JEREMIAH 22:22 - Hakcipta - Biatah Bidayuh

²² Bara pinguru ngan re dog poh sabak, bara pambit ngan dog taban ngga bu jadi daya-takap darŭm perang, kupo ngan dog ngamun ka dog kinarap sabab sopŭrŭg pingandai arap ngan.

JEREMIAH 22:22 ပူးပေါင်းရင်းမြစ်များ

ISAIAH 64:6

Sopŭrŭg kieh taŭn mbŭh bidosa; ndŭg ka urah rakah ami adi siabo kana babŭ gŭh kais ka sembar. Sabab dosa ami kieh mbŭh keya ka dawŭn kayuh adi rayu adi mikabur dog poh sabak.

ISAIAH 65:13

Ngapŭi meh Aku kidaan di angān, ngara adi nyambah ka tunda pinganang Ku re biyŭn bagŭ kayuh man ngga kayuh nok, pak angān re sibŭrŭk ka badŭh asŭng. Ngara re gaŭn, pak angān re dog pimangŭh.

JEREMIAH 10:21

Aku nam, “Bara pinguru ta budo; ngara dŭh mite pinyitayan so TUHAN. Anŭ inŭh sabab ngara dŭh mujur darŭm kraja ngara, ka bara daya ta mbŭh papar sasah.

JEREMIAH 12:10

Bagŭ pimritah daya tami mbŭh pirusak teya anggor Ku; ngara mbŭh bidigang di tana ŭmŭh Ku; ngara mbŭh bada tarun tana Ku adi ramus jadi tarun tana-sumat.

JEREMIAH 2:36

Kuu pirabu adŭp mu darŭm kuu tunda tapa tapa bangsa bŭkŭn. Kuu re asa bada Egypt, nimun Assyria ko piasa kuu.

JEREMIAH 2:37

Kuu re bu so Egypt, buang ubak mu mutu amai mangŭh. Aku, adi TUHAN, mbŭh tirawan ngara adi kuu sabah; kuu dŭh re dapŭd ani ani so ngara.”

JEREMIAH 2:8

Bara imam mating siken, ‘Diki TUHAN?’ Bara imam Ku dŭh puan Aku. Bara pimritah birawan matah Aku; bara nabi minyu ngga dŭn Baal ka nyambah tibudo adi dŭh biguna.

JEREMIAH 20:11

Pak Kaam, TUHAN, agi parad ka aku, bake buang bikuasa, ka ngara adi kisiis aku re rabu ka dŭh bigaya. Ngara re dog pimangŭh ndŭg situi tui, sabab ngara dŭh mujur di pingandai ngara anŭ. Mangŭh ngara re dŭh dog kambŭt.

JEREMIAH 30:14

Sopŭrŭg ambai ngan mbŭh kambŭt angān; ngara dŭh tia piduri angān. Aku mbŭh nyerang angān mun pinganyu; ukum ngan inŭh bat sabab dosa ngan raru bagŭ ka udip ginaka ngan mbŭh raru sipŭ.

JEREMIAH 4:30

Jerusalem, mŭmbŭh inŭh kuu! Mani kuu nēn piraka bireh? Mani kuu kasŭk pimakai mas ka ngudat batŭh mu? Mating guna-i kuu bada adŭp mu ramus! Bara ambai mu mbŭh tirawan kuu ka raan siŭ kuu.

JEREMIAH 5:13

Ngara nang bara nabi minyu au-tarun, buang dŭh biyŭn pinganang so TUHAN. TUHAN Tapa Bisa-pŭrŭg nang di aku, “Jeremiah, sabab sopŭrŭg daya ati mbŭh minyu sakanŭ, Aku re bada buwa pinganang Ku mun apui di baba mu. Ngara re keya ka apŭg kayuh, ka apui re man ngara.”

JEREMIAH 7:19

Pak sibatur-i, dŭh-i Aku adi ngara kandam. Ngara kandam adŭp ngara ndŭg ka adŭp ngara mangŭh.

HOSEA 12:1

Barang masam kayuh adi daya Israel ndai so isan isan ndŭg singarŭm inŭh dŭh biguna, buang-i kayuh adi bisa pirusak. Tipu ngga pinyiganas taŭn bitambah adŭ di dupan ngara. Ngara ndai pekat-damai ngga Assyria ka ndai dagang ngga Egypt.

HOSEA 13:15

Sunggu Israel mujur mun uduh di tana adi damŭn, Aku re pait sabak timor adi paras so tarun tana-pajam, ka-i re nyibadŭh anak anak sungi ngga prigi ngara. Ka-i re taban ngga bu sopŭrŭg kayuh adi brega.

HOSEA 4:19

Ngara re dog taban bu mun adi dog poh sabak, ka ngara re mangŭh ngarun sadis adat karŭm ngara.

ZECHARIAH 11:17

Mbŭh payah inŭh pingingat-biri anŭ! Ayŭh mbŭh tagan kaban biri-i. Perang re pirabur kuasa-i. Tangan-i re ramah, ka batŭh-i karak.”

ZECHARIAH 11:8

Aku mbŭh dŭh tia sabar ngga pingingat-biri adi bŭkŭn, adi tiru di aku; jadi darŭm tipuh ndi buran anŭ aku taran ngara.