JEREMIAH 21:7 - Hakcipta - Biatah Bidayuh

⁷ Pak kuu, bara pinurung mu, ka ngara adi gibabŭ udip ripas perang, apag, ka andam — sopŭrŭg re Ku bada dog nakap Raja Nebuchadnezzar ngga bara pinganyu mu, adi raan siŭ kuu. Nebuchadnezzar re siŭ kuu. Ayŭh dŭh re tandah tadŭ tadŭ so angān udip bait masi di tadŭ tadŭ ngan. Aku, adi TUHAN, mbŭh minyu.”

JEREMIAH 21:7 ပူးပေါင်းရင်းမြစ်များ

ISAIAH 27:11

Daan daan tŭngŭn kayuh mbŭh rayu ka pata, ka bara dayung sun-i ndu uwang. Sabab daya dŭh mirati ani ani, Tapa adi Pinapa ngara dŭh re masi bait apun ngara.

ISAIAH 47:6

Aku baji di daya Ku; Aku ndai di ngara keya ka ngara mbŭh dŭh tia daya Ku: Aku na ngara darŭm kuasa mu, ka kuu dŭh kiren masi di ngara; ndŭg ka adi minyamba kuu kasar ngga.

JEREMIAH 13:14

Komŭnŭ Aku re mapar ngara mun tipayan papar amai tipaka dupan adŭp-i, adi minyamba ngga adi mara. Aku re pirabur ngara ngga dŭh kira masi bait kira apun.”

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

JEREMIAH 15:5

TUHAN nang, “Asi re masi di angān, daya Jerusalem, ka asi re susah pikir angān? Asi re nyasa ka siken siken ani agah ngan?

JEREMIAH 15:9

Sindŭ adi kiris ju madis anak-i miyap mbŭh singak singik ngasŭng. Pimudip-i mbŭh karŭm; ayŭh dog ngamun ka dog pimangŭh. Aku re bada pinganyu ngan siŭ sinadan angān adi gibabŭ udip. Aku, adi TUHAN mbŭh minyu.”

JEREMIAH 19:7

Di tarun ati Aku re pijimŭ sopŭrŭg pusar daya Judah ngga daya Jerusalem. Aku re bada bara pinganyu manang ngarah ngara ka siŭ ngara darŭm perang. Aku re tandah tadang tadang ngara dog man manuk ngga dāng dāng tarun.

JEREMIAH 20:4

Adŭp TUHAN mbŭh nang, ‘Aku re bada kuu jadi pinyitaru di adŭp mu ka di bara dingan mu, ka kuu re kiris sopŭrŭg ngara dog siŭ pinganyu pakai pedang. Aku re na sopŭrŭg daya Judah di ribo kuasa raja Babylonia; ayŭh re taban ngga bu kudu kudu naan jadi daya-takap ka rais adŭp-i ka adi bŭkŭn ayŭh bada dog siŭ.

JEREMIAH 22:25

ka nggen kuu di daya adi kuu taru, daya adi raan siŭ kuu. Aku re nggen kuu ka Raja Nebuchadnezzar so Babylonia samŭn di bara soldadu-i.

JEREMIAH 27:6

Aku inŭh adi bada sopŭrŭg bangsa ati di ribo kuasa urun Ku, Raja Nebuchadnezzar so Babylonia, ka Aku gŭh mbŭh bada dāng dāng tarun bituan di ayŭh.

JEREMIAH 32:4

ka Raja Zedekiah re dŭh dapŭd bu pirupas adŭp-i. Ayŭh re dog nyerah ka raja Babylonia; ayŭh re situra jawin ngga ayŭh buang re minyu ngga ayŭh.

JEREMIAH 34:3

Kuu re dŭh dapŭd bu pirupas adŭp mu; kuu re dog nakap ka dog nggen di ayŭh. Kuu re situra jawin ngga ayŭh ka minyu ngga ayŭh; komŭnŭ kuu re di ka Babylonia.

JEREMIAH 36:29

TUHAN bada aku nang di raja, “Kuu mbŭh badang surat-barun anŭ, ka kuu mbŭh siken mani Jeremiah nuris nang raja Babylonia re mandŭg ka pirabur tarun tana ati ka siŭ bara daya-i samŭn dāng dāng adi agi dieh.

JEREMIAH 37:17

Ripas anŭ Raja Zedekiah bada aku dog taban ka yŭn adŭp-i, ka diginŭ di istana ayŭh siken di aku darŭm bisukan, “Agi kah pinganang so TUHAN?” “Agi”, aku nam, ka aku nang, “Kuu re dog nggen ka darŭm tangan raja Babylonia.”

JEREMIAH 50:17

TUHAN nang, “Daya Israel mbŭh keya ka biri, adi dog tadak singah ka mbŭh basak basik. Sibungas-i, ngara dog nyerang raja-empaya Assyria, ka komŭnŭ Raja Nebuchadnezzar so Babylonia mapa turang ngara.

PUĀS 2:20

Tingga, O TUHAN! Mani Kaam ngukum kieh mun ati? Bara dayung man anak anak adi ngara rindu! Bara imam ngga bara nabi dog siŭ di Ramin TUHAN!

PUĀS 2:22

Kaam bagan pinganyu ku bada ndai gawai pinyiganas maning aku, ka mating daya dapŭd pirupas adŭp-i di andu anŭ so baji Mai. Ngara siŭ anak anak ku, adi aku nyiran ka rindu.

EZEKIEL 23:28

Ati inŭh kayuh adi TUHAN Raja nang: “Aku re nyerah kuu ka daya adi kuu tiru ka sidot dieh.

EZEKIEL 7:9

Aku dŭh re pirupas angān bait masi di angān. Aku re ngukum angān amai pingandai sipŭ adi mbŭh ngan ndai, isa angān puan Aku ati TUHAN, ka Aku ati adi ngukum angān.”

EZEKIEL 8:18

Ngara re kinyam bisā baji Ku. Aku dŭh re tandah bait masi di ngara. Ngara re nyirais ngga situngang ngara nang dua ka Aku, pak Aku dŭh re dingah ngara.”

EZEKIEL 9:10

Pak Aku dŭh re masi di ngara; Aku re ndai di ngara kayuh adi ngara ndai di daya bŭkŭn.”

DITRONOMI 28:50

Ngara re raru garang ka dŭh biyŭn masi di tadŭ tadŭ daya, adi mara bait adi minyamba.