JEREMIAH 21:6 - Hakcipta - Biatah Bidayuh

⁶ Aku re siŭ sopŭrŭg daya adi rŭŭ darŭm kupo ati; manusia ngga dāng sopŭrŭg re kabŭs dog andam adi bisā.

JEREMIAH 21:6 ပူးပေါင်းရင်းမြစ်များ

TIBIRIK 6:7

ka-I nang, “Aku re pirarap bara daya adi ko Ku napa, samŭn sigara dāng ngga manuk, amai nyesar nyam Ku ko napa ngara.”

ISAIAH 6:11

Aku siken, “Ndŭg sinde kayuh ati re mun ati, TUHAN?” Ayŭh nam, “Ndŭg ka kupo kupo mbŭh rubuh ka mating ani ani dieh, ndŭg ka ramin ramin mbŭh mating daya rŭŭ dieh, ndŭg ka tarun tana anŭ mbŭh jadi tarun adi pajam.

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 20:4

Adŭp TUHAN mbŭh nang, ‘Aku re bada kuu jadi pinyitaru di adŭp mu ka di bara dingan mu, ka kuu re kiris sopŭrŭg ngara dog siŭ pinganyu pakai pedang. Aku re na sopŭrŭg daya Judah di ribo kuasa raja Babylonia; ayŭh re taban ngga bu kudu kudu naan jadi daya-takap ka rais adŭp-i ka adi bŭkŭn ayŭh bada dog siŭ.

JEREMIAH 32:24

“Daya Babylonia mbŭh nugung tana ngga nyikapung kupo ka sirabut-i, ka ngara mbŭh nyerang madin. Perang, udip sikirau, ka andam re bada kupo ati rabu ka darŭm tangan ngara. Kaam dapŭd kiris sopŭrŭg kayuh, adi Kaam mbŭh nang, jadi bitŭtŭk.

JEREMIAH 33:12

TUHAN Bisa-pŭrŭg nang, “Di tarun tana ati adi mun tarun tana-pajam ka di yŭn mating daya bait dāng rŭŭ dieh, re pari agi tarun tana kupai di yŭn pingingat-biri taban kaban biri-i.

JEREMIAH 34:17

Jadi madin, Aku, adi TUHAN, nang angān dŭh nundok di Aku: angān dŭh nggen pinyirupas di dingan ngan adi samah bangsa ngga adŭp ngan. Sabab anŭ, Aku re nggen di angān pinyirupas: pinyirupas kabŭs biperang, kabŭs dog andam, ka kabŭs sikirau. Aku re bada barang bangsa di ong tikaran kiris kayuh adi Aku ndai di tunduh ngan.

JEREMIAH 36:29

TUHAN bada aku nang di raja, “Kuu mbŭh badang surat-barun anŭ, ka kuu mbŭh siken mani Jeremiah nuris nang raja Babylonia re mandŭg ka pirabur tarun tana ati ka siŭ bara daya-i samŭn dāng dāng adi agi dieh.

JEREMIAH 42:22

Ngapŭi meh, ingat ati: angān re kabŭs darŭm perang, bait sabab sikirau, bait sabab andam, di tarun tana adi angān raan rŭŭ dieh.”

JEREMIAH 7:20

Ngapŭi Aku, adi TUHAN Raja, re bada bisā baji Ku nyatŭk Ramin TUHAN ati. Aku re bada-i nyatŭk manusia ngga dāng dāng, samŭn tŭngŭn tŭngŭn kayuh ngga pimuruh. Baji Ku re mun apui adi dŭh daya tungang mura.

EZEKIEL 12:16

Aku re bada kada so ngara siramat so biperang, so apag, ka so andam, isa di ruang bangsa bangsa anŭ ngara re rada munki masam sipŭ pingandai ngara ka re ngaku Aku ati TUHAN.”

EZEKIEL 14:13

“Manusia,” Ayŭh nang, “Kambŭi rais bidosa ka dŭh tŭtŭd di Aku, Aku re pakat tangan Ku ka pirŭŭ pimandŭg pinguman-i. Aku re pait apag ka siŭ manusia ngga dāng.

EZEKIEL 14:17

Bait kah Aku bada perang timbur di rais anŭ ka pait sinyata adi bisā ngga pirarap manusia ka dāng,

EZEKIEL 14:19

“Kambŭi Aku pait sesak-andam ka rais anŭ, ka darŭm baji Ku siŭ bagŭ daya ka dāng,

EZEKIEL 14:21

Ati inŭh kayuh adi TUHAN Raja nang: “Aku re pait pat ukum Ku adi bisā bada nyatŭk Jerusalem, anŭ inŭh perang, apag, dāng tarun, ka andam, ngga pirabur manusia ka dāng.

EZEKIEL 33:27

“Kidaan di ngara Aku, adi TUHAN Raja, bakan ngara nang siragi Aku ati Tapa adi udip, daya adi rŭŭ di kupo kupo adi rubuh anŭ re dog siŭ. Ngara adi rŭŭ di sapa rais re dog man dāng tarun. Ngara adi bisukan di darŭd darŭd ka di tāng re kabŭs bada sesak-andam.

EZEKIEL 33:29

Kan Aku ngukum daya amai dosa ngara ka bada rais ngara matung, nŭ ngara puan nang Aku ati TUHAN.”

EZEKIEL 7:15

Agi biperang di aran raya, ka daya mandam ngga adi sikirau agi di ramin. Tadŭ daya di sapa tarun tana rais re kabŭs biperang, ka tadŭ daya di kupo re kabŭs mandam ka kabŭs sikirau.

HOSEA 4:3

Tarun tana re badŭh, ka barang masam kayuh dieh re kabŭs. Sopŭrŭg dāng ngga manuk, ndŭg ka iken, re kabŭs.”

MICAH 3:12

Ngapŭi meh, sabab angān, Zion re dog majak mun tana, Jerusalem re jadi tugung rakang tibawang, ka sandah Ramin TUHAN re jadi tuān.

ZEPHANIAH 1:3

sopŭrŭg manusia ngga dāng dāng, manuk ka iken. Aku re pirabu daya adi ginaka. Aku re pirabur sopŭrŭg bangsa manusia, ka mating daya re udip. Aku, adi TUHAN, mbŭh minyu.

LUKE 21:24

Kada re dog siŭ ngga pedang, ka adi bŭkŭn re dog taban bu jadi daya-takap ka rais daya bŭkŭn. Ka daya adi dŭh bangsa Jahudi re digang Jerusalem ndŭg ka tipuh ngara mbŭh ripuan.