bada nggen taksi di yŭn daya bisara ka dŭh nggen puan pasar kayuh adi angān mbŭh kiris ka dingah, angān re dapu tanggong di sarah anŭ.

ZEPHANIAH 3:4

Bara nabi dŭh an dapu tanggong di kayuh ka dŭh dapŭd dog sabah; bara imam nyembar kayuh adi kudus, ka nikok ukum-adat Tapa yŭn guna adŭp ngara.

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

1 TIMOTHY 1:10

yŭn daya adi dŭh tatu urah rakah-i, yŭn daya adi nyibŭŭs ngga dingan-i adi samah dari, yŭn daya adi nakap daya ngga bu an-i jua, yŭn daya adi pingadong ka yŭn daya adi nggen taksi kadong, puan kah adi ndai kayuh adi dŭh nanyam ka ajar adi batur.

HEBREW 13:4

Sopŭrŭg daya an stabi di banan sawan, ka banŭh bait sawŭn dŭh siŭn dŭh an tŭtŭd ngga dingan-i. Tapa re ngukum daya adi udip darŭm sarah ka daya adi tanggah.

JAMES 4:4

Angān daya adi dŭh tŭtŭd di Tapa! Dŭh kah angān puan nang bidingan ngga ong sirati-i jadi pinganyu Tapa? Kambŭi angān raan bidingan ngga ong, angān mbŭh bada adŭp ngan jadi pinganyu Tapa.