JEREMIAH 22:5 - Hakcipta - Biatah Bidayuh

⁵ Pak kambŭi angān dŭh tunda pesan Ku, Aku bipayu di angān nang istana ati re rubuh. Aku, adi TUHAN, mbŭh minyu.

JEREMIAH 22:5 ပူးပေါင်းရင်းမြစ်များ

TIBIRIK 22:16

“Aku ndai ndi payu ngga adŭn adŭp Ku adi TUHAN nang Aku re manŭn nyiberkat kuu. Sabab kuu mbŭh ndai simŭnŭ ka dŭh siŭt kaŭs kaŭs anak dari mu so Aku,

2 KRONIKEL 7:19

Pak kambŭi kuu ngga daya mu dŭh tunda ukum-adat ngga pesan Ku adi Aku mbŭh nggen di kuu, ka nyambah tapa bŭkŭn,

2 KRONIKEL 7:21

“Ramin ati madin grua sangŭn, pak di andu anŭ barang naan daya adi murah re inga inga ka re siken, ‘Mani TUHAN ndai simŭnŭ di tarun tana ati ngga di Ramin ati?’

2 KRONIKEL 7:22

Daya re nam, ‘Sabab ngara tagan TUHAN adi Tapa ngara, adi taban tayung-babuk ngara ruah so Egypt. Ngara bituan di tapa tapa bŭkŭn ka nyambah-i. Ngapŭi TUHAN taban pinyirusag ati ka ngara.’ ”

MAZMUR 95:11

Aku baji ka bipayu; ‘Angān dŭh re mŭrŭt tarun tana anŭ di yŭn Aku nggen di angān rŭŭ-paya.’ ”

ISAIAH 1:20

Pak kambŭi angān rawan Aku, angān re kabŭs. Aku, adi TUHAN, mbŭh minyu.”

JEREMIAH 12:7

TUHAN nang, “Aku mbŭh tagan Israel; Aku mbŭh tirawan bangsa adi Aku mbŭh mien. Aku mbŭh nggen daya adi Aku rindu ka darŭm tangan pinganyu ngara.

JEREMIAH 17:27

Pak ngara dŭh siŭn dŭh nundok di Aku ka sita andu Sabbath bada jadi andu adi kudus. Ngara dŭh siŭn kabis tadŭ tadŭ kayuh mŭrŭt ruah tiban tiban-bās Jerusalem di andu anŭ, amai kambŭi ngara ndai simŭnŭ, Aku re badang tiban tiban Jerusalem. Apui re man istana di Jerusalem, ka mating daya re tungang mura-i.”

JEREMIAH 26:4

TUHAN bada aku kidaan di ngara, “Aku, adi TUHAN, mbŭh nang angān dŭh siŭn dŭh nundok di Aku ka tunda ajar adi Aku mbŭh nggen di angān,

JEREMIAH 39:8

Atan anŭ, bara soldadu Babylonia badang istana raja, ramin ramin daya ka nyirubuh sindung Jerusalem.

JEREMIAH 44:26

Pak madin dingah payu adi Aku, adi TUHAN, mbŭh ndai ngga adŭn Ku adi bikuasa di sopŭrŭg ngan daya Israel di Egypt: Aku re dŭh tia bada tadŭ tadŭ so angān pakai adŭn Ku ngga bipayu nang, ‘Aku bipayu pakai adŭn TUHAN Raja adi udip!’

AMOS 6:8

TUHAN Raja adi Bisa-pŭrŭg mbŭh nggen pinyibakan ati: “Aku dŭh rindu uap-sambuh daya Israel; Aku ngamun ramin grua ngara. Aku re nggen sindŭ kupo ngara samŭn sopŭrŭg kayuh adi agi dieh di pinganyu ngara.”

MICAH 3:12

Ngapŭi meh, sabab angān, Zion re dog majak mun tana, Jerusalem re jadi tugung rakang tibawang, ka sandah Ramin TUHAN re jadi tuān.

MATTHEW 23:38

Ngapŭi meh Ramin Tuhan mu re dog tagan ka engan.

HEBREW 3:18

Di andu Tapa bipayu, “Ngara dŭh re mŭrŭt tarun tana anŭ adi yŭn Ku an nggen rŭŭ-paya di ngara,” pasar asi Ayŭh nang sakanŭ? Pasar ngara adi rawan Ayŭh.

HEBREW 6:13

Di andu Tapa bijanji ngga Abraham, Ayŭh bipayu an ndai kayuh adi-I bijanji an ndai. Amai mating adi rabis bās so adŭp-I, Ayŭh pakai adŭn adŭp-I kan-I bipayu.

HEBREW 6:17

Di ngara adi re kambat kayuh adi-I ko bijanji an nggen, Tapa raan ngara puan Ayŭh dŭh re ngubah pikir-I; jadi Ayŭh nambah payu di janji-I anŭ.